<div class="article-content">
<p><strong>ភ្នំពេញៈ</strong> យុវជនម្នាក់ចេញពីធ្វើការ រោងចក្រយប់ ជិះម៉ូតូមួយគ្រឿង ស្រាប់តែរថយន្តធុនធំ <br />បានបើកបុកពីក្រោយ បណ្តាលឲ្យខ្ទាតមនុស្ស ចូលទៅក្រោមរថយន្ត កិនស្លាប់នៅនឹងកន្លែង <br />រីឯម៉ូតូខ្ទាតចេញ ពុំរងការខូចខាតនោះទេ អ្នកបើកបររថយន្ត រត់គេចខ្លួនបាត់បន្សល់ទុក រថ<br />យន្តចោលនៅនឹងកន្លែងកើតហេតុ ។ ហេតុការណ៍ នេះកើតឡើងកាលពីវេលាម៉ោង២១ និង<br />៣០នាទីយប់ ថ្ងៃទី៣ ខែឧសភា ឆ្នាំ២០១៣ ស្ថិតនៅតាមបណ្តោយ ផ្លូវអូឌឹម ទំនប់កប់ស្រូវ <br />ភូមិចែងមែង សង្កាត់សំរោងក្រោម ខណ្ឌពោធិ៍សែនជ័យ ។</p>
<p>នគរបាលមូលដ្ឋានបានឲ្យដឹងថា ជនរងគ្រោះមានឈ្មោះ ម៉ាច សីហា ភេទប្រុស អាយុ២០ឆ្នាំ<br /> មានមុខរបរជាកម្មក រោងចក្រកាត់ដេរ រស់នៅភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍<br />សែនជ័យ (ស្លាប់ភ្លាមៗនៅនឹងកន្លែងកើតេហេតុ ដោយស្នាមកង់រថយន្ត កិនចំពាក់កណ្តាលខ្លួន)<br /> ជិះម៉ូតូមួយគ្រឿង ម៉ាកគ្លីកពណ៌ស ពាក់ស្លាកលេខភ្នំពេញ 1BT-1163 ចំណែកឯរថយន្តបង្កម៉ាក<br />ហ៊ីយ៉ានដាយយីឌុប ពណ៌ស្លែលាយទឹកមាស ទ្រុងពណ៌ត្រាវ ពាក់ស្លាកលេខភ្នំពេញ 3B-8191 <br />អ្នកបើកបរពុំ ត្រូវបានគេស្គាល់ ឈ្មោះនោះទេ។ បន្ទាប់ពីកើតហេតុបានរត់គេចខ្លួនបាត់ ដែលគេ<br />ស្គាល់ថា ជារថយន្តដឹកសត្វគោ មកពីលក់នៅប្រទេសវៀតណាម។</p>
<p>នគរបាលបានបន្តទៀតថា មុនពេលកើតហេតុ ជនរងគ្រោះ ជិះម៉ូតូម្នាក់ឯង ចេញពីធ្វើការរោង<br />ចក្រ កាត់ដេរក្នុងទិសពីត្បូងទៅជើង លុះមកដល់ចំណុចកើតហេតុ ក៏មានរថយន្តធុនធំបើកមក<br />ពីក្រោយស្របទិសគ្នា គេចគ្រឡុកក៏ជ្រុលទៅបុកម៉ូតូពីក្រោយបណ្តាលឲ្យប៉ើងម៉ូតូខ្ទាតចេញ<br />ទៅចិញ្ចើមផ្លូវ។ ចំណែកឯមនុស្ស វិញខ្ទាតចូលទៅក្រោយ រថយន្តកិនស្លាប់តែម្តងទៅ។ ហើយ<br />រថយន្តពុំបានឈប់នោះទេ ព្យាយាមបើកគេច ប៉ុន្តែបើកបានប្រហែលជិត១គីឡូម៉ែត្រក៏ទុករថយន្ត<br />ចោល ហើយអ្នកបើករត់គេចខ្លួនទៅបាត់។ ភ្លាមៗនោះ នគរបាលមូលដ្ឋានបានចុះទៅដល់កន្លែង<br />កើតហេតុដើម្បីជួយអន្តរាគមន៍ និងធ្វើកំណត់ហេតុ រួចប្រគល់ សាកសព ទៅឲ្យក្រុមគ្រួសារយក<br />ទៅធ្វើបុណ្យ តាមប្រពៃណី ចំណែកឯវត្ថុតាងទាំងពីរ ត្រូវបានប្រគល់ទៅឲ្យនគរបាលចរាចរ និង<br />សណ្តាប់ធ្នាប់រាជធានីយកទៅរក្សា ទុកដើម្បីរង់ចាំភាគីទាំងសង់ខាងចូលខ្លួន ទៅដោះស្រាយទៅ<br />តាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0044.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0045.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0046.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0047.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>