<div class="item-page">
<p><span style="color: #000000;"><strong>(ត្បូងឃ្មុំ)៖</strong> ស្រ្តីជាគ្រូបង្រៀនជាប់កិច្ចសន្យាម្នាក់ នៅស្រុកមេមត់ ខេត្តត្បូងឃ្មុំ ត្រូវបានបុរសជាប្តីហេងស៊យម្នាក់ អារ-ក សម្លាប់យ៉ាងព្រៃផ្សៃ នៅក្នុងផ្ទះចាំចំការ ស្ថិតនៅភូមិលោ ឃុំកំពាន់ ស្រុកមេមត់ ចម្ងាយប្រហែល៣គីឡូម៉ែត្រពីភូមិ នាយប់ថ្ងៃទី១៨ ខែមិថុនា ឆ្នាំ២០១៦។</span></p>
<p><span style="color: #000000;">ស្នងការនគរបាលខេត្តត្បូងឃ្មុំ លោកឧត្តមសេនីយ៍ ម៉ៅ ពៅ ដែលដឹកនាំកម្លាំងជំនាញចុះស៉ើបអង្កេត ករណីឃាតកម្មនេះ បានឲ្យដឹងថា ស្រ្តីរងគ្រោះមានឈ្មោះ អ៊ុល សុខណា អាយុ២៥ឆ្នាំ ជាគ្រូបង្រៀនជាប់កិច្ចសន្យា នៅភូមិឃុំខាងលើ។ រីឯបុរសជាប្តី ដែលជាជនសង្ស័យនោះ មានឈ្មោះ តុន មករា ហៅនីត អាយុ៣០ឆ្នាំ។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ថា «នៅវេលាម៉ោង៥ ថ្ងៃទី១៧ ខែមិថុនាឆ្នាំ២០១៦ ជនរងគ្រោះ និងប្តី បានមកស្នាក់នៅផ្ទះកើត</span><br /><span style="color: #000000;">ហេតុ។ ដោយបាត់មិនឃើញកូនមកផ្ទះ ម្តាយក៏មកផ្ទះនៅឯចំការ ក៏ឃើញកូនស្រីដេកស្លាប់ ដោយអារ-ក នៅលើផ្ទះយ៉ាងអាណោចអាធ័មបំផុត»។</span></p>
<p><span style="color: #000000;">លោកបានបញ្ជាក់ថា តាមការសន្និដ្ឋាន អាចជាប់ពាក់ព័ន្ធជាមួយប្តី ឈ្មោះ តុន មករា ហៅនីត មានស្រុកកំណើតនៅឃុំធាយ ស្រុកបាភ្នំ </span><br /><span style="color: #000000;">ខេត្តព្រៃវែង ដែលកំពុងគេចខ្លួន។</span></p>
<p><span style="color: #000000;">បើតាមលោកស្នងការ ប្តីប្រពន្ធនេះ រស់នៅជាមួយគ្នាក្នុងរយៈពេលប៉ុន្មានខែមកនេះ ដោយមិនបានរៀបការទេ គឺស្គាល់គ្នាតាមរយៈទូរស័ព្ទ មិនដែលស្គាល់ប្រវត្តិគ្នាឡើយ៕</span></p>
<p><span style="color: #000000;"><img src="http://image.freshnewsasia.com/2016/006/fn-2016-06-19-07-37-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-19-07-37-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-19-07-37-49-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-19-07-37-54-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>