<p>ទីភ្នាក់ងារសារព័ត៌មាន Interfax របស់រុស្ស៊ី ទើបតែបានបង្ហើបឱ្យដឹងថា ប្រទេសនេះកំពុងអភីវឌ្ឍ<br />គ្រាប់កាំភ្លើងឆ្លាតវៃមួយប្រភេទ មានរចនាបទដ៏អស្ចារ្យ និងអាចកែប្រែផ្លូវហោះហើររបស់វា។<br /> ចំណែកអាមេរិក ក៏កំពុងតែសម្ងំអភិវឌ្ឍក្បាលគ្រាប់ដូចគ្នានេះ។</p>
<p style="text-align: center;"><a class="thickbox" title="" href="/FileManager/Commons/2014/10/23/r-23-10-2014--16-13-55.jpg"><img src="/FileManager/Articles/mce/2014/10/23/r-23-10-2014--16-13-55.jpg" alt="" /></a></p>
<p>ទំព័រ Interfax ចេញផ្សាយថា FPI ដែលជាអង្គភាពស្រាវជ្រាវជាន់ខ្ពស់របស់រុស្ស៊ី គឺជាអ្នកទទួល<br />ខុសត្រូវលើគម្រោងនេះ។ Vitaly Davydov អនុប្រធាននៃក្រុមប្រឹក្សាវិទ្យាសាស្ដ្រ និងបច្ចេកទេស<br />របស់ FPI ថ្លែងថា ៖ “នៅពេលបាញ់ចេញ គ្រាប់កាំភ្លើងនេះនឹងអាចកែប្រែផ្លូវហោះហើរ និង<br />សំដៅចំគោលដៅ។ នៅក្នុងរយៈចម្ងាយឆ្ងាយ ក៏ដូចជានៅក្នុងអាកាសមិនល្អ គ្រាប់កាំភ្លើងប្រភេទ<br />នេះ នឹងគ្រប់គ្រងទិសដៅរបស់វាដោយស្វ័យប្រវត្ត។ បច្ចុប្បន្ន យើងខ្ញុំកំពុងតែធ្វើការអភិវឌ្ឍនូវ<br />គ្រាប់កាំភ្លើងឆ្លាតវៃនេះ”។</p>
<p style="text-align: center;"><a class="thickbox" title="" href="/FileManager/Commons/2014/10/23/r2-23-10-2014--16-15-20.png"><img src="/FileManager/Articles/mce/2014/10/23/r2-23-10-2014--16-15-20.png" alt="" /></a></p>
<p>លោក Davydov ក៏បានឱ្យដឹងថា គ្រាប់កាំភ្លើងប្រភេទនេះ នឹងត្រូវបានរចនាឡើងដោយបច្ចេក<br />ទេស និងបច្ចេកវិទ្យាដ៏អស្ចារ្យបំផុត រួមទាំងទម្ងន់ និងទំហំរបស់វា។ ប្រការនេះនឹងធ្វើឱ្យមានការ<br />យល់ឃើញថ្មី អំពីអ្វីដែលគេហៅថា “គ្រាប់កាំភ្លើង”។</p>
<p>ទាក់ទិននឹងតម្លៃរបស់វា លោក Davydov បង្ហើបប្រាប់ថា វាជាការពិត គ្រាប់កាំភ្លើងឆ្លាតវៃនេះ <br />នឹងនឹងមានតម្លៃថ្លៃ នៅពេលត្រូវបានលក់ទៅឱ្យអតិថិជន។</p>
<p style="text-align: center;"><a class="thickbox" title="" href="/FileManager/Commons/2014/10/23/r0-23-10-2014--16-18-57.jpg"><img src="/FileManager/Articles/mce/2014/10/23/r0-23-10-2014--16-18-57.jpg" alt="" /></a></p>
<p>ទំព័រ Intellihub ឱ្យដឹងថា ភាគីខាងអង្គភាពស្រាវជ្រាវផ្នែកការពារជាតិ (DARPA) របស់អាមេរិក <br />បានឱ្យដឹងថា អាមេរិក ក៏កំពុងតែសម្ងំអភិវឌ្ឍបច្ចេកវិទ្យាឆ្លាតវៃនាំផ្លូវគ្រាប់កាំភ្លើងមួយប្រភេទ<br /> សម្រាប់កាំភ្លើងវែង rifle។ តាមការឱ្យដឹង នៅពេលបាញ់ចេញ គ្រាប់កាំភ្លើងឆ្លាតវៃរបស់អាមេរិក <br />ក៏នឹងប្ដូរផ្លាស់ផ្លូវហោះហើរ ប៉ុន្ដែ វានៅតែអាចឱ្យម្ចាស់កាំភ្លើងតាមដានក្បាលគ្រាប់ ហើយនៅតែ<br />កំទេចគោលដៅដែលបានកំណត់៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ popularairsoft/wonderfulengineering</p>