<p><strong>ភ្នំពេញ៖</strong>តារាចម្រៀង សុគន្ធ និសា រាជនីកំពូលសម្រស់របស់ផលិតកម្ម ថោន ដែលកំពុងតែ<br /> ត្រូវបានផលិតកម្មព្យាយាម លើកតំលើកផុតគេផុតឯងនោះ កំពុងតែបង្ហាញវត្តមាន តាមកញ្ចក់<br />ទូរទស្សន៍រៀងរាល់ ចុងសប្ដាហ៍ ស្ទើរតែគ្រប់ស្ថានីយទូរទស្សន៍ លើកលែងតែស្ថានីយទូរទស្សន៍<br /> ហង្សមាស មួយទេ ដែលនាងមិនព្រមឡើង ព្រោះជាការហាមប្រាមរបស់ផលិតកម្ម ដែលនាង<br />កំពុងច្រៀង។</p>
<p>មិនមែនជារឿងលេងសើចទេ បន្ទាប់ពី សុគន្ធ និសា វិលត្រឡប់ពីសម្ដែងក្រៅប្រទេសវិញ នាង<br />បានព្យាយាម រកវិធីសាស្ត្រ ដើម្បីទាមទារ មកវិញនូវប្រជាប្រិយភាព ដែលបានបាត់បង់យ៉ាង<br />ក្រាស់ក្រែង ក្រោយពេលនាងដូរទ្រនំ ព្រោះមិនចង់នៅជ្រក់ជ្រេញជាមួយគូស្នេហ៍ កវីមុខស្ងួត<br /> សុខ ជំនោរ ។ កំឡុងពេលនាងកំពុងតែសម្ដែង នៅសហរដ្ឋអាមេរិក នាងទទួលរងនូវព្យុះភ្លៀង<br />ពាក្យចចាមអារ៉ាម ស្នេហាយ៉ាងក្ដៅគគុក ជាមួយកំលោះសង្ហាអណិជនសម្បូរប្រាក់ ចាយមិន<br />អស់ បូករួមជាមួយរឿងរ៉ាវ បុរសអ្នកមានជាច្រើនព្យាយាម ស្ទូចយកបេះដូងស្រីស្អាត រាងតូច<br />ច្រឡឹងម្នាក់នេះមកថ្នាក់ថ្នមទៀតផង ។</p>
<p>ប៉ុន្តែ សុគន្ធ និសា បានបកស្រាយតាមសារព័ត៌មាន ក្នុងស្រុកមួយថា នាងមិនទាន់មានស្នេហា<br />ថ្មី នៅឡើយទេ ព្រោះចង់យកពេលប្រឡូកសិល្បៈ ឲ្យបានពេញទំហឹងជាងនេះ ។ ប្រភពមួយ<br />ពីសហរដ្ឋអាមេរិកបាននិយាយថា បុរសអាមេរិចក ដែលជ្រួលជ្រើមកំពុងតាមស្នេហ៍ស្រីស្អាត <br />សុគន្ធ និសាពេលនេះ បានមករកនាងមកដល់ក្នុងស្រុកខ្មែរ ជាច្រើនសប្ដាហ៍មកហើយ ។ តែ<br />មិនទាន់មានដំណឹងថា បុរសនេះ បានជួប សុគន្ធ និសា នៅឡើយទេ ព្រោះ សុគន្ធ និសា ហាក់<br />មិនសូវអើពើជាមួយបុរសណានៅឡើយ ។បើទោះជានាង បានបែកបាក់ស្នេហ៍ជិត២ឆ្នាំ ទៅ<br />ហើយក៏ដោយ នាងក៏ទទួលរងឥទ្ធិពល ចំហាយស្នេហ៍ចាស់ មិនតិចដែរ ព្រោះចំណងស្នេហ៍ <br />នាងមិនមែន ១ឆ្នាំ ឬ២ឆ្នាំ គឺ៧ឆ្នាំ ដែលជារយៈពេលមួយយូរក្រែលគ្រាន់បើ។</p>
<p>ដើម្បីលុបចោលអនុស្សាវរីយ៍ជូរចត់កម្សត់រហេមរហាម តារាស្រី សុគន្ធ និសា ក៏បានលក់ផ្ទះ<br />សាងស្នេហ៍កម្សត់ដាំដើមឫស្សីចោល នឹងរកទិញវីឡាយ៉ាងស្កឹមស្កៃ ដើម្បីជាជម្រកសម្រាប់<br />សាងសុភមង្គលថ្មីក្នុងជីវិត ។ តារាស្រីរូបនេះ មិនអាចទាក់ទងដើម្បីបំភ្លឺបានទេ ព្រោះនេះជា<br />ទំលាប់នាងទៅហើយ ដែលមិនរវីរវល់ជាមួយប្រព័ន្ធព័ត៌មាន ក្រៅពីមានអ្នកចាំនាំពាក្យដូចតារា<br />បរទេស ។</p>
<p>មកដល់ក្នុងឆ្នាំនេះ សុគន្ធ និសា មានវ័យ ៣២ ឆ្នាំទៅហើយ តែនាងហាក់មិនចាស់ទាល់តែសោះ<br /> ពោលគឺ មើលទៅនៅតែក្មេង និងស្រស់ស្អាត គ្រប់ពេលវេលា នាងក៏បានប្រើប្រាស់បណ្ដាញ<br />សង្គមហ្វេសប៊ុក ក្នុងការទាក់ទាញប្រជាប្រិយភាព ក្នុងមួយថ្ងៃយ៉ាងហោចណាស់ ក៏នាងបង្ហោះ<br />រូបភាព ២ ទៅ៣ សន្លឹកដែរ ដើម្បីប្រាប់ថា នាងកំពុងធ្វើអ្វី នៅទីណា ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-069.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-067.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-066.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-068.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>