<p><span style="color: #000000;">ព័ត៌មានអន្តរជាតិ ៖ យន្តហោះចម្បាំង ២ គ្រឿង មួយគ្រឿង មកពីខាងភាគី ប្រទេសរុស្ស៊ី និងមួយ គ្រឿងទៀតមកពីខាងភាគីសហរដ្ឋអាមេរិកនោះបានធ្វើតេស្តិ៍សាកល្បងរួមគ្នាស្តីពីនិតិវិធីសុវត្ថិភាព ជាការទំនាក់ទំនងលើលំហអាកាស ចែកសមរភូមិលើមេឃ ក្នុងប្រទេសរុស្ស៊ីនេះបើយោងតាមការ គូសបញ្ជាក់ ពីមន្រ្តីសហរដ្ឋអាមេរិក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/4/11-04-11-2015--09-19-46.jpg"><img src="/FileManager/Articles/mce/2015/11/4/11-04-11-2015--09-19-46.jpg" alt="" /></a><br /></span></p>
<p><span style="color: #000000;">មន្ទីរបញ្ជកោណ សហរដ្ឋអាមេរិក អោយដឹងថា តេស្តិ៍សាកល្បងចុងក្រោយបំផុតលើកនេះ គឺមាន រយៈពេល ៣ នាទី គឺជាការធ្វើតេស្តិ៍និតិវិធីសុវត្ថិភាព បន្ទាប់ពីចុះកិច្ចព្រមព្រៀង MOU ជាមួយនឹង គ្នាកាលពីខែកន្លងទៅនេះ ។ </span></p>
<p><span style="color: #000000;">គួររំឮកថា កាលពីខែកន្លងទៅនេះ យន្តហោះមកពី ២ ប្រទេស (រុស្ស៊ី និង សហរដ្ឋអាមេរិក) បាន បង្ហាញវត្តមាននៅលើដែនអាកាស វាយប្រហារ តែមួយ ខណៈមានរយៈចម្ងាយពីគ្នា ជិតជាខ្លាំង ។ កិច្ចព្រមព្រៀង អនុសរ្សណៈនៃការយោគយល់ ឬ MOU កាល ពី ពេលកន្លងទៅនេះ ត្រូវបានភាគី ទាំងសងខាងសម្រេចព្រមព្រៀងឡើង ដើម្បីជៀសវាងការប៉ះទង្គិច កងកម្លាំងទ័ពអាកាស រវាងប្រ ជាជាតិទាំង ២ ។</span></p>
<p><span style="color: #0000ff;"><a href="/news/detail/10737/russia-us-sign-cooperation-deal-on-syria-airstrikes" target="_blank"><span style="color: #0000ff;">- អាន ៖ "ISIS ស្លឈាមហើយ" ន៎ុះ អាមេរិក និង រុស្ស៊ី ចុះ MOU ចែកសមរភូមិ ដែនអាកាស នៅស៊ីរី កំទេច ISIS</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/4/11b-04-11-2015--09-19-52.jpg"><img src="/FileManager/Articles/mce/2015/11/4/11b-04-11-2015--09-19-52.jpg" alt="" /></a><br /></span></p>
<p><span style="color: #000000;">សេចក្តីថ្លែងការណ៍ ពីមន្ទីរបញ្ចកោណសហរដ្ឋអាមេរិក អោយដឹងថា ការធ្វើតេស្តិ៍សាកល្បង រួមគ្នា ស្តីពីនិតិវិធីសុវត្ថិភាព ជាការទំនាក់ទំនងលើលំហអាកាស ចែកសមរភូមិលើមេឃនោះ ត្រូវបានធ្វើ ឡើងនៅភាគកណ្តាលប្រទេសស៊ីរី ធានាបានថា ជាការធ្វើ តេស្តិ៍ លើកដំបូង ឈានទៅដល់ទំនាក់ ទំនងដែនអាកាស ដើម្បីជៀសវាងអោយខានតែបាននូវការប៉ះទង្គិច។ មន្រ្តីជាន់ខ្ពស់ ប្រទេសរុស្ស៊ី អោយដឹងថា ការធ្វើតេស្តិ៍លើកនេះ គឺត្រូវបានគេធ្វើឡើង បន្ទាប់ពីហ្វឹកហ្វើន ជាពិសេស សមាជិក សហសេវិក និងក្រុមការងារលើដី ជៀសវាងការប៉ះទង្គិចគ្រោះថ្នាក់ រវាង ទ័ពអាកាស ។ អំឡុងខែ កញ្ញា កន្លងទៅនេះ រុស្ស៊ីបានចាប់ផ្តើមវាយប្រហារ ក្រុម ISIS នៅក្នុងប្រទេស រុស្ស៊ី ដោយ មានការ វាយប្រហារតាមផ្លូវអាកាសជាបន្តបន្ទាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/4/11a-04-11-2015--09-20-00.jpg"><img src="/FileManager/Articles/mce/2015/11/4/11a-04-11-2015--09-20-00.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>