<p>នៅក្នុងអត្ថបទនេះ យើងខ្ញុំសូមណែនាំមិត្តអ្នកអាន មកទទួលដឹងនូវបទពិសោធការងារដ៏អស្ចារ្យ<br />របស់ Coco Chanel (Gabrielle Bonheur Chanel) ដែលជាម្ចាស់ផលិតផលទឹកអប់ Chanel No5<br /> ៖ “ម្ចាស់ការ កំណត់អនាគតដោយខ្លួនឯង!”</p>
<p style="text-align: center;"><a class="thickbox" title="" href="/FileManager/Commons/2013/8/29/coco-chanel0-29-08-2013--12-19-08.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/29/coco-chanel0-29-08-2013--12-19-08.jpg" alt="" /></a>លោកស្រី Coco Chanel កាលពីនៅមានជីវិត</p>
<p>Coco Chanel កើតឆ្នាំ ១៨៨៣ ក្នុងគ្រួសារក្រីក្រមួយ នៅតំបន់ Saumur ប្រទេសបារាំង។ នៅ<br />ពេលម្ដាយរបស់លោកស្រីបានស្លាប់ ពេលនោះលោកស្រីមានអាយុ ១២ឆ្នាំ ពុករបស់លោក<br />ស្រីក៏បានយកលោកស្រី និងបងប្អូន ២នាក់ទៀត ទៅផ្ញើនៅវិហារមួយដើម្បីទទួលការអប់រំ និង<br />ថែទាំ។</p>
<p><br />ពេលពេញវ័យ Coco Chanel បានខិតខំប្រឹងប្រែងដើម្បីទទួលបានការងារមួយនៅក្នុងឆាកតន្ដ្រី<br /> ជាលទ្ធផល Coco Chanel មានការងារជាអ្នករាំ ច្រៀងក្នុងកម្មវិធីសម្ដែងនៅបន្ទប់តែនានា។ ក្រៅ<br />ពីនេះ លោកស្រីក៏ធ្លាប់បានធ្វើការផ្នែកកាត់ដេរទន្ទឹមនឹងការសិក្សានៅវិហារ ហើយក៏នៅតែបន្ដ<br />ចូលរួមសម្ដែងផងដែរ។</p>
<p><br />ក្រោយពីធ្វើការឱ្យហាងកាត់ដេរមួយ Coco Chanel បានចាប់ផ្ដើមអាជីពដែលប្រកបដោយជោគ<br />ជ័យ និងក្លាយជាអ្នករចនាម៉ូដ និងលក់មួកគ្រប់ប្រភេទ។ “អាណាចក្រ” របស់រលោកស្រី បាន<br />ចាប់ផ្ដើមពីពេលនោះមក។ Coco Chanel យល់ថា មានតែការប្រឹងប្រែង កំណត់ទិសដៅរបស់<br />ខ្លួន ដោយខ្លួនឯង ទើបអាចឈានដល់ជោគជ័យ។</p>
<p><a class="thickbox" title="" href="/FileManager/Commons/2013/8/29/coco-chanel2-29-08-2013--12-20-09.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/29/coco-chanel2-29-08-2013--12-20-09.jpg" alt="" /></a><br /><br /><strong>ហ៊ានធ្វើការផ្លាស់ប្ដូរ</strong></p>
<p>គេអាចនិយាយបានថា ស្ដ្រីទាំងអស់ ហាក់ដូចជាទទួលសម្ពាធយ៉ាងធ្ងន់ នៅពេលដែលសម្លៀក<br />បំពាក់របស់ពួកគេមានលក្ខណៈតឹង ចង្អៀត ដែលពេលខ្លះធ្វើឱ្យមានភាពតប់ប្រមល់ ពិបាកទ្រាំ។<br />Coco Chanel បានផ្លាស់ប្ដូរទាំងអស់។ លោកស្រីបានផ្ដល់នូវអារម្មណ៍ធូរស្រាល សេរីភាព<br />ដល់ស្រ្ដី ជួយឱ្យពួកគេរួចផុតពីស្ថានភាពបែកញើសគ្រប់ពេល ដោយសារតែសម្លៀកបំពាក់<br />ដ៏ស្មុកស្មាញ។ ការផ្លាស់ប្ដូររបស់លោកស្រី បាននាំឱ្យមានការពេញចិត្តពីស្ដ្រីទាំងឡាយ។<br /><br /><strong>បង្កើតយីហោ គឺជាកម្លាំង</strong></p>
<p>លោកស្រីបានទាក់ទងជាមួយអតិថិជន និងស្រាវជ្រាវរកនូវអ្វីដែលពួកគេចង់បាន។ Coco <br />Chanel ធ្វើជាអ្នកនាំពាក្យឱ្យក្រុមហ៊ុនរបស់ខ្លួន និងឧទ្ទេសនាមដល់អតិថិជន ចាប់ពីវប្បធម៌<br />ដល់អត្ថន័យថ្មីទាំងស្រុង នៅពេលនិយាយអំពីម៉ូដែលសម្លៀកបំពាក់។ លោកស្រីក៏តែងរក្សា<br />នូវអាថ៌កំបាំង ស្ដីអំពីរូបមន្ដទាក់ទិននឹងសម្រស់ ពោរពេញដោយស្ទីលថ្មី។</p>
<p><br />លោកស្រី ក៏មានសុភាសិតដែលមិនចេះសាបសូន្យ ស្ដីពី “កូនសំណព្វ” Chanel No5 របស់ខ្លួន <br />ដូចជា ៖ “មិនមានភាពថ្លៃថ្នូរណា ដែលមិនមានទឹកអប់។ វាជាគ្រឿងអលង្ការអរូបិយ ប៉ុន្ដែពិបាក<br />បំភ្លេចបំផុតសម្រាប់ស្ដ្រី” ឬថា “ស្ដ្រីដែលមិនប្រើទឹកអប់ គឺមិនមានអនាគត” ។ល។</p>
<p style="text-align: center;"><a class="thickbox" title="" href="/FileManager/Commons/2013/8/29/coco-chanel3-29-08-2013--12-21-11.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/29/coco-chanel3-29-08-2013--12-21-11.jpg" alt="" /></a>Coco Chanel បង្កើតយីហោ Chanel ដែលមានឈ្មោះល្បីល្បាញ ពិសេសគឺទឹកអប់</p>
<p>Coco Chanel បានជួយដល់ស្ដ្រី ដើម្បីបង្កការចាប់អារម្មណ៍ពីសំណាក់បុរសៗដែលខ្លួនចូលចិត្ត <br />ហើយក្រោយមក កាន់កាប់បេះដូងរបស់ពួកគេ ដោយក្លិនក្រអូបប្រហើរបែបថ្លៃថ្នូរ គឺមិនមែន<br />ប្រភេទទឹកអប់តម្លៃថោកៗ ដែល “ឆាប់ក្លិន ឆាប់ហើរ” ធ្វើឱ្យគេឆាប់ធុញទ្រាន់នោះទេ។</p>
<p><br />អ្វីទាំងអស់ដែល Coco Chanel បានធ្វើ គឺដើម្បីស្ដ្រី ដាច់ខាត់មិនមែនដើម្បីបញ្ជោរ ឬមួយជាការបង្កើនកម្រិតនៃម៉ូដែលប្រភេទតម្លៃថ្លៃនោះដែរ។</p>
<p><strong>មិនហួសពេលក្នុងការធ្វើសាជាថ្មី</strong><br /> <br />វាមិនដែលហួសពេលនោះឡើយសម្រាប់ការវិលត្រឡប់មកវិញ ប្រសិនអ្នកមានលក្ខខណ្ឌសម<br />ស្រប។ នៅឆ្នាំ ១៩៥៤ ក្រោយពីបាត់មុខរយៈពេល ១៥ឆ្នាំ Coco Chanel បានត្រឡប់មកកាន់<br />ពិភពម៉ូដវិញ។ បើទោះជាលោកស្រី មិនទទួលបានការចាប់អារម្មណ៍ខ្លាំងនៅអឺរ៉ុប ប៉ុន្ដែ អតិថិ<br />ជនអាមេរិក បែរជាត្រូវ “តម្រៀបជួររង់ចាំ” ការរចនារបស់លោកស្រី។ នៅពេលទទួលមរណ<br />ភាព ក្នុងវ័យ ៧១ឆ្នាំ លោក Coco Chanel ត្រូវបានគេចាត់ទុកថា ជាអ្នករចនាល្អបំផុតមួយរួប <br />ក្នុងសម័យនោះ។</p>
<p><a class="thickbox" title="" href="/FileManager/Commons/2013/8/29/coco-chanel00-29-08-2013--12-23-20.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/29/coco-chanel00-29-08-2013--12-23-20.jpg" alt="" /></a><br />គួររំឭកថា លោកស្រី Coco Chanel មានឈ្មោះពេញ គឺ Gabrielle Bonheur Chanel កើតថ្ងៃទី <br />១៩ សីហា ឆ្នាំ ១៨៨៣ នៅតំបន់ Saumur ប្រទេសបារាំង។ លោកស្រីបានទទួលមរណភាពនៅ<br />ថ្ងៃទី ១០ មករា ឆ្នាំ ១៩៧១ នៅក្រុងបារីស ប្រទេសបារាំង ប៉ុន្ដែត្រូវបានបញ្ចុះសពនៅក្នុងតំបន់<br /> Lausanne នៃប្រទេសស៊្វីស។</p>
<p style="text-align: right;"><br />ដោយ ៖ តារា<br />ប្រភព ៖ Businessinsider/ cafebiz<br /><br /></p>