<p><span style="color: #000000;"><strong>(ញូដេលី)៖</strong> ទីបំផុតកម្តៅនៅទីក្រុង Phalodi របស់រដ្ឋ Rajasthan ប្រទេសឥណ្ឌា បានកើនឡើងដល់ ៥១អង្សាសេហើយ បើតាមការព្យាករណ៍នៅថ្ងៃសុក្រនេះ ដែលវាជាកំណត់ត្រាថ្មី និងអាក្រក់បំផុត សម្រាប់ប្រទេសឥណ្ឌា និងតំបន់អាស៊ីទាំងមូល។ នេះបើតាមការចេញផ្សាយមុននេះបន្តិច ដោយ Channel News Asia នារសៀលថ្ងៃសុក្រ ទី២០ ខែឧសភា ឆ្នាំ២០១៦។</span></p>
<p><span style="color: #000000;">ទីក្រុងវាលខ្សាច់ខាងលើនេះ ធ្លាប់បានកើនឡើងកម្តៅខ្ពស់បំផុតជាលើកដំបូង កាលពីឆ្នាំ ១៩៥៦ ប៉ុន្តែកាលណោះគឺមានកម្តៅតែ ៥០,៦អង្សាសេប៉ុណ្ណោះ។ នាយកដ្ឋានព្យាករណ៍អាកាសធាតុ ឥណ្ឌា (IMD) បានប្រកាសថា «<strong>វាជាការកើនឡើងកម្តៅ ដ៏អាក្រក់បំផុតសម្រាប់ឥណ្ឌា ដែលមានរហូត ៥១អង្សាសេបែបនេះ</strong>»។ សម្រាប់តំបន់ដែលកំពុងទទួលរងគ្រោះខ្លាំងជាងគេនោះ គឺភាគខាងត្បូង និង ភាគខាងលិចប្រទេស ដែលនឹងអូសបន្លាយដល់ចុងសប្តាហ៍នេះ។</span></p>
<p><span style="color: #000000;">គួរបញ្ជាក់ថា បើគិតពីសីតុណ្ហភាពជាមធ្យមទូទាំងប្រទេសឥណ្ឌា គឺស្ថិតក្នុងរង្វង់ ៤៥ អង្សាសេ លើសកម្រិតប្រកាសអាសន្ន ហើយវាក៏បានសម្លាប់មនុស្សរាប់សិបនាក់មកហើយ ក្នុងឆ្នាំ២០១៦ នេះ។ ងាកមកមើលប្រទេសស្រីសង្កា ដែលស្ថិតនៅភាគខាងត្បូងប្រទេសឥណ្ឌាវិញបែរជាកំពុង ទទួលរងគ្រោះដោយសារតែទឹកជំនន់ ដែលបានបង្កឡើងដោយភ្លៀងធ្លាក់យ៉ាងដំណំទៅវិញ ស្របពេលដែលប្រទេសឥណ្ឌា ដែលនៅក្បែរគ្នាបែរជាទទួលរងគ្រោះរាំងស្ងួត ស្ទើរទូទាំងប្រទេស៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/20/1-20-05-2016--13-56-54.png"><img src="/FileManager/Articles/mce/2016/5/20/1-20-05-2016--13-56-54.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>