<div class="article-content">
<p><strong>ភ្នំពេញ៖</strong> ប្រាសាទអង្គរវត្ត ដ៏ល្បីល្បាញបំផុត នៃព្រះរាជាណាចក្រកម្ពុជា គឺជាសម្បត្តិបេតិកភណ្ឌ<br /> មួយ របស់ពិភពលោកដែល បានរកប្រាក់ចំណូល ៣០លានដុល្លារ ប្រចាំឆ្នាំ ពីការលក់សំបុត្រ។<br /> នេះបើតាមការអះអាងពីលោកឧបនាយករដ្ឋមន្ត្រី និងជារដ្ឋមន្ត្រីទទួលបន្ទុក ទីស្តីការគណរដ្ឋមន្ត្រី <br />សុខ អាន កាលពីថ្ងៃអាទិត្យ ទី០៧ ខែកក្កដា ឆ្នាំ ២០១៣។</p>
<p>ទីភ្នាក់ងារព័ត៌មានចិនស៊ិនហួបានដកស្រង់សម្តីលោកសុខ អាន ដែលបានថ្លែងនៅក្នុងពិធីគម្រប់<br />ខួបទី៥ឆ្នាំ នៃការចុះប្រាសាទព្រះវិហារ ទៅក្នុងបញ្ជីសម្បត្តិ បេតិកភណ្ឌពិភពលោករបស់អង្គការ<br /> យូណេស្កូ ថា “ផលទុន សរុប ដែលទទួលបានមកពីការ លក់សំបុត្រនៅ ឯប្រាសាទអង្គវត្តនោះ<br />មានចំនួន ៣០លានដុល្លារ សហរដ្ឋអាមេរិក កាលពីឆ្នាំមុន។”</p>
<p>គួរបញ្ជាក់ផងដែរថា តំបន់អង្គរគឺជាគោលដៅ ទេសចរណ៍វប្បធម៌ ដ៏ធំជាងគេបង្អស់នៅប្រទេស<br /> កម្ពុជា ដែលភ្ញៀវទេសចរ បរទេស ត្រូវចំណាយប្រាក់ ២០ដុល្លារអាមេរិក ក្នុងការចូល ទស្សនា<br />ប្រាសាទអង្គរវត្ត រយៈពេលមួយថ្ងៃ, ៤០ដុល្លារសម្រាប់ រយៈពេលបីថ្ងៃ, និង ៦០ដុល្លារសម្រាប់ធ្វើ<br />ការទស្សនារយៈពេល មួយសប្តាហ៍។</p>
<p>កាលពីឆ្នាំ២០១២ កន្លងទៅនេះអង្គរវត្តបានទាក់ទាញភ្លៀវទេសចរ អន្តរជាតិប្រមាណ២,០៦លាន<br />នាក់ ដែលចំនួននេះ បានកើន ២៨ភាគរយ បើប្រៀបធៀបទៅនឹងឆ្នាំមុន។ បើតាម របាយការណ៍<br />ចុងក្រោយ បង្ហាញថា រយៈពេល ៣ខែដើមឆ្នាំ២០១៣ នេះភ្ញៀវទេសចរ អន្តរជាតិបានទៅទស្សនា<br />អង្គរវត្ត មានចំនួន ៦៩៤.៧០០នាក់ កើនឡើង ៨ភាគរយ បើប្រៀបធៀបទៅនឹងរយៈពេលដូចគ្នា<br />កាលពីឆ្នាំទៅ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-078/Lay-190.jpg" alt="Photo by DAP-News" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>