<p><span style="color: #000000;"><strong>ភ្នំពេញ៖</strong> ក្រោយពីបាត់ម៉ូតូ អស់រយៈពេល៤៤ថ្ងៃ យុវជនម្នាក់ ខណៈធ្វើដំណើរតាមផ្លូវ ក៏បានប្រទះឃើញម៉ូតូរបស់ខ្លួន រួចរាយការណ៍ជូនសមត្ថកិច្ច ឈានដល់ការឃាត់មនុស្សពីរនាក់ ពាក់ព័ន្ធប្រើប្រាស់ម៉ូតូដែលបាត់បង់នេះ។</span></p>
<p><span style="color: #000000;">ជនរងគ្រោះ ដែលជាម្ចាស់ម៉ូតូ លោក រុណ ភារៈ វ័យ ២១ឆ្នាំ ស្នាក់នៅផ្ទះលេខ១៦១ ភូមិវាលស្បូវ សង្កាត់វាលស្បូវ ខណ្ឌច្បារអំពៅ បានឲ្យដឹងថា ម៉ូតូរបស់ខ្លួនបានបាត់តាំងពីថ្ងៃទី១៨ ខែឧសភា ឆ្នាំ២០១៥ នៅក្នុងភូមិចំរើនផល សង្កាត់បឹងទំពុន ខណ្ឌមានជ័យ។</span><br /><span style="color: #000000;">រុណ ភារៈ បានបន្តទៀតថា នៅម៉ោង២៖២០នាទី រសៀលថ្ងៃទី២ ខែកក្កដា ឆ្នាំ២០១៥ នេះ ខណៈធ្វើដំណើរម្តុំសង្កាត់ទួលស្វាយព្រៃទី១ ក៏ប្រទះឃើញម៉ូតូរបស់ខ្លួនចត នៅម្តុំហាងកាហ្វេមួយកន្លែង នៅផ្លូវលេខ១៩៣ កែងផ្លូវលេខ៣៤៨ ភូមិ៤ ពេលនោះគាត់ក៏បានមកជួប និងលោក ពៅ ពិដោ មេប៉ុស្តិ៍នគរបាលទួលស្វាយព្រៃទី១ ហើយរាយការណ៍រឿងនេះជូន។</span></p>
<p><span style="color: #000000;">បើតាមមន្រ្តីនគរបាលមូលដ្ឋាន បានឲ្យដឹងថា ក្រោយពីព័ត៌មានពីជនរងគ្រោះ កម្លាំងនគរបាលប៉ុស្តិ៍ និងជនរងគ្រោះ បានទៅដល់ទីតំាងនោះ រួចក៏បានឃាត់ខ្លួនមនុស្សពីរនាក់ ពាក់ព័ន្ធនិងករណីបាត់ម៉ូតូនេះ។ មន្រ្តីនគរបាលមូលដ្ឋាន បានបន្តទៀតថា ក្រោយការផ្ទៀងផ្ទាត់លេខតួ លេខម៉ាស៊ីន ម៉ូតូនេះពិតជារបស់ជនរងគ្រោះ ដែលបាត់បង់កាលពីថ្ងៃទី១៥ ខែឧសភានោះមែន។</span></p>
<p><span style="color: #000000;">មន្រ្តីនគរបាលមូលដ្ឋាន បានបញ្ជាក់ទៀតថា ជនសង្ស័យពាក់ព័ន្ធ និងករណីលួចម៉ូតូនេះ ទី១.ឈ្មោះ ហឿន ហុយ ភេទប្រុស អាយុ២៣ឆ្នាំ ជាជាងជួសជុលរថយន្ត ស្នាក់នៅភូមិលូ សង្កាត់ស្វាយប៉ាក់ ខណ្ឌឬស្សីកែវ ឯអ្នករួមដំណើរម្នាក់ទៀត ឈ្មោះ លាង សុគន្ធ ភេទប្រុស អាយុ២១ ឆ្នាំ ជាជាងទង ស្នាក់នៅសង្កាត់ផ្សារថ្មី ខណ្ឌដូនពេញ។ បើតាមចម្លើយរបស់ជនទំាងពីររូបនេះ បានឲ្យដឹងថា ម៉ូតូនេះគេទើបតែទិញ ហើយបាននាំគ្នា ជិះមកផឹកកាហ្វេនៅម្តុំទួលស្វាយព្រៃនេះ។</span></p>
<p><span style="color: #000000;">សូមបញ្ជាក់ថា តាមការពិនិត្យឯកសារ បង្ហាញថា ស្លាកលេខដើមរបស់ម៉ូតូនេះ គឺភ្នំពេញ 1DD-1515 ប៉ុន្តែម៉ូតូនេះ ត្រូវបានបំពាក់ស្លាកលេខក្លែងក្លាយ ភ្នំពេញ 1CN-8401 ហើយបច្ចុប្បន្ន ជនពាក់ព័ន្ធទាំងពីរនេះ ត្រូវបានកម្លាំងសមត្ថកិច្ច កសាងសំណុំរឿងបញ្ជូនបន្តតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/2/7-2-2015-4-36-32-pm-02-07-2015--16-43-01.png"><span style="color: #000000;"><img src="/FileManager/Articles/mce/2015/7/2/7-2-2015-4-36-32-pm-02-07-2015--16-43-01.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/2/7-2-2015-4-36-17-pm-02-07-2015--16-43-16.png"><span style="color: #000000;"><img src="/FileManager/Articles/mce/2015/7/2/7-2-2015-4-36-17-pm-02-07-2015--16-43-16.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>