<p><span style="color: #000000;">ព័ត៌មានអន្តរជាតិ ៖ ទទួលរងនូវឥទ្ធិពលអាក្រក់ ផ្សែងភ្លើងឆេះព្រៃ ពីប្រទេស ឥណ្ឌូនេស៊ីនោះ នាំ មកនូវការចុះអ័ព្ទជាខ្លាំង នៅក្នុងរដ្ឋធានី ប្រទេសម៉ាឡេស៊ី ក៏ដូចជា បណ្តាតំបន់មួយចំនួនផ្សេងៗ ទៀត នៅថ្ងៃអាទិត្យនេះ ដែលជាហេតុធ្វើអោយគុណភាពខ្យល់មានបញ្ហាប្រឈមនោះ ឈានទៅ ដល់ការបិទទ្វារ គ្រឹះស្ថានអប់រំ មួយចំនួនតែម្តង ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/28/50-28-09-2015--14-03-03.jpg"><img src="/FileManager/Articles/mce/2015/9/28/50-28-09-2015--14-03-03.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា គុណភាពខ្យល់នៅ ក្នុងទីក្រុង កូឡា ឡាំពួរ ត្រូវបានអា ជ្ញាធរប្រទេសម៉ាឡេស៊ី បញ្ជាក់អោយដឹងថា ស្ថិតនៅក្នុងសភាពអាក្រក់ខ្លាំងពោលខ្យល់គ្មានភាព បរិសុទ្ធនោះទេ មានជាតិពុល គ្រោះថ្នាក់។ ជាលទ្ធផល ក្រសួងអប់រំ ម៉ាឡេស៊ី បានធ្វើសេចក្តីប្រ កាសបិទគ្រឹះស្ថានអប់រំ នៅក្នុងទីក្រុង ក៏ដូចជា រដ្ឋ ៣ ផ្សេងទៀត រដ្ឋ Selangor, Putrajaya និង រដ្ឋ Negri Sembilan ពាក់ព័ន្ធនឹងការព្រួយបារម្ភសុខភាព ។ គួររំឮកថា សេចក្តីប្រកាសអាសន្នប្រ ការនេះ គឺជាលើកទី ២ ហើយ ដែលត្រូវបានបង្គាប់បញ្ជាអោយធ្វើឡើង ក្នុងខែ កញ្ញា នេះ ។ របា យការណ៍ បញ្ជាក់អោយដឹងថា ទឹកដី ប្រទេស ម៉ាឡេស៊ី និង សឹង្ហបុរីក្នុងរយៈពេលប៉ុន្មានសប្តាហ៍ ចុងក្រោយនេះ រងនូវការផលប៉ះពាល់ជាខ្លាំង ការចុះអ័ព្ទឥទ្ធិពលអាក្រក់ពីគ្រោះអគ្គីភ័យភ្លើងឆេះ នៅឥណ្ឌូនេស៊ី គ្រោះអគ្គីភ័យប្រការនេះ គឺមានឥទ្ធិពលអាក្រក់ជាខ្លាំង ចេញពីលើដីកោះប្រទេស ឥណ្ឌូនេស៊ី កោះ Sumatra និង កោះ Borneo ។ វិបត្តិមួយនេះ ស្ទើរតែកើតមាន ឡើងជារៀងរាល់ ឆ្នាំ នៅរដូវប្រាំង ខណៈវិបត្តិចុងក្រោយមួយនេះ គ្រោះភ្លើងឆេះព្រៃលើកនេះ ត្រូវបានគេដឹងថា ជា គ្រោះអាក្រក់កខ្លាំងបំផុត និងមានរយៈពេលយូរបំផុត ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/28/51-28-09-2015--14-03-15.jpg"><img src="/FileManager/Articles/mce/2015/9/28/51-28-09-2015--14-03-15.jpg" alt="" /></a><br /></span></p>
<p><span style="color: #000000;">អាជ្ញាធរ អោយដឹងថា ក្រុមប្រជាពលរដ្ឋ រាប់ពាន់ម៉ឹននាក់ មកពី ៣ ប្រទេស បង្ខំចិត្តទៅរកការ សង្គ្រោះផ្លូវដង្ហើម ខណៈ ជើងហោះហើរ តាមអាកាសជាច្រើនផ្សេងទៀត បង្ខំចិត្តលុបចោលជើង ហោះហើរ ពីព្រោះតែ លក្ខខ័ណ្ឌនៃការចុះអ័ព្ទខ្លាំងតែម្តង ។ រដ្ឋាភិបាលប្រទេស ឥណ្ឌូនេស៊ី រងនូវ សម្ពាធពីប្រទេសជិតខាងជាខ្លាំអ ពាក់ព័ន្ធនឹងបញ្ហាច្រំដែល ភ្លើងឆេះព្រៃប្រចាំឆ្នាំមួយនេះ ដែល បានចាប់ផ្តើម កើតមានឡើងជិត ២០ ឆ្នាំមកហើយនោះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/28/52-28-09-2015--14-03-23.jpg"><img src="/FileManager/Articles/mce/2015/9/28/52-28-09-2015--14-03-23.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>