<p><span style="color: #000000;"><strong>(ភ្នំពេញ)៖</strong> កម្លាំងនគរបាលខណ្ឌច្បារអំពៅ នៅថ្ងៃទី១៤ ខែកុម្ភៈ ឆ្នាំ២០១៧នេះ បានឃាត់ខ្លួនបុរសអាយុ៦៧ឆ្នាំម្នាក់ ពាក់ព័ន្ធចាប់រំលោភលើកុមារីអាយុ៥ឆ្នាំ រហូតចាប់ចងក្មេងស្រីរងគ្រោះ ហើយបង្ខំឲ្យលិឍប្រដាប់ភេទ ដែលហេតុការណ៍នេះ បានកើតឡើងកាលពីវេលាយប់ម៉ោង២១៖៣០នាទីថ្ងៃទី១៣ ខែកុម្ភៈ ឆ្នាំ២០១៧ នៅចំណុចផ្ទះជួល ផ្លូវលំ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។</span></p>
<p><span style="color: #000000;">សមត្ថកិច្ចបានឲ្យដឹងថា ជនសង្ស័យឃាត់ខ្លួនឈ្មោះ សែត សុខគីម ហៅគីម អាយុ៦៧ឆ្នាំ មុខរបរលក់ចង្រិត ស្នាក់នៅផ្ទះជួល ផ្លូវលំ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រីឯកុមារីរងគ្រោះឈ្មោះ ល.ស.ល អាយុ៥ឆ្នាំ។</span></p>
<p><span style="color: #000000;">តាមដំណើររឿង ជនរងគ្រោះរស់នៅជាមួយម្តាយមីង ដោយហេតុឪពុកម្តាយលែងលះគ្នា ហើយនៅថ្ងៃ១៣ ខែកុម្ភៈ ឆ្នាំ២០១៧ វេលាម៉ោង០៥៖៣០នាទី ម្តាយមីងបានយកជនរងគ្រោះ មកផ្ញើឪពុកមាឈ្មោះ សែត សុខគីម។ មូលហេតុទៅដើរលេងជាមួយគូដណ្តឹងនៅកោះពេជ្រ ដល់យប់វេលាម៉ោង០៩៖៣០ថ្ងៃដដែល បានត្រឡប់មកយកជនរងគ្រោះវិញ ស្របពេលនោះកុមារីរងគ្រោះដែលត្រូវជាក្មួយបានប្រាប់ថា លោកតោបំរ៉ុងចាប់រំលោភខ្លួន។</span></p>
<p><span style="color: #000000;">ជាមួយគ្នានោះ ម្តាយមីងក៏បាននាំក្មួយត្រឡប់ទៅលំនៅដើមវិញ លុះដល់ថ្ងៃទី១៤ ខែកុម្ភៈ ឆ្នាំ២០១៧ វេលាម៉ោង០៧៖០០ព្រឹកនេះ បានមកដាក់ពាក្យបណ្តឹងនៅប៉ុស្តិ៍ និងបាននាំជនសង្ស័យសាកសួរកំណត់ហេតុមិនព្រមសារភាព។</span></p>
<p><span style="color: #000000;">តាមការអះអាងចម្លើយរបស់ជនរងគ្រោះបានឲ្យដឹងថា ជនសង្ស័យយកខ្សែរ មកចងដៃទាំងពី គំរាម បង្ខំឲ្យកុមារីលិតលិង្គ ពេលនោះកុមារីបានរើរួចពីចំណងរត់ចេញមកក្រៅគេចផុតជនសង្ស័យ។ </span></p>
<p><span style="color: #000000;">បច្ចុប្បន្នជនសង្ស័យ ត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌច្បារអំពៅ ដើម្បីចាត់ការតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-14-17-58-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-17-58-14-0.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-18-06-54-0.png" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>