<p><span style="color: #000000;"><strong>(ភ្នំពេញ)៖</strong> ក្រសួងសង្គកិច្ច អតីតយុទ្ធជន និងយុវនីតិសម្បទា បានចេញសេចក្តីថ្លែងការណ៍ដោយថ្កោលទោស លើបុគ្គល មួយក្រុមប្រើដំបងឆក់កុមារអាយុ២ឆ្នាំ យ៉ាងឃោរឃៅ និងបានថតរូបបង្ហោះតាមបណ្តាញសង្គម Facebook នៅថ្ងៃទី០៦ ខែធ្នូ ឆ្នាំ២០១៦ ដែលបានកើតឡើងនៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគីរី។</span></p>
<p><span style="color: #000000;">យោងតាមសេចក្តីថ្លែងការណ៍របស់ក្រសួងសង្គមកិច្ច បានបញ្ជាក់ថា<strong> «ក្រោមការដឹកនាំដោយ លោក វង សូត រដ្ឋមន្រ្តីក្រសួងសង្គមកិច្ច និងជាប្រធានក្រុមប្រឹក្សាជាតិកម្ពុជាដើម្បីកុមារ សូមថ្កោលទោសយ៉ាងដាច់អហង្ការ ដោយមិនអាចទទួលយកបានឡើយចំពោះការប្រព្រឹត្តអំពើសាហាវយង់ឃ្នង ព្រៃផ្សៃ អមនុស្សធម៌របស់បុគ្គលមួយក្រុម ដែលបានប្រើដំបងឆក់ និងរំលោភបំពានលើកុមារតូចអាយុ២ឆ្នាំ និងបានថតរូបបង្ហោះតាមបណ្តាញសង្គម Facebook នៅថ្ងៃទី០៦ ខែធ្នូ ឆ្នាំ២០១៦ ដែលបានកើតឡើងនៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី»</strong>។</span></p>
<p><span style="color: #000000;">សេចក្តីថ្លែងការណ៍ បានបន្ថែមថា អំពើរបស់បុគ្គលមួយក្រុមនេះ គឺជាការរំលោភបំពានយ៉ាងធ្ងន់ធ្ងរ ទៅលើសិទ្ធិ ទទួលបានការការពារ សិទ្ធិទទួលបានការអភិវឌ្ឍន៍ និងសិទ្ធិរស់រានមានជីវិតរបស់កុមារ។</span></p>
<p><span style="color: #000000;">គួរបញ្ជាក់ថា ជនភេទទី៣ដែលបានធ្វើទារុណកម្មយ៉ាងឃោរឃៅ ទៅលើកុមារអាយុ២ឆ្នាំម្នាក់ កូនប្រជាពលរដ្ឋខ្មែរ នៅស្រុកពេជ្រាដា ខេត្តមណ្ឌលគិរី ហើយរត់គេចខ្លួននោះ រហូតដល់យប់ថ្ងៃទី០៧ ខែធ្នូ ឆ្នាំ២០១៦នេះ ត្រូវបានសមត្ថកិច្ចចាប់ខ្លួនបានហើយ។ ការចាប់ខ្លួននេះ ធ្វើឡើងនៅទីក្រុងហូជីមិញ ប្រទេសវៀតណាម ។ នេះបើតាមការអះអាងរបស់ព្រះរាជអាជ្ញារងម្នាក់ និងមន្រ្តីនគរបាលម្នាក់នៅខេត្តមណ្ឌលគិរី។</span></p>
<p><span style="color: #000000;">ទោះជាយ៉ាងណា ប្រភពដដែលបាននិយាយថា ជនសង្ស័យរូបនេះ នឹងត្រូវបញ្ជូនមកប្រទេសកម្ពុជានៅពេលណាឡើយ តែសមត្ថកិច្ចកម្ពុជា សហការជាមួយខាងនគរបាលវៀតណាម ដើម្បីយកជននេះមកប្រទេសកម្ពុជា ដើម្បីបញ្ជូនទៅតុលាការចាត់ការតាមច្បាប់។</span></p>
<p><span style="color: #000000;">ជនភេទទី៣ដែលបានធ្វើទារុណកម្មយ៉ាងឃោរឃៅទៅលើកុមារ២ឆ្នាំនោះ ត្រូវបានសមត្ថកិច្ចបញ្ជាក់ថា ឈ្មោះ Doung tanh ជាជនជាតិវៀតណាម។ ចំណែកឯក្មេងប្រុសរងគ្រោះ មានឈ្មោះ សូរ សៅ ជាកូនជនជាតិខ្មែរ រស់នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលម្តាយឪពុកជាកម្មករចាំចំការកាកាវ ឲ្យជនជាតិហូឡង់ ស្ថិតនៅភូមិឃុំខាងលើ។</span></p>
<p><span style="color: #000000;">សូមបញ្ជាក់ថា ពាក់ព័ន្ធនឹងករណីនេះ កម្លាំងនគរបាលក្រសួងមហាផ្ទៃ សហការជាមួយកម្លាំងនគរបាលខេត្តមណ្ឌលគិរី និងនគរបាលខេត្តកំពង់ចាម បានបើកប្រតិបត្តិការស្រាវជ្រាវយ៉ាងបន្ទាន់ រហូតតាមចាប់ខ្លួនជនសង្ស័យ៣នាក់ ដែលបានចូលរួមសមគំនិត និងថតរូបផងដែរ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-08-10-31-28-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-08-10-17-52-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>