<div class="article-content">
<div class="article-content">
<p>បាត់ដំបងៈ កម្លាំងនគរបាល ខេត្តបានបញ្ជូន ជនសង្ស័យម្នាក់ ទៅតុលាការខេត្តនៅព្រឹកថ្ងៃទី៨<br /> ខែឧសភាឆ្នាំ២០១៣ ពីបទ រំលោភនារី មិនគ្រប់សតិ បានសម្រេច៤ដង ដែលបានប្រព្រឹត្ត កាល<br />ពីកណ្តាល អាធ្រាត្រដល់ម៉ោង ៥ទៀបភ្លឺ ថ្ងៃទី៦ ខែឧសភា ឆ្នាំ២០១៣ នៅចំណុចក្នុង បរិវេណ<br />សាលាឆាន់ ក្នុងវត្តរាំងកេសី ស្ថិតក្នុងភូមិរាំងកេសី ឃុំរាំងកេសី ស្រុកសង្កែ ខេត្តបាត់ដំបង។</p>
</div>
<p>មន្រ្តីនគរបាល ការិយាល័យព្រហ្មទណ្ឌ កម្រិតធ្ងន់ ខេត្តបានឲ្យដឹងថា តាមរបាយការណ៍ របស់<br />អធិការនគរបាលស្រុកសង្កែបានឲ្យដឹងថា ជនសង្ស័យ ដែលត្រូវសមត្ថកិច្ច ឃាត់ខ្លួនមានឈ្មោះ <br />សួន តក់ ភេទប្រុសអាយុ២៤ឆ្នាំជាកម្មករតម្លើងរថភ្លើងក្មេងជិះលេងកម្សាន្ត ពេលមានបុណ្យទាន<br />ម្តងៗ និងមានទីលំនៅភូមិអូញ ឃុំបឹងព្រីង ស្រុកថ្មគោល។ ចំណែកនារី រងគ្រោះមាន អាយុ២៣<br />ឆ្នាំ មានសតិមិនគ្រប់ (សតិវិបល្លាស) មានទីលំនៅក្រុមទី២ ភូមិដំណាក់ដង្កោ ឃុំរាំងកេសីស្រុក<br />សង្កែ ។</p>
<p>តាមពាក្យបណ្តឹង របស់ឪពុកនារីរងគ្រោះឈ្មោះ ហេង ចំរើន អាយុ៤៩ឆ្នាំ បានរៀបរាប់ប្រាប់<br />សមត្ថកិច្ចថានៅយប់ថ្ងៃទី៥ ខែឧសភា កូនស្រីរបស់គាត់ បានទៅលេងបុណ្យ បញ្ចុះខណ្ឌសីមា<br />ក្នុងវត្តរាំងកេសី លុះដល់ពេលយប់នាងបានចូលជ្រកភ្លៀងក្នុងសាលាឆាន់ រហូតដល់ពាក់<br />កណ្តាលអាធ្រាត្រមនុស្សចេញអស់នៅសល់តែនាងម្នាក់ឯង ពេលនោះជនសង្ស័យ បានដើរ<br />ចូលមកក្នុងសាលា ឆាន់ក៏ប្រទះឃើញ នាងស្ងាត់ម្នាក់ឯង ក៏មានឱកាស ក៏បានលួងលោមនាង<br />ផង និងគម្រាមផងចាប់រំលោភនាង ក្នុងយប់នោះរហូតបានសម្រេច៤ដង។ លុះដល់ជិតភ្លឺ ឈាន<br />ចូលថ្ងៃទី៦ ខែឧសភា ទើបនាងត្រឡប់ទៅផ្ទះវិញ រួចឪពុកបានសួរនាំ នាងបានឆ្លើយប្រាប់ឪពុក<br />ថាមានគេចាប់រំលោភនាងទើបមិនបានមកផ្ទះ។ដល់ពេលព្រឹកឡើង ទើបឪពុកបានទៅដាក់ពាក្យ<br /> បណ្តឹងនៅប៉ុស្តិ៍នគរបាល ឃុំរាំងកេសីឲ្យជួយអន្តរាគមន៍។ ក្រោយពីបាន ទទួលពាក្យ បណ្តឹង <br />ហើយសមត្ថកិច្ច បានចុះឃាត់ខ្លួនជន សង្ស័យនាំយក មកអធិការស្រុកសួរនាំរួចកសាង សំណុំ<br />រឿងបញ្ជូនខ្លួន ទៅស្នងការ ខេត្តនៅរសៀលថ្ងៃទី៧ ខែឧសភា តែម្តង។ ជនសង្ស័យបានឆ្លើយ<br />សារភាពថា ខ្លួនពិតជាបានចាប់រំលោភនាង រងគ្រោះរហូត បាន សម្រេចចំនួន៤ដង ពិតប្រាកដ<br />មែន។</p>
<p>ក្រោយពីកម្លាំង អធិការស្រុកសង្កែ បានបញ្ជូនជនសង្ស័យ មកស្នងការខេត្តហើយ កម្លាំងជំនាញ<br />ស្នងការខេត្តបានបញ្ជូនបន្តទៅតុលាការខេត្ត នៅព្រឹកថ្ងៃទី៨ ខែមេសានេះ ដើម្បីចាត់ការបន្តតាម<br />ច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0087.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>