<p>Mark Zuckerberg អតីតនិស្សិតនៃសកលវិទ្យាល័យ Havard បានបង្កើតយុគសម័យមួយរបស់<br />ខ្លួន និងក្លាយជាមហាសេដ្ឋី ដែលមានអាយុក្មេងបំផុតក្នុងពិភពលោក នាបច្ចុប្បន្ន។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg6-17-08-2014--15-48-18.jpg"><img src="/FileManager/Articles/mce/2014/8/17/zuckerberg6-17-08-2014--15-48-18.jpg" alt="" width="427" height="331" /></a></p>
<p>កាលពីប៉ុន្មានសប្ដាហ៍មុន Facebook បានប្រកាសនូវរបាយការណ៍ហិរញ្ញវត្ថុនៃត្រីមាសទីពីរ<br />របស់ខ្លួន ក្នុងនោះ តម្លៃមូលបត្រ បានហក់ឡើងដល់ចំនុចកំពូលម្ដងទៀត។ ប្រការនេះ ជួយឱ្យ<br /> CEO របស់ Facebook លោក Mark Zuckerberg បោះទៅមុខបានមួយជំហានទៀត ពលគឺ បាន<br />ក្លាយជាអ្នកមានបំផុតមួយរូប ក្នុងពិភពលោក។ បច្ចុប្បន្ន ដោយមានទ្រព្យសរុប ៣៣,១ពាន់លាន<br />ដុល្លារអាមេរិក Mark Zuckerberg ឈរលំដាប់លេខរៀងទី ១៦ ក្នុងបញ្ជីចំណាត់ថ្នាក់របស់ទស្ស<br />នាវដ្ដី Forbes ស្ដីពី មហាសេដ្ឋីដែលមានទ្រព្យច្រើនបំផុតក្នុងលោក។</p>
<p>Mark Zuckerberg កើតក្នុងថ្ងៃទី ១៤ ឧសភា ឆ្នាំ ១៩៨៤ នៅក្នុងក្រុង White Plains នៃរដ្ឋ New<br /> York សហរដ្ឋអាមេរិក។ Mark Zuckerberg ធំឡើងជាមួយនឹងបងប្អូនស្រី ២នាក់ទៀត នៅទីរួម<br />ស្រុក Dobbs Ferry ជាងក្រុង White Plains ។ ក្នុងវ័យ ១២ឆ្នាំ Mark Zuckerberg ធ្លាប់បានប្រើ<br />ប្រាស់ប្រព័ន្ធ ឌេក័រឌើរ (Atari BASIC decoder) ដើម្បីបង្កើតកម្មវិធីផ្ញើសារសម្រាប់ពុកខ្លួន ប្រើ ប្រាស់នៅក្នុងបន្ទប់ព្យាបាលធ្មេញរបស់គាត់។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg-17-08-2014--15-51-48.jpg"><img src="/FileManager/Articles/mce/2014/8/17/zuckerberg-17-08-2014--15-51-48.jpg" alt="" /></a></p>
<p>Zuckerberg បន្តការសិក្សា នៅសាលាមធ្យមសិក្សា Phillips Exeter តំបន់ New Hamsphire។<br /> កាលពីពេលកំពុងសិក្សា Zuckerberg បានបង្កើតកម្មវិធីចាក់ចម្រៀង (streaming) ដំណាក់កាល<br />ដំបូង ហើយកម្មវិធីនេះ ក៏ធ្វើឱ្យ AOL និង Microsoft ចាប់អារម្មណ៍ ប៉ុន្ដែ Zuckerberg បដិសេធ<br /> មិនលក់ផលិតផលរបស់ខ្លួន។</p>
<p>ឆ្នាំ ២០០២ Zuckerberg ចុះឈ្មោះចូលសិក្សា ក្នុងសកលវិទ្យាល័យ Havard ជាកន្លែងដែល<br /> Zuckerberg ល្បីឈ្មោះ ដោយសារតែសមត្ថភាពបង្កើតកម្មវិធីសបវ៉ែរ។ បន្ទាប់ពីរៀនបាន ២ឆ្នាំ<br /> Zuckerberg សម្រេចចិត្តឈប់រៀន ដើម្បីផ្ដោតទៅលើ “The Facebook” ជាបណ្ដាញសង្គមមួយ<br />ដែលគាត់បង្កើត និងអភិវឌ្ឍដោយខ្លួនឯង នៅតំបន់ Kirkland ។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg4-17-08-2014--15-53-04.jpg"><img src="/FileManager/Articles/mce/2014/8/17/zuckerberg4-17-08-2014--15-53-04.jpg" alt="" /></a></p>
<p>មុនពេលឈប់រៀន Mark បានទាក់ទង Priscilla Chan ដែលបច្ចុប្បន្ន ជាប្រពន្ធរបស់គាត់។ <br />Zuckerberg និង Chan បានរៀបការនឹងគ្នា កាលពីថ្ងៃទី ១៩ឧសភា ឆ្នាំ ២០១២ នៅក្នុងពិធីជប់<br />លៀងមួយ ដ៏គួរឱ្យភ្ញាក់ផ្អើល ព្រោះថា ភ្ញៀវដែលបានចូលរួម ស្មានថា នេះគ្រាន់តែជាពិធីជប់<br />លៀងអប់អរការបញ្ចប់ការសិក្សារបស់ Priscilla Chan ។</p>
<p>អ្នកទាំងពីរ ក្រេបទឹកឃ្មុំ នៅអ៊ីតាលី ដោយយន្ដហោះផ្ទាល់ខ្លួនរបស់ Mark និងសម្រាកនៅឯ<br />សណ្ឋាគារផ្កាយ ៥ Portrait Suites តម្លៃ ៨០០ផោន (ជាង ១០០០ដុល្លារ)/យប់។ ពួកគេក៏មាន<br />គម្រោង នឹងចំណាយពេល ២សប្ដាហ៍ ក្នុងខែធ្នូ រាល់ឆ្នាំ ដើម្បីទៅលេងស្រុកកំណើតរបស់ <br />Chan នៅប្រទេសចិន។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg2-17-08-2014--15-53-44.jpg"><img src="/FileManager/Articles/mce/2014/8/17/zuckerberg2-17-08-2014--15-53-44.jpg" alt="" width="461" height="346" /></a></p>
<p>នៅចុងឆ្នាំ ២០០៥ Facebook មានអ្នកប្រើប្រាស់ជាង ៥,៥លាននាក់ និងត្រូវបានវិនិយោគបន្ថែម<br /> ១២,៧លានដុល្លារ ពី Accel Ventures ។</p>
<p>Zuckerberg បន្តទទួលបានជោគជ័យពី Facebook របស់ខ្លួន ក្នុងឆ្នាំ ២០១០។ នៅក្នុងឆ្នាំដដែល<br />នេះ Zuckerberg ក៏ជាប់ចំណាត់ថ្នាក់ទី ៣៥ ក្នុងបញ្ជីឈ្មោះ សេដ្ឋី ៤០០នាក់ ដែលមានទ្រព្យ<br />ច្រើនបំផុតក្នុងលោក។ កាលណោះ Zuckerberg មានទ្រព្យ ៦,៩ពាន់លានដុល្លារ ច្រើនជាង <br />Steve Jobs ដែលមានត្រឹម ៦,១ពាន់លានដុល្លារ។</p>
<p>កាលពីថ្ងៃទី ១៨ ឧសភា ឆ្នាំ ២០១២ Mark សម្រេចចិត្ត ប្រែក្លាយ Facebook ឱ្យទៅជាក្រុមហ៊ុន<br />មហាជន។ ការបញ្ចេញលក់មូលបត្រដំបូងរបស់ Facebook ទទួលបាន ១៦ពាន់លានដុល្លារ។ <br />ដូចទៅនឹង Steve Jobs លោក Mark ក៏ទទួលបានប្រាក់ខែ ១ដុល្លារ កាលពីឆ្នាំ ២០១៣ (មិនរួម<br />បញ្ចូល ប្រាក់ចំណាយ ៦៥៣.១៦៤ ដុល្លារ លើការដឹកជញ្ជូនដោយយន្ដហោះផ្ទាល់ខ្លួន)។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg1-17-08-2014--15-54-38.jpg"><img src="/FileManager/Articles/mce/2014/8/17/zuckerberg1-17-08-2014--15-54-38.jpg" alt="" width="448" height="336" /></a></p>
<p>បើទោះទើបតែមានវ័យ ៣០ ប៉ុន្ដែ Mark ក៏ធ្លាប់បានជួប និងចាប់ដៃបុគ្គលល្បីឈ្មោះជាច្រើន <br />ដូចជា នាយករដ្ឋមន្ដ្រី រុស្ស៊ី លោក Dmitri A. Medvedev ឬ ប្រធានាធិបតីអាមេរិក លោក Barack<br /> Obama ជាដើម កាលពីឆ្នាំ ២០១១។</p>
<p>ថ្វីបើបានក្លាយជាមហាសេដ្ឋីនៃពិភពលោក ក៏ប៉ុន្ដែ Mark Zuckerberg គឺជាមនុស្សដ៏សាមញ្ញ។ <br />Zuckerberg ប្រើប្រាស់រថយន្ដ Volkswagen GTI ពណ៌ខ្មៅ ដែលមានតម្លៃប្រហែល ៣ម៉ឺនដុល្លារ<br />អាមេរិក។</p>
<p>ក្រៅពីចំនុចសាមញ្ញ Zuckerberg ក៏ជាមនុស្សម្នាក់ ដែលយកចិត្តទុកដាក់ទៅលើបញ្ហាសង្គម <br />មនុស្សធម៌។ Zuckerberg ធ្លាប់បានចំណាយ ៥០០លានដុល្លារ ទៅឱ្យមូលនិធី អភិវឌ្ឍសង្គម <br />នៅជ្រលងភ្នំ Sillicon ។ បន្ថែមពីនេះ គាត់ក៏ធ្លាប់ចំណាយប្រាក់ជាច្រើន សម្រាប់ប្រព័ន្ធសាលា<br />រៀនរដ្ឋ New Jersey – Newark ឬគម្រោងមនុស្សធម៌ Internet.org ។ល។</p>
<p style="text-align: center;"><a class="thickbox" title="" href="/FileManager/Commons/2014/8/17/zuckerberg5-17-08-2014--15-50-04.jpg"><img src="/FileManager/Articles/mce/2014/8/17/zuckerberg5-17-08-2014--15-50-04.jpg" alt="" /></a></p>
<p>ប៉ុន្ដែ ដូចទៅនឹងបណ្ដាសេដ្ឋីដទៃក្នុងវិស័យបច្ចេកវិទ្យា Mark ក៏បានចំណាយប្រាក់ទៅលើអចលន<br />ទ្រព្យ។ គាត់បានចំណាយ ៣០លានដុល្លារ ដើម្បីទិញផ្ទះចំនួន ៤ នៅក្បែរផ្ទះគាត់ ក្នុងក្រុង Palo<br /> Alto ហើយជួលផ្ទះទាំងនេះ ឱ្យម្ចាស់ដើម។ បច្ចុប្បន្ន ផ្ទះរបស់ Mark មានទំហំ ជាង ៤៥០ម៉ែត្រ<br />ក្រឡា ហើយគាត់ក៏បានទិញផ្ទះមួយផ្សេងទៀត នៅ San Francisco ក្នុងតម្លៃ ១០លានដុល្លារ។</p>
<p>ធៀបទៅនឹងខ្ទង់ប្រាក់ចំណេញរាប់ពាន់លានដុល្លារ ក្នុងមួយឆ្នាំៗ Mark Zuckerberg បែរជាមនុស្ស<br />ដែលរស់នៅដោយភាពសាមញ្ញ ព្រោះគាត់តែងតែបង្ហាញខ្លួន ក្នុងសម្លៀកបំពាក់ដដែលៗរបស់<br />ខ្លួន។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Business Insider<br /><br /></p>