<p><span style="font-size: 12px; color: #000000;">ដើម្បីអនុវត្តយុទ្ធសាស្រ្តនៃការតភ្ជាប់សេវាអ៊ីនធឺណិត ប្រកបដោយប្រសិទ្ធភាព មានកត្តាមួយចំនួន ដែលអ្នកត្រូវពិចារណា និងតម្រូវការតភ្ជាប់សេវាអ៊ីនធឺណិត មួយចំនួនទៀត ដែលអ្នកចាំបាច់ត្រូវកំណត់ឱ្យបានច្បាស់ដូចខាងក្រោមនេះ៖</span></p>
<p><span style="color: #000000;">នៅពេលកំណត់ឱ្យបានច្បាស់លាស់ពីការរៀបចំប្លង់ ឬយុទ្ធសាស្រ្តតភ្ជាប់សេវាអ៊ីនធឺណិត កត្តាសំខាន់បំផុត ដែលអ្នកចាំបាច់ត្រូវកំណត់ឱ្យបានច្បាស់លាស់ គឺកម្រិតនៃការបញ្ជូន(Bandwidth) ដែលត្រូវការចាំបាច់សម្រាប់អ្នកប្រើប្រាស់ ដើម្បីអនុវត្តភារកិច្ចចាំបាច់របស់ពួកគេ។ ដើម្បីកំណត់កម្រិតបញ្ជូន ដែលអ្នកប្រើប្រាស់ត្រូវការ អ្នកត្រូវកំណត់ដូចចំណុចខាងក្រោម៖</span></p>
<ul>
<li><span style="color: #000000;">ចំនួននៃអ្នកប្រើប្រាស់ ដែលនឹងត្រូវចូលដំណើរការសេវាអ៊ីនធឺណិត ក្នុងពេលតែមួយ</span></li>
<li><span style="color: #000000;">កម្មវិធី ដែលអ្នកប្រើប្រាស់ទាំងនេះ នឹងប្រើ</span></li>
<li><span style="color: #000000;">ភារកិច្ច ឬមុខងារ ដែលអ្នកប្រើប្រាស់ នឹងអនុវត្ត។</span></li>
</ul>
<p> </p>
<p><span style="color: #000000;">ចំនួននៃកម្រិតបញ្ជូន(bandwidth ) ដែលត្រូវការសម្រាប់ការប្រើប្រាស់ មានឥទ្ធិពលដល់ចំណុចពីរយ៉ាងខាងក្រោម៖ </span><br /><span style="color: #000000;"> o ថាតើ ក្រុមហ៊ុនផ្ដល់សេវាអ៊ីនធឺណិតមួយណា (ISP) ដែលអ្នកត្រូវការប្រើប្រាស់។</span><br /><span style="color: #000000;"> o តើតម្លៃប៉ុន្មាន ទើបត្រូវនឹងកញ្ចប់ថវិការបស់អ្នក។</span></p>
<p><span style="color: #000000;">ការកំណត់ឱ្យបានច្បាស់លាស់ថា តើពេលវេលាណា ទើបជាពេល ដែលអង្គភាពប្រើកម្រិតបញ្ជូន(Bandwidth) អ៊ីនធឺណិតខ្ពស់នោះ គឺជាបញ្ហាមួយផ្សេងទៀត ដែលអ្នកចាំបាច់ត្រូវកំណត់ឱ្យបានច្បាស់លាស់។ តួយ៉ាង អង្គភាព ដែលធ្វើប្រតិបត្តិការ ២៤ ម៉ោងក្នុងមួយថ្ងៃ នឹងមានតម្រូវការ កម្រិតបញ្ជូន ច្រើនជាងអង្គភាពផ្សេងទៀត ដែលដំណើរការចន្លោះម៉ោង ៨ ព្រឹក និងម៉ោង ៥ ល្ងាច។ លើសពីនេះទៀត ត្រូវចាំថា អ្នកត្រូវផ្តល់សម្រាប់ប្រតិបត្ដិការ ដែលមិនភ្ជាប់សេវាអ៊ីនធឺណិតផងដែរដូចជា <strong>Off-site backup</strong> ដែលអាចតម្រូវឱ្យមានបរិមាណកម្រិតបញ្ជូនធំផងដែរ។</span></p>
<p><span style="color: #000000;"><a class="thickbox" title="" href="/FileManager/Commons/2018/11/20/5-20-11-2018--14-20-38.PNG"><img src="/FileManager/Articles/mce/2018/11/20/5-20-11-2018--14-20-38.PNG" alt="" /></a><br /></span></p>
<p><span style="color: #000000;">តម្រូវការសំខាន់មួយទៀត ដែលចាំបាច់ត្រូវកំណត់ឱ្យបានច្បាស់លាស់ នៅពេលដែលអ្នកបង្ហាញពីយុទ្ធសាស្រ្តនៃការតភ្ជាប់សេវាអ៊ីនធឺណិតរបស់អ្នក គឺត្រូវកំណត់ចំនួនអ្នកប្រើប្រាស់ដែលមានតម្រូវការចាំបាច់សម្រាប់ការតភ្ជាប់សេវាអ៊ីនធឺណិត។ ត្រង់ចំណុចនេះ អាចទាក់ទងនឹងកត្តាមួយចំនួនដូចជា៖ </span></p>
<ul>
<li><span style="color: #000000;">តើបុគ្គលិកប្រើកុំព្យូទ័រ នៅក្នុងក្រុមហ៊ុនប៉ុន្មាននាក់ ដែលភ្ជាប់ទៅនឹងបណ្តាញឯកជន ត្រូវការតភ្ជាប់សេវាអ៊ីនធឺណិត។</span></li>
<li><span style="color: #000000;">តើតម្រូវការតភ្ជាប់សេវាអ៊ីនធឺណិតចំនួនប៉ុនា្មន ដែលទាមទារ ឱ្យមានការតភ្ជាប់ក្នុងពេលតែមួយ។</span></li>
<li><span style="color: #000000;">តើរយៈពេលប៉ុន្មាន ដែលអ្នកប្រើប្រាស់ នឹងត្រូវតភ្ជាប់ទៅនឹងសេវាអ៊ីនធឺណិត។</span></li>
</ul>
<p><span style="color: #000000;">ការកំណត់ឱ្យបានច្បាស់ពីទីតាំងកុំព្យូទ័រ ដែលមានតម្រូវការតភ្ជាប់សេវាអ៊ីធឺណិត ក៏ជាកត្ដា សំខាន់ផងដែរ។ ទីតាំងកុំព្យូទ័រ មានឥទ្ធិពលលើចំណុចដូចខាងក្រោម៖ </span></p>
<ul>
<li><span style="color: #000000;">កន្លែងដែល Router និងឧបករណ៍តភ្ជាប់សេវាអ៊ីនធឺណិតផ្សេងទៀត គួរតែត្រូវដាក់។</span></li>
<li><span style="color: #000000;">ថាតើរ៉ោតទ័រនេះ គួរតែត្រូវ តភ្ជាប់ទៅនឹងបណ្តាញស្នូល(Backbone Network) ឬក៏អត់។</span></li>
<li><span style="color: #000000;">ថាតើឧបករណ៍តភ្ជាប់សេវាអ៊ីនធឺណិត គួរតែត្រូវកំណត់ទីតាំង ក្នុងបវិវេណតែមួយ ឬយ៉ាងណា។</span></li>
</ul>
<p><span style="color: #000000;">កត្តាសំខាន់បន្ទាប់ទៀត ជាប់ទាក់ទងទៅនឹងកម្មវិធី ដែលអ្នកប្រើប្រាស់ នឹងដំណើរការ។ កត្តាទាំងនេះត្រូវរួមបញ្ចូល ក្រោមលក្ខខណ្ឌតម្រូវដូចខាងក្រោម៖</span></p>
<ul>
<li><span style="color: #000000;">លក្ខណៈ ដែលអ្នកប្រើប្រាស់ នឹងប្រើកម្មវិធីអ៊ីនធឺណិត។</span></li>
<li><span style="color: #000000;">កំណត់មុខងារ ដែលអ្នកប្រើប្រាស់នឹងអនុវត្ត ដោយប្រើកម្មវិធីអ៊ីនធឺណិត ហើយបន្ទាប់មកត្រូវភ្ជាប់តម្រូវការកម្រិតបញ្ជូន(Bandwidth) ទៅកាន់មុខងារនីមួយៗ ។</span></li>
<li>
<p><span style="color: #000000;">សូមទំនាក់ទំនងមកមេគង្គណិតឥឡូវនេះ ដើម្បីទទួលបានសេវាអ៊ីនធឺណិតល្បឿនលឿន ដោយប្រើខ្សែកាបអុបទិកសម្រាប់លំនៅឋាន និងការិយាល័យរបស់លោកអ្នក។</span></p>
<p><span style="color: #000000;">សម្រាប់ព័ត៌មានបន្ថែមសូមទំនាក់ទំនងតាមទូរសព្ទ ៖ 023 22 66 22│093 22 25 00</span></p>
<p><span style="color: #000000;">គេហទំព័រ៖<span style="color: #0000ff;"> <a href="https://www.mekongnet.com.kh/" target="_blank"><span style="color: #0000ff;">www.mekongnet.com.kh</span></a></span></span></p>
</li>
<li><span style="color: #000000;"><br /></span></li>
<li><span style="color: #000000;"><a class="thickbox" title="" href="/FileManager/Commons/2018/11/20/6-20-11-2018--14-20-48.PNG"><img src="/FileManager/Articles/mce/2018/11/20/6-20-11-2018--14-20-48.PNG" alt="" /></a><br /></span></li>
<li><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/11/20/mekongnet-20-11-2018--14-20-56.PNG" alt="" /></a></li>
</ul>
<p style="text-align: right;"><span style="color: #000000;">អត្ថបទ៖ សារ៉ាត</span></p>
<p style="text-align: right;"><span style="color: #000000;">ប្រភព ៖ online-passport</span></p>