<p>កាលពីថ្ងៃទី ២៤កន្លងទៅ ក្រុមអ្នកមុជទឹក បានរកឃើញសិស្សមួយគូ ស្លាប់ក្នុងឥរិយាបទ មិនបែក<br />ពីគ្នា នៅក្នុងគ្រោះថ្នាក់លិចសាឡាង នៅកូរ៉េខាងត្បូង។ ទិដ្ឋភាពនេះ បានធ្វើឱ្យក្រុមអ្នកជួយ<br />សង្គ្រោះ ខ្លោចចិត្ត និងអាណិតពួកគេកាន់តែខ្លាំង។</p>
<p>អ្នកមុជទឹកឱ្យដឹងថា មុនពេលទៅកាន់ពិភពឯនាយ សិស្សសាលាមួយគូ រួមមាន សិស្សប្រុសម្នាក់ <br />និងស្រីម្នាក់ បានចងខ្សែអាវពោងទាំង ២ ឱ្យជាប់គ្នា ដើម្បីជួយពួកគេ មិនឱ្យបែកគ្នា នៅពេលត្រូវ<br />រលក សមុទ្របោកខ្ទប់មកលើសាឡាង។</p>
<p style="text-align: center;"><a class="thickbox" title="" href="/FileManager/Commons/2014/4/26/sewol-dive-26-04-2014--18-11-07.jpg"><img src="/FileManager/Articles/mce/2014/4/26/sewol-dive-26-04-2014--18-11-07.jpg" alt="" /></a></p>
<p>អ្នកមុជទឹកដដែល បានថ្លែងថា នៅពេលខ្លួនព្យាយាម ជែកចូលទៅខាងក្នុងសាឡាង ដែលនៅទី<br />នោះ មានសភាពងងឹត គាត់ក៏បានប្រទះឃើញសាកសពមួយគូនេះ។ សិស្សប្រុស ស្លៀកខោខៅ<br />ប៊ោយ និងពាក់អាវពោង។ ក្រោយពីធ្មេចភ្នែក សំពះ សម្ដែងការអាណិតអាសូរចំពោះសិស្សម្នាក់<br />នេះ អ្នកមុជទឹក ក៏បានចាប់ផ្ដើមនាំសាកសពនេះ ចេញមកក្រៅ ប៉ុន្ដែមិនអាចទៅរួច។ លោកក៏បាន<br />រកមើលបន្ថែម ទើបឃើញថា មានសាកសពសិស្សស្រីម្នាក់ទៀតនៅក្បែរនោះ។<br /><br />ក្នុងអារម្មណ៍រំជួលចិត្ត អ្នកមុជទឹកថ្លែងថា “នៅចំពោះមុខការស្លាប់ដែលជិតមកដល់ ក្មេងទាំងនេះ ប្រាកដជាមានការភ័យខ្លាច់ខ្លាំងណាស់។ ប្រហែលចង់នាំគ្នាឆ្លងកាត់ភាពភ័យខ្លាច ដើម្បីសង្គ្រោះ<br />គ្នា ទើបពួកគេចងខ្សែអាវពោងជាមួយគ្នា។ ខ្ញុំគិតថា សិស្សទាំង ២រូបនេះ មិនចង់បែកគ្នា នៅ<br />ពេលសាឡាងកំពុងជួបគ្រោះថ្នាក់”។<br /><br />បន្ទាប់មក អ្នកមុជទឹកអាយុ ៥៣ឆ្នាំនេះ ក៏បានហៅក្រុមរបស់ខ្លួន ឱ្យចូលមកជួយនាំសាកសពឡើង<br />គោក។ ក្រោយពីបានឡើងគោក អ្នកមុជទឹកនេះ បានប្រញាប់ ឱ្យទូរស័ព្ទទៅកាន់កូនស្រីរបស់ខ្លួន<br /> ដោយគ្រាន់តែសួរថា “កូនសុខសប្បាយទេ មែនទេ? ពុករន្ធត់ចិត្តខ្លាំងណាស់” ហើយក៏បានរៀប រាប់ប្រាប់ហេតុការណ៍ដែលខ្លួនទើបជួបប្រទះនេះ ដល់កូន។<br /><br />សិស្សសាលា និងគ្រូបង្រៀននៃសាលាមធ្យមសិក្សា Danwon បានបាត់បង់ជីវិត ឬក៏បាត់ខ្លួន នៅ<br />ក្នុងករណីគ្រោះថ្នាក់ក្រឡាប់សាឡាង ដ៏អាក្រក់បំផុតក្នុងប្រវត្តិសាស្ដ្រនៃសម័យសន្ដិភាព នៅកូរ៉េ<br />ខាងត្បូង។ រហូតមកដល់ពេលនេះ ចំនួនអ្នកស្លាប់ បានកើនដល់ ១៨៧នាក់ ខណៈដែលមាន<br />ប្រហែល ១១៥នាក់ផ្សេងទៀត កំពុងបាត់ខ្លួន។ ប៉ុន្ដែ តាមព័ត៌មានចុងក្រោយ ឱ្យដឹងថា ចំនួន<br />មនុស្ស ដែលបានធ្វើដំណើរតាមសាឡាងនេះ អាចនឹងមានចំនួន ដល់ទៅ ជិត ៥០០នាក់។</p>
<p style="text-align: center;"><a class="thickbox" title="" href="/FileManager/Commons/2014/4/26/screenshotff-26-04-2014--18-17-18.jpg"><img src="/FileManager/Articles/mce/2014/4/26/screenshotff-26-04-2014--18-17-18.jpg" alt="" /></a></p>
<p style="text-align: center;">ស្ថានភាពសាឡាង នាពេលបច្ចុប្បន្ន</p>
<p><br />មន្ដ្រីម្នាក់ បានថ្លែងថា ពួកគេបានរកឃើញសំបុត្រដែលមិនមានការចុះឈ្មោះត្រឹមត្រូវ រាប់សិប<br /> ដែលសំបុត្រនេះ អាចត្រូវបានក្រុមហ៊ុនបង្កើតឡើង ដើម្បីលក់ឱ្យអ្នកដំណើរខុសច្បាប់។ ធ្វើបែប<br />នេះ ក្រុមហ៊ុននឹងបានចំណេញផ្នែកពន្ធដា ដោយសារពួកគេរាយការណ៍តែចំនួនអ្នកដំណើរដែល<br />បានទិញសំបុត្រស្របច្បាប់។<br /><br />ដូច្នេះ ចំនួនមនុស្សដែលកំពុងបាត់ខ្លួន គឺមិនមែន ១១៥នាក់នោះទេ ប៉ុន្ដែ វាមានចំនួនច្រើនជាង<br />នេះ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ reuters<br /><br /></p>