<p>ក្នុងទីក្រុង London មានហាងកាហ្វេពិសេសមួយ អនុញ្ញាតឱ្យភ្ញៀវប្រើប្រាស់អ្វីៗទាំងអស់ ដោយ<br />ឥតគិតថ្លៃ លើកលែងតែពេលវេលាដែលអ្នកអង្គុយ។ នៅក្នុងហាងនេះ អ្នកនឹងមិនចាំបាច់ទ្រាំ<br />ទទួលការសម្លឹងមើលពីបុគ្គលិកដោយក្រសែភ្នែក ដែលមានន័យថា “ភ្ញៀវនេះ អង្គុយយូរម្លេះ!” ។</p>
<p style="text-align: center;"><a class="thickbox" title="" href="/FileManager/Commons/2014/1/15/cf3-15-01-2014--21-30-39.jpg"><img src="/FileManager/Articles/mce/2014/1/15/cf3-15-01-2014--21-30-39.jpg" alt="" width="422" height="211" /></a></p>
<p style="text-align: center;"><em>Ivan Mitin ម្ចាស់ហាង Ziferblat</em> </p>
<p><br />ទំព័រ Atlantic Cities ឱ្យដឹងថា ហាងនេះ មានបម្រើដោយឥតគិតថ្លៃនូវអាហារ និងភេសជ្ជៈ មួយ<br />ចំនួន ដូចជា តែ កាហ្វេ នំ snack និងផ្លែឈើ ព្រមទាំងមាន wifi ល្បឿនលឿនផងដែរ។ ចូលមក<br />កាន់ហាងនេះ អ្នកក៏នឹងអាចប្រើប្រាស់ម៉ាស៊ីនបញ្ចាំងស្លាយ ម៉ាស៊ីនព្រីន ម៉ាស៊ីនស្គេន និងល្បែង<br />កំសាន្ដ។ ក្រៅពីនេះ អ្នកក៏អាចយកអាហារ ឬភេសជ្ជៈផ្ទាល់ខ្លួន មកទទួលទានក្នុងហាងនេះ។<br /><br />តម្លៃនៃកន្លែងអង្គុយមួយកន្លែង គឺ ០,០៥ដុល្លារ/នាទី តែបើអង្គុយ ៤៥នាទី អ្នកនឹងត្រូវបង់ថ្លៃ <br />២,២០ដុល្លារ ចំណែកតម្លៃសម្រាប់មួយថ្ងៃពេញ គឺប្រហែល ១៥ដុល្លារ។ ធៀបទៅនឹងហាងដែល<br />នៅជុំវិញ ហាងមួយនេះ មានតម្លៃទាបជាង។<br /><br />ហាងនេះ មានឈ្មោះថា Ziferblat (ជាភាសារុស្ស៊ី មានន័យថា មុខនាឡេកា)ដែលដំបូងឡើយ ត្រូវបានគេបង្កើតឡើងក្នុងក្រុង Moscow ប្រទេសរុស្ស៊ី។ ស្ថាបនិកនៃហាងនេះ ដំបូងឡើយ បានចាត់ទុកវាជាបទពិសោធសង្គម ជាជាងការធ្វើជំនួញ ប៉ុន្ដែ ក្រោយមក ហាងប្រភេទនេះ ទទួល<br />បានជោគជ័យយ៉ាងត្រចះត្រចង់ រហូតដល់ Ziferblat មានសាខាចំនួន ៩ ព្រមទាំងមានហាង <br />Ziferblat “ក្លែងក្លាយ” ប្រហែល ២០០កន្លេង នៅរុស្ស៊ី។</p>
<p style="text-align: center;"><a class="thickbox" title="" href="/FileManager/Commons/2014/1/15/cf4-15-01-2014--21-33-17.jpg"><img src="/FileManager/Articles/mce/2014/1/15/cf4-15-01-2014--21-33-17.jpg" alt="" width="424" height="212" /></a></p>
<p><br />ម្ចាស់ហាង Ziferblat មានឈ្មោះថា Ivan Mitin រួមនឹងមិត្តភ័ក្ដិជាច្រើនរូប។ មុនពេលបង្កើតហាង<br />នេះ ក្រុមរបស់ Ivan Mitin តែងត្រូវការបរិយាកាសមួយសម្រាប់ធ្វើគម្រោងសិល្បៈរបស់ខ្លួន ដោយ<br />ពួកគេតែង នាំគ្នាទៅធ្វើការនៅក្នុងបណ្ដាកាហ្វេផ្សេងៗគ្នា ប៉ុន្ដែដោយសារត្រូវអង្គុយធ្វើការយូរ ដែលជាប្រការមួយនាំឱ្យមានការរអៀសខ្លួន ព្រោះតែការសម្លឹងមើលពីសំណាក់បុគ្គលិកហាង ពួកគេបានរកឃើញបរិយាកាសល្អមួយ ដើម្បីធ្វើការរបស់ពួកគេ។ ពីមួយថ្ងៃទៅមួយថ្ងៃ ក្រុមរបស់<br /> Ivan Mitin កាន់តែច្រើនៗ បានបបួលគ្នាទៅកាន់កន្លែងដែលពួកគេពេញចិត្តនោះ ហើយពួកគេនាំ<br />គ្នាធ្វើការរៀងៗខ្លួន។ មូលហេតុនេះហើយ បណ្ដាលឱ្យហាង Ziferblat កើតឡើង។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ businessinsider<br /><br /></p>