<p>ខណៈដែលក្រុមហ៊ុន Samsung កំពុងតែត្រៀមឧទ្ទេសនាម Galaxy Note 7 នៅក្នុងរយៈពេល<br />ប៉ុន្មានសប្ដាហ៍ខាងមុខ ក៏នៅតែមានព័ត៌មានចចាមអារ៉ាមស្ដីអំពី Galaxy S8 ដែលជាស្មាតហ្វូន<br />លំដាប់កំពូល សម្រាប់ដើមឆ្នាំ ២០១៧ របស់ Samsung ។</p>
<p style="text-align: center;"><a class="thickbox" title="" href="/FileManager/Commons/2016/6/20/phone-9031-1466392415-20-06-2016--11-07-26.jpg"><img src="/FileManager/Articles/mce/2016/6/20/phone-9031-1466392415-20-06-2016--11-07-26.jpg" alt="" /></a></p>
<p>ព័ត៌មានចចាមអារ៉ាមថ្មីបំផុត ឱ្យដឹងថា ក្រុមហ៊ុន Apple នឹងមិនបំពាក់កាមេរ៉ាគូ ទៅលើ iPhone<br /> 7 Plus ដែលជាស្មាតហ្វូនកំពូលថ្មីរបស់ខ្លួននោះទេ។ ជំនួសមកវិញ ទំព័រ PhoneArena បាន<br />ចុះផ្សាយថា ស្មាតហ្វូនដែលនឹងប្រើប្រាស់កាមេរ៉ាគូ នោះគឺ Samsung Galaxy S8 ដែលតាម<br />គម្រោងនឹងត្រូវបានបង្ហាញខ្លួននៅខែកុម្ភៈ ឆ្នាំ ២០១៧។</p>
<p>ក្រុមហ៊ុនកូរ៉េខាងត្បូង Samsung នឹងបំពាក់អេក្រង់ UHD 2.160 x 3.840 pixel ទៅឱ្យស្មាតហ្វូន<br /> Samsung Galaxy S8 របស់ខ្លួន។ អេក្រង់ដែលមានរីសូលូសឹនខ្ពស់បែបនេះ នឹងស៊ីថាមពលថ្ម<br />ខ្លាំង ប៉ុន្តែ នេះគឺជាពេលវេលាដែលសមស្របសម្រាប់ Samsung ក្នុងការប្រើប្រាស់បច្ចេកវិទ្យា<br /> 4K ខណៈដែលពួកគេកំពុងតែផ្ដោតខ្លាំងទៅបច្ចេកវិទ្យា VR (virtual reality technology) រួមនឹង<br /> Facebook។</p>
<p>ក្រៅពីនេះ Galaxy S8 ក៏នឹងបំពាក់ឈីប Snapdragon 830 ជាមួយនឹងបច្ចេកវិទ្យាថ្មី ជួយឱ្យមាន<br />កម្លាំងខ្លាំងជាងមុន ប៉ុន្តែ ការស៊ីថាមពលថ្ម មានកម្រិតទាប។ ស្មាតហ្វូននេះ ប្រហែលជានៅតែ ត្រូវបានបំពាក់បច្ចេកវិទ្យាទប់ទល់នឹងជម្រាបទឹក ក្នុងកម្រិត IP68។</p>
<p style="text-align: right;">ប្រែសម្រួល ៖ បុត្រា</p>