<p><span style="color: #000000;"><strong>ព័ត៌មានអន្តរជាតិ ៖</strong> ហោចណាស់ មនុស្ស ១២៩ នាក់ ត្រូវបានប្រទះឃើញ និងជួយត្រលប់មកវិញ នៅក្នុងបឹងមួយកន្លែងឈ្មោះ Tanganyika មានទីតាំងស្ថិត នៅ សាធារណរដ្ឋ កុងហ្គោ ក្រោយពី មាន ករណី គ្រោះថ្នាក់ លិចសាឡាងចម្លង កាលពីថ្ងៃសុក្រ ចុងសប្តាហ៍កន្លងទៅ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/15/80-15-12-2014--09-25-19.jpg"><img src="/FileManager/Articles/mce/2014/12/15/80-15-12-2014--09-25-19.jpg" alt="" /></a><br /></span></p>
<p><span style="color: #000000;">ប្រភពពីទំព័រសារព័ត៌មាន ប៊ីប៊ីស៊ី ក្រោយពីបានដកស្រង់ សម្តីរដ្ឋមន្រ្តីក្រសួងសាធារណការណ៍ និង ដឹកជញ្ជូនលោក Laurent Sumba Kahozi បានចុះផ្សាយអោយដឹងថា ប្រតិបត្តិការ ស្រាវជ្រាវនៅតែ បន្តមាននៅឡើយ ដើម្បី ស្វែងរក អ្នកដែលនៅរស់រានមានជីវិត ។ គួរបញ្ជាក់ថា ក្រុមការងារចុះជួយ សង្គ្រោះ បានប្រទះឃើញ ក្រុមអ្នកដំណើរ នៅលើផ្ទៃទឹក កាលពីថ្ងៃអាទិត្យខណៈពួកគេកំពុងតែតោង ធុងសាំង ក៏ដូចជា វត្ថុដទៃៗទៀត ជាចលកររុញច្រានពួកគេអោយអណ្តែតលើទឹក ។ </span></p>
<p><span style="color: #000000;">អ្នកឆ្លើយឆ្លងព័ត៌មាន គូសបញ្ជាក់អោយដឹងថា ករណីគ្រោះថ្នាក់ លិចសាឡាងចម្លង នៅក្នុងតំបន់នេះ គឺជារឿងធម្មតា ពីព្រោះថា ជាញឹកញាប់ សាឡាងចម្លងផ្ទុកមនុស្សលើសចំណុះ ។ បន្ថែមពីលើនេះប្រ ភពដដែលបន្តអោយដឹង អាវពោងសុវត្ថិភាព ជាញឹកញាប់ បាន បាត់ មានចំនួនច្រើន ក្នុងនោះ ក្រុម អ្នកដំណើរទាំងនេះ ភាគច្រើន សុទ្ធសឹងតែជាអ្នកមិនចេះហែលទឹក ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/15/79722317087a976b-8eec-43df-ae98-c1b74dcc4430-15-12-2014--09-25-30.jpg"><img src="/FileManager/Articles/mce/2014/12/15/79722317087a976b-8eec-43df-ae98-c1b74dcc4430-15-12-2014--09-25-30.jpg" alt="" /></a><br /></span></p>
<p><span style="color: #000000;">មន្រ្តីមកពីខេត្ត Katanga អោយដឹងថា ខ្យល់កន្ត្រាក់ខ្លាំង និងករណី ផ្ទុកមនុស្សលើសចំណុះ គឺជាមូល ហេតុដែលបានបណ្តាលអោយសាឡាងដឹក អ្នក ដំណើរមួយនេះ សាឡាង the MV Mutambala ក្រ ឡាប់លិចតែម្តង ។ របាយការណ៍ បញ្ជាក់ថា ចំនួនស្រ្តីភេទ និង កុមារ ភាគច្រើន បានស្លាប់ក្នុងហេតុ ការណ៍ គ្រោះអកុសលមួយនេះ ដែលបានកើតឡើង កាលពី វេលា ព្រឹកព្រលឹម ថ្ងៃសុក្រ កន្លងទៅ ។ ដើមឡើយ សេចក្តីរាយការណ៍ បញ្ជាក់ថា មានមនុស្ស ២៦ នាក់ បានស្លាប់បាត់បង់ជីវិត ។ គួររំឮក ថា តួរលេខអ្នកដែលរស់រានមានជីវិត មានសរុប ដល់ទៅ ២៣២ នាក់ ភាគច្រើនជាបុរស នេះបើយោង តាមសម្តីរដ្ឋមន្រ្តីខេត្ត ទទួលបន្ទុក គ្រប់គ្រងគ្រោះមហន្តរាយ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>