<p><span style="color: #000000;">ក្រុមហ៊ុនចិន Huawei បានដាក់គោលដៅក្លាយជាក្រុមហ៊ុនផលិតស្មាតហ្វូនធំទីពីរក្នុងពិភពលោក </span><br /><span style="color: #000000;">ដោយនៅពីក្រោយតែ Samsung ក្នុងឆ្នាំ ២០១៨។</span></p>
<p><span style="color: #000000;"><a class="thickbox" title="" href="/FileManager/Commons/2016/11/5/huawei-05-11-2016--09-19-12.jpg"><span style="color: #000000;"><img style="display: block; margin-left: auto; margin-right: auto;" src="/FileManager/Articles/mce/2016/11/5/huawei-05-11-2016--09-19-12.jpg" alt="" /></span></a></span></p>
<p style="text-align: center;"><span style="color: #000000;">Richard Yu អះអាងថា នឹងដណ្ដើមតំណែងពី Apple ក្នុងរយៈពេល២ឆ្នាំទៀត</span><br /><span style="color: #000000;"><a class="thickbox" title="" href="/FileManager/Commons/2016/11/5/huawei-05-11-2016--09-19-12.jpg"></a></span></p>
<p><span style="color: #000000;">Richard Yu អគ្គនាយកប្រតិបត្តិផ្នែកអ្នកប្រើប្រាស់របស់ក្រុមហ៊ុន Huawei បានថ្លែងនៅលើទំព័រ</span><br /><span style="color: #000000;"> Reuters ថា ជាជំហានៗ ពួកគេនឹងកាន់កាប់តំណែងរបស់ Apple ក្នុងវិស័យស្មាតហ្វូន។</span></p>
<p><span style="color: #000000;">លោក Richard Yu បានអះអាងថា “មានឱកាសជាច្រើនដែលអាចនាំឱ្យយើងខ្ញុំឈានឡើង នោះគឺ</span><br /><span style="color: #000000;">បច្ចេកវិទ្យាខួរក្បាលសិប្បនិម្មិត និងបច្ចេកវិទ្យា Virtual Reality។ ដូចទៅនឹងការប្រណាំងឡាន នៅ</span><br /><span style="color: #000000;">ត្រង់កន្លែងកោង ឬផ្លូវបំបែក នឹងមានឱកាសដើម្បីឱ្យអ្នកវ៉ាទៅមុខគូប្រជែង”។ </span></p>
<p><span style="color: #000000;">នៅប៉ុន្មានឆ្នាំកន្លងមកនេះ ក្រុមហ៊ុន Huawei កំពុងតែបង្ហាញនូវ “សមត្ថភាព” របស់ខ្លួនក្នុងវិស័យ</span><br /><span style="color: #000000;">ស្មាតហ្វូន។ លោក Richard Yu បន្តថា “កាលពី៤ឆ្នាំមុន នៅពេលដែលយើងខ្ញុំនិយាយថា នឹងលក់</span><br /><span style="color: #000000;">ទូរស័ព្ទ អ្នករាល់គ្នាយល់ថា យើងខ្ញុំពិតជាឆ្កួត។ ហើយនៅពេលយើងខ្ញុំប្រកាសថានឹងលក់ទូរស័ព្ទ </span><br /><span style="color: #000000;">១០០លានគ្រឿង ពួកគេនៅតែនិយាយថា យើងខ្ញុំពិតជាឆ្កួត។ ចំណែកបច្ចុប្បន្ន Huawei បានក្លាយ</span><br /><span style="color: #000000;">ជាក្រុមហ៊ុនស្មាតហ្វូនធំជាងគេលំដាប់ទីបីនៅក្នុងពិភពលោក។”</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/5/huaweijpgd-05-11-2016--09-23-06.png"><span style="color: #000000;"><img src="/FileManager/Articles/mce/2016/11/5/huaweijpgd-05-11-2016--09-23-06.png" alt="" /></span></a></span></p>
<p style="text-align: center;"><span style="color: #000000;">ថ្មីៗនេះ Huawei បានបញ្ចេញស្មាតហ្វូន Huawei Mate 9 កំណែ Porsche Design ដែលមានតម្លៃ<br />ថ្លៃជាង iPhone 7 ដល់ទៅពីរដង</span><br /><span style="color: #000000;"><a class="thickbox" title="" href="/FileManager/Commons/2016/11/5/huaweijpgd-05-11-2016--09-23-06.png"></a></span></p>
<p><span style="color: #000000;">នៅក្នុងត្រីមាសទី៣ ឆ្នាំ ២០១៦ Huawei លក់ទូរស័ព្ទបានចំនួន ៣៣,៦លានគ្រឿង ដែលកាន់កាប់</span><br /><span style="color: #000000;"> ៩% នៃចំនួនស្មាតហ្វូនក្នុងទីផ្សារ នេះបើតាមស្ថិតិរបស់ Strategy Analytics ។ ចំណែកក្រុមហ៊ុន </span><br /><span style="color: #000000;">Apple បានលក់ចេញស្មាតហ្វូនចំនួន ៤៥,៥លានគ្រឿង កាន់កាប់ ១២% នៃចំនួនស្មាតហ្វូនក្នុងទីផ្សារ</span><br /><span style="color: #000000;"> ខណៈដែល Samsung កំពុងនាំមុខគេ ដោយបានលក់ចេញ ៧៥,៣លានគ្រឿង កាន់កាប់ ២០,១%</span><br /><span style="color: #000000;"> នៃចំនួនស្មាតហ្វូនក្នុងទីផ្សារពិភពលោក។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Reuters</span></p>