<p><span style="color: #000000;"><strong>(ភ្នំពេញ)៖</strong> ករណីបុរសម្នាក់រងការចោទប្រកាន់ថាបានល្បួងស្ត្រីម្នាក់ ទៅហូបអាហារនៅតាមហាងរួចហើយដាក់ថ្នាំ សណ្ដំនាំនាងយកទៅរំលោភនៅផ្ទះសំណាក់ហើយលួចយកទ្រព្យសម្បត្តិរបស់នាងគេចខ្លួនបាត់ក្រោយមកសមត្ថកិច្ចតាមចាប់ខ្លួនបាននោះ តាមពិតករណីនេះជារឿងត្រូវរ៉ូវគ្នាក្នុងតម្លៃ២០០ដុល្លារ តែខាងប្រុសក្រោយពីដេកជាមួយនាងហើយមិនត្រឹមមិនអោយលុយនាងទេ បែរជាលួចលុយនិងរបស់របររបស់នាងថែមទៀត ទើបនាងប្ដឹង។</span></p>
<p><span style="color: #000000;">សមត្ថកិច្ចជាម្ចាស់ករណីបានបញ្ជាក់ជាថ្មីថាក្រោយធ្វើការសួរនំាលំអិតទើបដឹងថាករណីនេះ ជារឿងត្រូវរ៉ូវគ្នា ប៉ុន្តែខាងប្រុស អាចជាប់ពាក់ព័ន្ធនិងករណីយកកាបូបខាងស្រី ចេញពីផ្ទះសំណាក់ ក្រោយពីមានការខឹងសម្បារគ្នា។</span></p>
<p><span style="color: #000000;">គួរំឭកថា នៅម៉ោង ៤៖៣០នាទី រសៀលថ្ងៃទី១១ ខែមករា ឆ្នាំ២០១៦កន្លងទៅនេះ អាវុធហត្ថផ្នែកព្រហ្មទណ្ឌ រាជធានីភ្នំពេញ បានធ្វើកំណត់ហេតុទទួលពាក្យបណ្ដឹង ពីឈ្មោះ សុខ សុចិន្ដា ភេទស្រី អាយុ ២៩ឆ្នាំ ជនជាតិខ្មែរ មុខរបររកសុី មានទីលំនៅផ្ទះលេខ៤ ផ្លូវលេខ៦០៨ សង្កាត់បឹងកក់២ ខណ្ឌទួលគោក។ ស្ត្រីរងគ្រោះបានរៀបរាប់ថា កាលពីថ្ងៃទី១០ ខែមករា ឆ្នាំ២០១៦ វេលាម៉ោង ២០៖៣០នាទី នាង បានទៅលេងនៅ ណាហ្គាវើលហើយបានជួបជនសង្ស័យ។ ពេលនោះជនសង្ស័យ បានបបួលនាងទៅរកញាំអី និងដើរលេងដោយរូបគេសន្យា ឲ្យប្រាក់នាងចំនួន ២០០ដុល្លារ។បន្ទាប់ពីញាំអាហារ រួចពួកគេបានទៅដេកនៅផ្ទះសំណាក់ ឡាក់គីតាមផ្លូវ២១៤ ក្នុងភូមិសាស្ត្រសង្កាត់បឹងព្រលិត ខណ្ឌ៧មករា។ លុះដល់ ម៉ោង ០៣៖២០នាទីទៀបភ្លឺ ពេលនាងដឹងខ្លួនស្រាប់តែបាត់ជនសង្ស័យ និងសម្ភារៈដូចជាទូរស័ព្ទ iPhone ១គ្រឿង, កាបូបស្ពាយ, នាឡិកា១, ខ្សែក១ខ្សែរ និងប្រាក់ដុល្លារ២៨០។</span></p>
<p><span style="color: #000000;">សមត្ថកិច្ចបានបន្តថា ក្រោយពីធ្វើកំណត់ហេតុ ទទួលបណ្ដឹងពីជនរងគ្រោះរួច កម្លាំងសមត្ថកិច្ចក៏បាននាំជនរងគ្រោះទៅ សហការជាមួយ ម្ចាស់ផ្ទះសំណាក់ ឡាក់គី ដើម្បីពិនិត្យមើល កាមេរ៉ាសុវត្តិភាព រួចបានឃើញអត្តសញ្ញាណជនសង្ស័យ តាមការចង្អុលបង្ហាញពីស្ត្រីរងគ្រោះ។ ពេលស្គាល់មុខ និងអត្តសញ្ញាណហើយ ទើបស្ត្រីរងគ្រោះប្រាប់បន្ថែមថាកន្លងមកជនសង្ស័យបានយកម៉ូតូធំនិងអត្តសញ្ញាណប័ណ្ណសញ្ជាតិខ្មែរ ទៅបញ្ចាំ នៅហាងមួយក្នុងខណ្ឌដូនពេញ ទើបអាវុធហត្ថ ខណ្ឌ៧មករា សហការជាមួយ ការិយាល័យព្រហ្មទណ្ឌអាវុធហត្ថរាជធានីភ្នំពេញ ចុះទៅហាងបញ្ចាំនោះ បានពិនិត្យឃើញម៉ូតូម៉ាក PCX និងអត្តសញ្ញាណប័ណ្ណសញ្ជាតិខ្មែរ របស់ជនសង្ស័យ មានឈ្មោះ បូរ ចំរើន ភេទប្រុស អាយុ ៣៨ឆ្នាំ ជនជាតិខ្មែរ មានទីលំនៅ ផ្ទះលេខ១៨៩Eo ផ្លូវលេខ៩៣ សង្កាត់មនោរម្យខណ្ឌ៧មករា រួចក៏ឈានដល់ការឃាត់ខ្លួនតែម្តង។</span></p>
<p><span style="color: #000000;">បើតាមការសួរនាំ នារីរងគ្រោះ ពីសមត្ថកិច្ចជំនាញ តាមការសន្និដ្ឋាន បានឲ្យដឹងថា ករណីនេះមិនមែនជារឿងដាក់ថ្នាំសណ្តំ យកទៅរំលោភនោះទេ ព្រោះថាជនរងគ្រោះ និងជនសង្ស័យ ធ្លាប់មានទំនាក់ទំនងជាមួយគ្នា យូរមកហើយ និងឧស្សាហ៍ជួបគ្នា នៅណាហ្គា និងដើរលេងជាមួយគ្នាជាញឹកញាប់ថែមទៀត ហើយការចូលទៅផ្ទះសំណាក់នេះ គឺមានការព្រមព្រៀងទំាងសងខាង ប៉ុន្តែមិនដឹងមានរឿងឈ្លោះប្រកែកគ្នាអ្វីនោះទេ បានជាខាងប្រុសដែលជាជនសង្ស័យនេះ បានទាញយកកាបូបពីនារីរងគ្រោះ រួចចេញពីផ្ទះសំណាក់ទៅបាត់តែម្តង។</span></p>
<p><span style="color: #000000;">សមត្ថកិច្ចបានបញ្ជាក់ទៀតថា ទោះបីជនសង្ស័យ មិនមានជាប់ពាក់ព័ន្ធនិងករណីរំលោភ តែជនសង្ស័យគឺមានជាប់ពាក់ព័ន្ធនិងករណីយកកាបូប និងទ្រព្យសម្បត្តិរបស់នារីរងគ្រោះ ទៅដាក់បញ្ចាំ។ទំនងពួកគេទាំងពីរនាក់អាចជាសង្សានិងគ្នា ឬអ្នកញៀនល្បែងក៏អាចថាបាន។</span></p>
<p><span style="color: #000000;">បច្ចុប្បន្នសមត្ថកិច្ចអាវុធហត្ថកំពុងកសាងសំណុំរឿងដើម្បីចាត់ការតាមច្បាប់៕</span></p>
<p><span style="color: #0000ff;"><a href="/News/Detail/32298/cambodia-social-news-pp" target="_blank"><span style="color: #0000ff;">អាន៖ ឃាត់ខ្លួនបុរសម្នាក់ជាប់ចោទ នាំស្ត្រីយកទៅរំលោភនៅ ផ្ទះសំណាក់យ៉ាងសុខស្រួល ហើយលួចយក ទ្រព្យសម្បត្តិនាងទៀត</span></a></span></p>
<pre><br /><br /><br /></pre>
<p><span style="color: #000000;"><a class="thickbox" title="" href="/FileManager/Commons/2016/1/16/1-16-2016-8-22-02-am-16-01-2016--08-29-45.png"><span style="color: #000000;"><img src="/FileManager/Articles/mce/2016/1/16/1-16-2016-8-22-02-am-16-01-2016--08-29-45.png" alt="" /></span></a><a class="thickbox" title="" href="/FileManager/Commons/2016/1/16/1-16-2016-8-25-28-am-16-01-2016--08-32-16.png"><span style="color: #000000;"><img src="/FileManager/Articles/mce/2016/1/16/1-16-2016-8-25-28-am-16-01-2016--08-32-16.png" alt="" /></span></a><img src="/FileManager/Articles/mce/2016/1/16/1252315215457470957396562296403816471628914n-16-01-2016--08-32-27.jpg" alt="" /><a class="thickbox" title="" href="/FileManager/Commons/2016/1/16/1254885515457470790729915052764074723258996n-16-01-2016--08-32-39.jpg"><span style="color: #000000;"><img src="/FileManager/Articles/mce/2016/1/16/1254885515457470790729915052764074723258996n-16-01-2016--08-32-39.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>