<p><span style="color: #000000;">ព័ត៌មានអន្តរជាតិ ៖ ទូរទស្សន៍រដ្ឋរបស់ប្រទេស រូម៉ានី បានផ្សាយថា ឧទ្ធម្ភាគចក្រប្រភេទ សូខេត ដឹក យោធាចំនួន ១០នាក់ បានធ្លាក់កាលពីថ្ងៃសុក្រ ទី២១ ខែវិច្ឆិកា នៅជិតទីក្រុង មេដៀសភាគកណ្តាល ប្រទេស រូម៉ានី បណ្តាលឲ្យស្លាប់យោធា ០៨នាក់។</span></p>
<p><span style="color: #000000;">ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃសៅរ៍ ទី២២ ខែវិច្ឆិកា ឆ្នាំ២០១៤ ដោយផ្អែកតាមការលើកឡើងរបស់លោក មីសៀ ឌូសា រដ្ឋមន្រ្តីការពារជាតិរូម៉ានី ថា ឧប្បតិហេតុធ្លាក់នោះ បានបណ្តាលឲ្យស្លាប់យោធា ០៨នាក់ ដែលនៅលើឧទ្ធម្ភាគចក្រ ចំណែក ០២នាក់ទៀតគឺនៅរស់រានមានជីវិតប៉ុន្តែ ស្ថិតក្នុងអាការៈធ្ងន់ធ្ងរ ដោយសារភ្លើងឆេះ។</span></p>
<p><span style="color: #000000;">ចំណែក ក្រសួងមហាផ្ទៃរូម៉ានីវិញ បានឲ្យដឹងថា ជនរងគ្រោះដែលនៅរស់រានមានជីវិតទំាងពីរនាក់នោះ គឺលោតចេញពីឧទ្ធម្ភាគចក្រ ដោយ ខ្លួនឯង។ ចំណែកសាក្សី បាននិយាយថា «នៅពេលដែល គាត់ ទៅ ដល់កន្លែងកើតហេតុ ឃើញឧទ្ធម្ភាគចក្រនោះ បានឆេះទៅហើយ។ អ្នករងគ្រោះម្នាក់ នៅ ដឹងខ្លួននៅឡើយ ខណៈម្នាក់ទៀតស្ថិតក្នុងអាការៈធ្ងន់ធ្ងរ»។</span></p>
<p><span style="color: #000000;"><a class="thickbox" title="" href="/FileManager/Commons/2014/11/22/rtr41kdn-22-11-2014--11-20-56.jpg"><img src="/FileManager/Articles/mce/2014/11/22/rtr41kdn-22-11-2014--11-20-56.jpg" alt="" /></a><br /></span></p>
<p><span style="color: #000000;">ក្រសួងមហាផ្ទៃបន្តថា ឧទ្ធម្ភាគចក្រមួយគ្រឿងដែលធ្លាក់នោះ គឺកំពុងហោះហើរទៅឆ្ពោះទៅមូលដ្ឋាន យោធា ស៊ីនគូ ដែលមានចម្ងាយប្រហែល ៤៥ គីឡូម៉ែត្រ ពីភាគអាគ្នេយ៍នៃកន្លែងធ្លាក់ ដើម្បីទៅចូល រួម សមយុទ្ធយោធាជាមួយ ទាហានអាម៉េរិក។</span></p>
<p><span style="color: #000000;">រដ្ឋមន្រ្តីការពារជាតិ លោក ឌូសា ក៏បានបញ្ជាឲ្យស៊ើបអង្កេតក្នុងឧប្បតិហេតុនេះផងដែរ ចំណែក ក្រុម ការងាររួម ដែលរួមមានក្រុមព្រះរាជអាជ្ញាយោធា មន្រ្តីជំនាញខាងវិទ្យាសាស្រ្ត និងឧបនាយករដ្ឋមន្រ្តី រូម៉ានី ទទួលបន្ទុកសន្តិសុខជាតិ ក៏បានធ្វើដំណើរទៅកន្លែងធ្លាក់នោះហើយដែរ៕</span></p>
<p style="text-align: right;"><span style="color: #000000;">ប្រភព ៖ ដើមអម្ពិល</span></p>