<p><span style="color: #000000;"><strong>(ភ្នំពេញ)៖</strong> មេធាវីម្នាក់ទំនងជាស្រវឹង បានបើករថយន្ដ Land Cruiser មួយគ្រឿង រេចង្កូតទៅបុករបាំងដែក ចែកទ្រូងផ្លូវអស់៧ផ្ទាំង រួចបន្ដបុករះម៉ូតូ៣គ្រឿង និងម៉ូតូកង់បី១គ្រឿងបន្ថែមទៀត ទើបរថយន្ដទៅមុខលែងរួច ប៉ុន្តែមិនមានអ្នកណារងរបួសនោះទេ។</span></p>
<p><span style="color: #000000;">ហេតុការណ៍គ្រោះថ្នាក់ចរាចរណ៍នេះ កើតឡើងនៅយប់ថ្ងៃទី២៦ ខែកក្កដា ឆ្នាំ២០១៦ តាមមហាវិថីព្រះមុនីវង្ស ត្រង់ចំណុចមុខហាងលក់ផ្លែឈើស្រស់ ឡោ មុយស្រេង ក្នុងខណ្ឌចំការមន រាជធានីភ្នំពេញ។</span></p>
<p><span style="color: #000000;">សាក្សីដែលឃើញហេតុការណ៍ បានឱ្យដឹងថា មុនពេលកើតហេតុ គេឃើញបុរសម្នាក់បើករថយន្ដ១គ្រឿង ម៉ាក Land Cruiser ពាក់ស្លាកលេខភ្នំពេញ 2U-3989 ទំនងជាស្រវឹង ដោយបើកក្នុងទិសដៅពីត្បូងទៅជើង លុះមកដល់ចំណុចខាងលើ រថយន្ដបានរេចង្កូតទៅបុករបាំងដែក ពុះចែកទ្រូងផ្លូវអស់៧ផ្ទាំង រួចរថយន្ដជ្រុលចង្កូតទៅខាងឆ្វេងដៃ បន្ដបុករះម៉ូតូ៣គ្រឿង និងម៉ូតូកង់បី១គ្រឿងបន្ថែមទៀត បណ្ដាលឱ្យរថយន្ដខ្ទេចមុខ និងម៉ូតូរងការខូចខាតធ្ងន់ធ្ងរ ដោយគៀបពីក្រោមរថយន្ដធ្វើឱ្យរថយន្ដទៅមុខលែងរួច។</span></p>
<p><span style="color: #000000;">ប៉ុន្ដែអ្វីដែលជាការចាប់អារម្មណ៍នោះ គឺនៅក្នុងរថយន្ដគេឃើញមានកាតមួយដែល ជាកាតមេធាវី ហើយមានឈ្មោះ សំរេច កុសល អត្តលេខ៨០០ ទើបមជ្ឈដ្ឋានទូទៅសន្និដ្ឋានថា អ្នកបើកបរជាមេធាវី។</span></p>
<p><span style="color: #000000;">ក្រោយពេលកើតហេតុអ្នកបើកបរ និងរថយន្ដត្រូវបានសមត្ថកិច្ចជំនាញ យកទៅការិយាល័យចរាចរណ៍ផ្លូវគោក ដើម្បីរង់ចាំធ្វើការដោះស្រាយតាមក្រោយ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F583378088500653%2F&show_text=0&width=560" frameborder="0" width="730" height="415"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-09-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-07-41-10-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>