<div class="article-content">
<p style="text-align: left;"><strong> កោះកុង៖</strong> នៅព្រឹកថ្ងៃទី១៤ ខែ<strong></strong>កុម្ភៈ ឆ្នាំ ២០១៣ សម្ថតិកិច្ចព្រហ្មទណ្ឌ នៃស្នងការនគរបាលខេត្ដ<br />កោះកុង បានបញ្ជូនខ្លួនជន សង្ស័យម្នាក់ទៅសាលាដំបូងខេត្ដ ដោយចោទប្រកាន់ ពីបទមនុស្ស<br />ឃាត សំលាប់មនុស្សកាលពីថ្ងៃទី ១១ខែគុម្ភៈឆ្នាំ២០១៣ វេលាម៉ោង ៥.០០នាទីល្ងាច ដែលស្ថិត<br />នៅក្នុងភូមិ បាក់ម្នាស់ ឃុំ តានូន ស្រុកបុទុមសាគរ ខេត្ដកោះកុង ដែលបង្កឡើងដោយជនល្មើស<br /> ឈ្មោះ អ៊ូច ទុំ ភេទ ប្រុស អាយុ ៤៨ ឆ្នាំ មានទីលំនៅ ភូមិ បាក់ម្នាស់ ឃុំ តានូន ស្រុកបុទុម សាគរ<br />ខេត្ដកោះកុង។ ចំណែកឯជនរងគ្រោះ ដែលស្លាប់មានឈ្មោះ គៀង លាង ភេទប្រុស អាយុ៤៥ឆ្នាំ<br /> មានទីលំនៅភូមិឃុំជាមួយគ្នា។</p>
<p style="text-align: left;">ហេតុការណ៍នេះកើតឡើង ដោយសាររឿងបាត់មេមាន់១ក្បាល ដែលទុកបំរុងជប់លៀង នៅពេល<br />ចូលឆ្នាំប្រពៃណីចិន វៀតណាម ថ្ងៃកើតហេតុដែលជនរងគ្រោះបានចោទប្រកាន់ទៅលើជនសង្ស័យ<br /> ដែលមានផ្ទះជិតគ្នា។</p>
<p style="text-align: left;">លោក អនុសេនីយ៍ឯក ប៉ែន ប៊ុនថា ប្រធានផ្នែកសំណុំរឿង សួរចម្លើយការិយាល័យព្រហ្មទណ្ឌកំរិត<br />ធ្ងន់ នៃស្នងការនគរបាលខេត្ដ បានឱ្យភ្នាក់ងារមជ្ឈមណ្ឌលដើមអម្ពិលដឹងថា ជនរងគ្រោះដែលសា្លប់<br />ភ្លាមនេះ គឺដោយសារតែជនសង្ស័យគប់១ដែកសរសៃ ត្រូវចំភ្នែកខាងឆ្វេង ដែលមានជម្រៅ១តឹក <br />ហើយដែកនោះ មានប្រវែង៩តឹក ទំហំ៥លី ដោយជនសង្ស័យ បានគប់ពីលើផ្ទះទៅចំភ្នែក ប្រកាច់<br />ស្លាប់ភ្លាមៗតែម្ដង។</p>
<p style="text-align: left;">ប្រភពដដែលបានឱ្យដឹងទៀតថា មូលហេតុ ដោយសារជនសង្ស័យគប់ចំភ្នែកជនរងគ្រោះ បណ្ដាល<br />ឱ្យស្លាប់នេះ មកពីជនរងគ្រោះ បានបាត់មេមាន់១ ហើយបាន ផឹកស្រាស្រវឹង និងបានលីកាំបិតផ្គាក់<br /> ទៅផ្ទះជនសង្ស័យ ដោយចោទ ឈ្មោះ អ៊ូច លាង ថាបានលួចមេមាន់គាត់កាប់ស៊ី ពេលទៅដល់មុខ<br />ផ្ទះជនរងគ្រោះ បានជេរប្រមាថ មើលងាយដល់ពូជអំបូរ ធ្វើឱ្យជនសង្ស័យទ្រាំពុំបាន ក៏បានទាញ<br />ដែកសរសៃ គប់ទៅជនរងគ្រោះចំភ្នែក បណ្ដាលឱ្យស្លាប់តែម្ដង នៅនឹងកន្លែងកើតហេតុ ហើយ<br />សមត្ថកិច្ចប៉ុស្ដិ៍រដ្ឋបាល ធ្វើការឃាត់ខ្លួនជនល្មើសបានភ្លាមៗបញ្ជូនខ្លួនមកស្នងការខេត្ដដើម្បីកសាង<br />សំណុំរឿង ទៅសាលាដំបូងវិនិច្ឆ័យទោសទៅតាមផ្លូវច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0065.jpg" alt="www.dap-news.com" width="400" /></p>
<p style="text-align: center;"><strong>ជនសង្ស័យដែលត្រូវសមត្ថកិច្ចឃាត់ខ្លួន</strong></p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0066.jpg" alt="www.dap-news.com" width="400" /></p>
<p style="text-align: center;"><strong>ជនរងគ្រោះ</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>