<div class="article-content">
<p><strong>ភ្នំពេញ៖</strong> មន្រ្តីបម្រើការងារ នៅស្ថាប័នព្រឹទ្ធសភា បានបើករថយន្ត បង្កគ្រោះថ្នាក់ចរាចរណ៍ ដោយ<br />បុកម៉ូតូ និងរថយន្ត ពេលកំពុងធ្វើ ដំណើរតាមផ្លូវ បណ្តាលឲ្យស្លាប់ម្នាក់ និងរបួសធ្ងន់ស្រាល ចំនួន<br />៣នាក់ កាលពីវេលាម៉ោង ប្រមាណ៩៖១០នាទីព្រឹកថ្ងៃទី២៦ ខែឧសភា ឆ្នាំ២០១៣ស្ថិតនៅតាមផ្លូវ<br />លេខ៣១០ សង្កាត់ទួលស្វាយព្រៃទី១ ខណ្ឌចំការមន នៅមុខផ្ទះលក់ភេសជ្ជះគ្រប់ប្រភេទ ១.២.៣<br /> អូឡាំពិក ខាងត្បូងផ្សារអូឡាំពិក។</p>
<p>សាក្សីនៅកន្លែងកើតហេតុ បានឲ្យដឹងថា នៅវេលាម៉ោង កើតហេតុ ខាងលើ មានរថយន្តមួយគ្រឿង<br /> ម៉ាកលុច្សស៊ីស ៤៧០ពណ៌ស្ករ ពាក់ស្លាកលេខ ភ្នំពេញ 2K-5379 បើកបរដោយបុរសម្នាក់ បានធ្វើ<br />ដំណើរតាមបណ្តោយផ្លូវលេខ ៣១០ លុះមកដល់ចំណុចកើតហេតុ មិនដឹងថាមានរឿងអ្វីកើតឡើង<br /> ស្រាប់តែជ្រុលទៅបុក ម៉ូតូរឺម៉កកង់បី មួយគ្រឿង រួចហើយរថយន្ត បានជ្រុលទៅបុក ម៉ូតូសង់ការរ៉េ<br /> ដែលកំពុងធ្វើដំណើរ បញ្ច្រសទិសគ្នា បណ្តាលឲ្យអ្នកបើកជាប្តីស្លាប់ និងប្រពន្ធ ជិះពីក្រោយ រងរបួស<br />ធ្ងន់ ហើយចៅម្នាក់រងរបួសផងដែរ ។</p>
<p>សាក្សីបានបន្តទៀតថា ពេលនោះរថយន្តបង្កមិនទាន់អស់ល្បឿននៅឡើយទេ ហើយក៏ជ្រុលទៅបុក<br /> រថយន្តចំនួន២គ្រឿងទៀតរួមមាន រថយន្តម៉ាកហាយឡែនឌ័រពណ៌ ស ពាក់ស្លាកលេខ ភ្នំពេញ 2U-<br />1098 និងរថយន្តម៉ាកស៊ីអវី ពណ៌ទឹកប្រាក់ និងជ្រុលទៅបុកបង្គោលភ្លើងមួយដើម បណ្តាលឲ្យទ្រេត<br />ផងដែរ។</p>
<p>បុរសរងគ្រោះដែលត្រូវរថយន្តបុកឲ្យស្លាប់ ខណៈដឹកប្រពន្ធ និងចៅមកពីផ្សារមានឈ្មោះ គង់ សារឹម<br /> អាយុ៦៥ឆ្នាំ រស់នៅផ្ទះលេខ ៨៤ ផ្លូវលេខ២១០ សង្កាត់ទឹកល្អក់ទី៣ ខណ្ឌទួលគោក។ ដោយឡែក<br />ប្រពន្ធ និងចៅ របស់ជនរងគ្រោះ រងរបួសធ្ងន់ ត្រូវបានបញ្ជូនទៅសង្រ្គោះភ្លាមៗផងដែរ។</p>
<p>ក្រោយកើតហេតុ ទាំងរថយន្តបង្ក និងអ្នកបើកបរ ត្រូវបាននាំខ្លួនទៅកាន់ការិយាល័យចរាចរណ៍ ជើង<br />គោករាជធានីភ្នំពេញ ដើម្បីរង់ចាំការដោះស្រាយបន្តទៀត៕</p>
<div>
<div></div>
</div>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-273.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-274.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-275.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-276.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-277.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-278.jpg" alt="Photo by DAP-NEWS" width="550" /></p>
<p style="text-align: center;"><strong><a href="http://www.dap-news.com/2011-06-14-02-39-55/64734-2013-05-26-03-31-14.html"><span style="color: #0000ff;">ចុចត្រង់នេះ</span></a> ដើម្បីទស្សនាវីដេអូ ក្នុងគេហទំព័រ ដើមអំពិល</strong> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>