<p class="Tinhte_XenTag_TagLink" title=""><span style="color: #000000;">Samsung បានរំពឹងទុកថា នឹងធ្វើការសើរើតំណែងបុគ្គលិកជាន់ខ្ពស់របស់ខ្លួន ចំនួន ២០% នៅចុងឆ្នាំនេះ។ មនុស្សដែលប្រឈមមុខខ្លាំងជាងគេគឺលោក នាយកគ្រប់គ្រងផ្នែកឧបករណ៍ចល័ត Koh Dong-jin រួមជាមួយនឹងបណ្តាជំនួយការរបស់លោក ដែលអ្នកទាំងអស់គ្នា គឺជាអ្នកទទួលខុសត្រូវទៅលើភាពមហន្តរាយរបស់ Note 7 កាលពីពេលកន្លងទៅនេះ។ </span></p>
<p class="Tinhte_XenTag_TagLink" title=""><span style="color: #000000;">តាមប្រភពពី MBC, ក្រុមហ៊ុន Samsung បានចាប់ផ្តើុំមអនុវត្តការវាយតម្លៃសមត្ថភាព នៃបណ្តាបុគ្គលិក ជាន់ខ្ពស់របស់ខ្លួន ហើយរំពឹងទុកថា នឹងធ្វើការកាត់បន្ថយចំនួន ២០%។ បច្ចុប្បន្ន បុគ្គលិកជាន់ខ្ពស់នៅ Samsung មានចំនួន ១,០០០ នាក់ ដូច្នេះនឹងមានចំនួនប្រហែល ២០០ នាក់ នឹងត្រូវបានដក ចេញពី តំណែងបច្ចុប្បន្នរបស់ខ្លួន។ </span></p>
<p class="Tinhte_XenTag_TagLink" title=""><span style="color: #000000;">ជារៀងរាល់ឆ្នាំ នៅខែធ្នូ Samsung តែងតែធ្វើការវាយតម្លៃ និងផ្លាស់ប្តូរតំណែង បុគ្គលិកជាន់ខ្ពស់របស់ខ្លួន។ ជាក់ស្តែងនៅឆ្នាំនេះ បន្ទាប់ពីមហន្តរាយនៃការផ្ទុះឆេះរបស់ Note 7 ស្តង់ដារនៃការវាយតម្លៃ នឹង កាន់តែមានភាពហ្មត់ចត់ជាងមុនច្រើន។ កាលពីឆ្នាំមុន Samsung ក៏បានសើរើផ្លាស់ប្តូរបុគ្គលិកជាន់ខ្ពស់ចំនួន ១២៩ នាក់ដែរ។ </span></p>
<p class="Tinhte_XenTag_TagLink" style="text-align: center;" title=""><a class="thickbox" title="" href="/FileManager/Commons/2016/10/24/3896060201610210007030-24-10-2016--11-58-52.jpg"><img src="/FileManager/Articles/mce/2016/10/24/3896060201610210007030-24-10-2016--11-58-52.jpg" alt="" /></a></p>
<p class="Tinhte_XenTag_TagLink" style="text-align: center;" title=""><em><span style="color: #808080;">លោក Koh Dong-jin ប្រធានគ្រប់គ្រងផ្នែក ឧបករណ៍ចល័ត របស់ Samsung</span></em></p>
<p><span style="color: #000000;">បុគ្គលិកជាន់ខ្ពស់ ដែលប្រឈមមុខនឹងការសើរើតំណែងជាងគេនោះគឺ ប្រធានគ្រប់គ្រងផ្នែក ឧបករណ៍ចល័ត លោក Koh Dong-jin រួមជាមួយនឹងបណ្តាអ្នកជំនួយការរបស់លោកគឺ Rhee In-jong (ផ្នែក Software) និង Roh Tae-moon (ផ្នែក Hardware)។ មុននេះ Rhee In-jong និង Roh Tae-moon ធ្លាប់ត្រូវបានគេចាត់ទុកថា ជាបេក្ខភាពលេចធ្លោជាងគេ ក្នុងការកាន់តំណែងជា ប្រធានគ្រប់គ្រងផ្នែក ឧបករណ៍ចល័ត ក្នុងថ្ងៃអនាគត។ ជាក់ស្តែងបន្ទាប់ពីមានបញ្ហាយ៉ាងធ្ងន់ធ្ងរលើ Note 7 អនាគតរបស់ ពួកគេ ប្រែក្លាយជាមានភាពស្រពិចស្រពិលវិញ។ </span></p>
<p><span style="color: #000000;">គួរបញ្ជាក់ផងដែរ មុនក្លាយជាប្រធានផ្នែកឧបករណ៍ចល័ត លោក Koh Dong-jin គឺជាប្រធានផ្នែកស្រាវជ្រាវ និងអភិវឌ្ឍឧបករណ៍ចល័ត (mobile R&D) និងបានដឹកនាំបណ្តាគម្រោងអភិវឌ្ឍស្តីពី ប៊ិក S-Pen និង feature ស្គែនប្រស្រីភ្នែកយ៉ាងពិសេសនៅលើ Note 7។ បើតាមការកំណត់បញ្ជាក់របស់ បុគ្គលិក Samsung មួយចំនួន បានឲ្យដឹងថា ការសើរើតំណែងលោក Koh Dong-jin ក្រោយពីការកាន់តំណែងបានរយះពេលតែមួយឆ្នាំ អាចជះឥទ្ធិពលអាក្រក់ ដល់សតិអារម្មណ៍របស់ បណ្តាបុគ្គលិក ជាន់ខ្ពស់ដទៃផ្សេងទៀត ក៏ដូចជា ដាក់សម្ពាធយ៉ាងខ្លាំងទៅលើ អ្នកដែលនឹងមកកាន់តំណែងជំនួស លោក Koh Dong-jin៕</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/24321/samsung-galaxy-s-tabpro-gold-edition-upgrade-to-8-gb-ram-and-256-gb-ssd"><span style="color: #0000ff;"><em>- Samsung បញ្ចេញ Tablet កាត់ Laptop Galaxy TabPro S Gold Edition ដំឡើង RAM ឡើង 8 GB និង SSD 256 GB</em></span></a></span><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ koreaherald, tinhte</em></p>