<div class="article-content">
<p><strong>ស្ទឹងត្រែង៖</strong> នគរបាល ព្រហ្មទណ្ឌកំរិតស្រាល នៃស្នងការដ្ឋាន នគរបាលខេត្ត ឃាត់ខ្លួនបរុសម្នាក់ ប្រើហិង្សា យកប្រេងសាំង ជះលើប្រពន្ធរបស់ខ្លួន ឲ្យឆេះ រាលដាលរងរបួសធ្ងន់។</p>
<p>ការឃាត់ខ្លួន និងបញ្ជូនមកការិយាល័យ ព្រហ្មទណ្ឌកំរិតស្រាល បានប្រព្រឹត្តទៅកាលពីព្រឹកថ្ងៃ ទី២១ ខែមិថុនា ឆ្នាំ ២០១៤ នៅភូមិឡាកាយ ឃុំថ្មកែវ ស្រុកសៀមប៉ាង។</p>
<p>តាមពត៌មានបានឱ្យដឹងថា ដើមហេតុ ដោយសារ ជនសង្ស័យជាប្តី ផឹកស្រវឹងហើយចូលផ្ទះ ឃើញប្រពន្ធនិយាយ ទូរស័ព្ទ ខណៈនោះជនសង្ស័យបានសួរទៅប្រពន្ធថា និយាយជាមួយនរណា ប៉ុន្តែ ប្រពន្ធមិនតមាត់ មិននិយាយ រក ក៏យកប្រេងសាំងចំណុះ៥លីត្រ ជះលើប្រពន្ធ ធ្វើឱ្យប្រេសាំងនោះ ហូរទៅក្រោមផ្ទះ ប៉ះនិងពំនូកភ្លើង ក៏ឆាប ឆេះឡើងមកលើ បង្កការឆេះរាលដល់ ប្រពន្ធរបស់ខ្លួនរងរបួសធ្ងន់តែម្តង ហើយជនរងគ្រោះ បានរត់ចុះទៅទន្លេ។</p>
<p>លោកនាយការិយាល័យព្រហ្មទណ្ឌកំរិតធ្ងន់ មានប្រសាសន៍ឱ្យដឹងថា នៅថ្ងៃទី១៩ ខែមិថុនា ឆ្នាំ២០១៤ ជន សង្ស័យ បានត្រឡប់មកពីផឹកស្រា ឃើញប្រពន្ធកំពុងតែនិយាយទូរស័ព្ទ មានការ ប្រចណ្ឌ ហើយក៏ខឹងប្រពន្ធ មិននិយាយរកក៏បានយកប្រេងសាំងជះលើប្រពន្ធ បណ្តាលឱ្យភ្លើង ឆាបឆេះរាលដាលពេញខ្លួន។</p>
<p>លោក ហោ វុទ្ធី នាយការិយាល័យ ព្រហ្មទណ្ឌកំរិតស្រាលបានឱ្យដឹងថា ជនសង្ស័យមានឈ្មោះ ឡាន់ សុផា ជនជាតិឡាវ អាយុ ៣៤ឆ្នាំ រីឯជនរងគ្រោះ មានឈ្មោះ ថាន់ ខាន់ ជនជាតិឡាវ អាយុ២២ឆ្នំា ពួកគេទាំង២នាក់ ជាប្តី ប្រពន្ធនឹងគ្នា រស់នៅភូមិ ឡាកាយ ឃុំថ្មកែវ ស្រុកសៀមប៉ាង។ ជន សង្ស័យដែលបង្កហេតុ បានកសាង សំនុំរឿងបញ្ជូនទៅតុលាការ អនុវត្តតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-010/chanroth014-june-142.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-010/chanroth014-june-143.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/89058-2014-06-22-08-55-04.html" target="_blank">ផ្តល់សិទ្ធដោយ ៖ ដើមអម្ពិល</a></p>