<p><span style="color: #000000;"><strong>(ត្បូងឃ្មុំ)៖</strong> កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តត្បូងឃ្មុំ នៅរសៀលថ្ងៃទី២០ ខែធ្នូ ឆ្នាំ២០១៦នេះ បានចាប់ខ្លួនអតីតមន្រ្តីនគរបាលព្រហ្មទណ្ឌកម្រិតស្រាលខេត្តម្នាក់ ពីបទចែកចាយ និងជក់គ្រឿងញៀន។</span></p>
<p><span style="color: #000000;">លោកវរសេនីយ៍ទោ ជា ជឿន នាយការិយាល័យប្រឆាំងគ្រឿងញៀន បានបញ្ជាក់ថា ប្រតិបត្តិការចាប់ខ្លួនជនសង្ស័យរូបនេះ បានធ្វើឡើងក្រោមបញ្ជាផ្ទាល់ពី លោកឧត្តមសេនីយ៍ទោ បែន រ័ត្ន ស្នងការនគរបាលខេត្ត និងធ្វើឡើងតាមដីកាបង្គាប់ឲ្យចាប់ខ្លួន តាមអំណាចដីកាបង្គាប់ឲ្យចាប់ខ្លួនរបស់តុលាការចុះថ្ងៃទី២០ ខែតុលា ឆ្នាំ២០១៥។</span></p>
<p><span style="color: #000000;">ការចាប់ខ្លួនជននេះ បានធ្វើងឡើង ខណៈកំពុងដឹកមាន់ជល់១ក្បាល ចេញពីកាស៊ីណូមួយកន្លែង នៅភូមិក្រែកត្បូង ឃុំក្រែក ស្រុកពញាក្រែក ខេត្តត្បូងឃ្មុំ។</span></p>
<p><span style="color: #000000;">លោក ជា ជឿន បានបន្តទៀតថា <strong>«ជនសង្ស័យឈ្មោះ ព្រំ ទឹត្យា ហៅលុច ជាមន្រ្តីនគរបាលព្រហ្មទណ្ឌកម្រិតស្រាល ខេត្តត្បូងឃ្មុំ ហើយត្រូវបាន បណ្តេញចេញពីជួរ បន្ទាប់ពីបានទទួលការអប់រំ និងព្រមានជាច្រើនលើក តែគេមិនរាងចាល។ គេជាមុខសញ្ញាជួញដូរ និងចែកចាយគ្រឿងញៀន ធ្វើសកម្មភាពក្នុងទឹកដីខេត្តត្បូងឃ្មុំ ដោយមិនញញើតកម្លាំងសមត្ថកិច្ចឡើយ»</strong>។</span><br /><span style="color: #000000;">ជាមួយគ្នានេះ លោកឧត្តមសេនីយ៍ទោ បែន រ័ត្ន បានប្រកាសឲ្យមន្រ្តីនគរបាលខេត្តត្បូងឃ្មុំណា ដែលមានពាក់ព័ន្ធគ្រឿងញៀន ត្រូវបញ្ឈប់ជាបន្ទាន់ ហើយបើនៅតែបន្ត លោកបានចាត់វិធានការច្បាប់ ដោយមិនលើកលែងឡើយ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-20-17-44-48-0.jpg" alt="" width="730" /></span></p>
<p><br /><span style="color: #000000;"><a class="thickbox" title="" href="/FileManager/Commons/2016/12/21/1-21-12-2016--08-56-37.png"><span style="color: #000000;"><img src="/FileManager/Articles/mce/2016/12/21/1-21-12-2016--08-56-37.png" alt="" /></span></a></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាសុី </span></p>