<p><span style="color: #000000;"><strong>(ពោធិ៍សាត់)៖</strong> កុមារីអាយុ៣ឆ្នាំម្នាក់ ត្រូវបានសត្វគោមួយហ្វូង បោលដេញគ្នាជាន់ស្លាប់ ខណៈកំពុងដេកលង់លក់ នៅក្នុងអង្រឹង បើទោះបីឪពុកម្ដាយបញ្ជូនទៅមន្ទីរពេទ្យក៏ដោយ។</span></p>
<p><span style="color: #000000;">ហេតុការណ៍ដ៏កម្រ សត្វគោជាន់ក្មេងស្លាប់ខាងលើ បានកើតឡើង កាលពីវេលាម៉ោង២រសៀលថ្ងៃទី១៦ ខែមីនា ឆ្នាំ២០១៦ ស្ថិតក្នុងភូមិព្រៃឪម៉ាល់ សង្កាត់រលាប ក្រុងខេត្តពោធិ៍សាត់ ខាងក្រោយពេទ្យយាស៊ូ។</span></p>
<p><span style="color: #000000;">លោកអនុសេនីយ៍ឯក សំ ថា មេបញ្ជាការកងរាជអាវុធហត្ថ ក្រុងពោធិ៍សាត់ ប្រាប់ភ្នាក់ងារ Fresh New ថា៖ កុមារីរងគ្រោះមានឈ្មោះ សុខ ស្រីនិច អាយុ ៣ឆ្នាំ មានឪពុកឈ្មោះ ហែម សុខ អាយុ២៨ឆ្នាំ និង ម្ដាយឈ្មោះ រ៉ន គន្ធា អាយុ២៦ឆ្នាំ រស់នៅភូមិ សង្កាត់កើតហេតុខាងលើ។</span></p>
<p><span style="color: #000000;"> លោកមេបញ្ជាការបន្តថា តាមការរៀបរាប់អួលដើមករពីឪពុកម្ដាយកុមារីរងគ្រោះថា កូនស្រីពួកគាត់កំពុងដេកលង់លក់ ក្នុងអង្រឹងក្រោមសំយ៉ាបផ្ទះផ្នែកខាងមុខ គ្រានោះស្រាបតែមានសត្វគោចំនួន ៦ទៅ៧ក្បាល បោលដេញគ្នាមកប៉ះអង្រឹង បណ្ដាលឲ្យកូនស្រីគាត់ធ្លាក់មកក្រោម ក៏ជាន់ចំខ្លួន និងក្បាលរងបូសយ៉ាងធ្ងន់ធ្ងរ ភ្លាមៗនោះពួកគាត់ បានបញ្ជូនកូនមកមន្ទីរពេទ្យបង្អែកខេត្ត ប៉ុន្តែដោយរបួសធ្ងន់ធ្ងរពេក ក្រុមគ្រូពេទ្យបានជួយចាត់ចែងបញ្ជូនបន្ត ទៅរាជធានីភ្នំពេញ តែជាអកុសល់ក៏បានដាច់ខ្យល់ស្លាប់ នៅតាមផ្លូវគួរឲ្យសង្វេគ។</span></p>
<p><span style="color: #000000;"> ពួកគាត់បន្តប្រាប់ទៀតថា ដោយរវល់វីវក់ និង កូនស្រីមិនបានគិតដល់ហ្វូងសត្វគោនោះឡើយ ថាគោសត្វអ្នកណានោះទេ ដូច្នេះពួកគាត់សំណូមពរឲ្យសមត្ថកិច្ច ជួយស្រាវជ្រាវរកឲ្យផង។</span></p>
<p><span style="color: #000000;">ដំណឹងនេះបានទៅដល់ លោក ម៉ៅ ធនិន អភិបាលខេត្តពោធិ៍សាត់ បានចាត់ឲ្យលោក កើត ឆែ ដែលជាប្រធានក្រុមការងារចុះជួយសង្កាត់រលាប ផ្តល់នូវថវិកា ១០ម៉ឺនរៀល និងអង្ករ ៥០គីឡូក្រាម សម្រាប់ចាត់ចែងធ្វើបុណ្យ ទៅតាមប្រពៃណី៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/t31.0-8/12034316_1571587463155619_4448952154962626198_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/905681_1571587459822286_4327967552595574140_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/t31.0-8/12440298_1571587456488953_5438324463912286192_o.jpg" alt="" width="730" /></span></p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>