CamNews

(ភ្នំពេញ)៖ ពានរង្វាន់បាល់ទាត់ក្របខណ្ឌលីគកំពូលកម្ពុជា ឆ្នាំ២០១៦ បានឈានដល់ការប្រកួតចុងក្រោយ នៅល្ងាចថ្ងៃទី១០ ខែកញ្ញានេះហើយ ប៉ុន្ដែគូប្រកួតគួរឲ្យចាប់អារម្មណ៍ជាងគេ គឺជំនួបរវាងក្រុមបឹងកេតអង្គរ និងក្រុមអគ្គស្នងការដ្ឋាននគរបាលជាតិ (ប៉ូលិស) ដែលជាជំនួបកំណត់ជោគវាសនារបស់ក្រុមបឹងកេត អាចគ្រងតំណែងជើងឯករដូវកាលថ្មីនេះ ឬបានទៅក្រុមក្រសួងការពារជាតិ ដែលកំពុងឈរកំពូលតារាង។ ជាបណ្ដោះអាសន្នពេលនេះ ក្រុមបឹងកេតអង្គរ បានធ្លាក់មកឈរចំណាត់ថ្នាក់លេខ២ និងមាន ៤៤ពិន្ទុ បន្ទាប់ពីក្រុមក្រសួងការពារជាតិ ប្រកួតចុងក្រោយយកឈ្នះក្រុមអាស៊ីអឺរ៉ុប ដោយលទ្ធផល ៤-១ ពីម្សិលមិញ។ ជ័យជម្នះរបស់ក្រសួងការពារជាតិ បានធ្វើឲ្យក្រុមនេះឡើងឈរកំពូលតារាង និងមាន ៤៦ពិន្ទុ តែគ្មានឱកាសរកពិន្ទុបន្ថែមទៀតឡើយ គ្រាដែលបឹងកេត នៅសល់១ប្រកួតក្នុងដៃ ពោលគឺត្រូវជួបក្រុមប៉ូលិសវេលាម៉ោង ៦ល្ងាចនេះ នៅលើទីលានពហុកីឡដ្ឋានជាតិ។ សម្រាប់ការប្រកួតបង្ហើយកិច្ចរបស់ក្រុមបឹងកេតអង្គរល្ងាចនេះ គឺដាច់ខាតត្រូវការឈ្នះប៉ូលិស ទើបអាចគ្រងតំណែងជើងឯកបាន ប៉ុន្ដែបើស្មើ ឬចាញ់ តំណែងជើងឯកលីគកំពូលកម្ពុជានេះ នឹងបានទៅក្រុមក្រសួងការពារជាតិភ្លាម។ ចំណុចនេះហើយ ដែលគួរឲ្យចាប់អារម្មណ៍ និងធ្វើឲ្យអ្នកគាំទ្រចង់ដឹងថា តើបឹងកេតអង្គរ ឬក្រសួងការពារជាតិ នឹងក្លាយជាម្ចាស់ពានលីគកំពូលកម្ពុជា ឆ្នាំ២០១៦នេះ? <img src="https://fbcdn-sphotos-e-a.akamaihd.net/hphotos-ak-xap1/v/t1.0-9/14233002_1775402229365961_4554556631876898824_n.jpg?oh=450de9ce107e7ec08795a0275147447d&oe=587C4BDC&__gda__=1480040421_d076acd3401334fb7a4fa32d2a4f0963" alt="" width="730" /> <img src="https://scontent-kul1-1.xx.fbcdn.net/v/t1.0-9/14212215_1775402226032628_7814123984809436735_n.jpg?oh=6f5062273e2a3b85f69c78879e43044a&oe=587411BF" alt="" width="730" /> <img src="https://scontent-kul1-1.xx.fbcdn.net/v/t1.0-9/14322337_1775402222699295_4727204720869124985_n.jpg?oh=e156752f59a46f4e97b0c533b2278de6&oe=5885B11D" alt="" width="730" /> ផ្តល់សិទ្ធដោយ ៖ ខ្មែរថកឃីង

បឹងកេត ឬទ័ព ក្លាយជាជើងឯកលីគកំពូលកម្ពុជា នឹងដឹងល្ងាចនេះ!