<div>
<p><span style="color: #000000;"><strong>(ក្រុងឡុងដ៍)៖</strong> ក្រុមជើងឯករងពាន Premier League រដូវកាលមុន Manchester City នឹងត្រូវជួបគូប្រជែងហង្សក្រហម Liverpool រាត្រីថ្ងៃអាទិត្យស្អែកនេះនៅវគ្គផ្តាច់ព្រ័ត្រ ដើម្បីដណ្តើមពាន Capital One Cup (League Cup) នៅទឹកដីកណ្តាលនៃកីឡដ្ឋាន Wembley ។</span></p>
<p><span style="color: #000000;">ការប្រកួតនឹងចាប់ផ្តើមនាម៉ោង ២៣៖៣០នាទីយប់ (ម៉ោងនៅកម្ពុជា) ដោយ Man City ទើ់បតែធ្លាប់លើកពាននេះកាលពីឆ្នាំ២០១៤ ចំពេលដែលក្រុមខ្លាំងនេះឈ្នះពាន Premier League ដូចគ្នា គ្រាដែល Liverpool ធ្លាប់ឈ្នះកាលពីឆ្នាំ២០១៣ កន្លងទៅ ដោយត្រូវមកជួបគ្នាជាថ្មីម្តងទៀតក្នុងពានលំដាប់ទី៣អង់គ្លេសនេះ ។</span></p>
<p><span style="color: #000000;">មុនការជួបគ្នាស្អែកនេះ គ្រូបង្វឹក Liverpool លោក Jurgen Klopp បានថ្លែងក្នុងសន្និសីទសារព័ត៌មានម្សិលមិញថា “អ្នកចង់យកឈ្នះ Man City ខ្ញុំក៏ចង់ដូចគ្នា តែអ្វីៗវាតែងតែផ្ទុយនឹងការគិតរបស់យើងជានិច្ច តែនោះមិនមែនជាបញ្ហាដែលថាយើងដោះស្រាយមិនចេញនោះទេ” ។</span></p>
<p><span style="color: #000000;">Liverpool ជួបភាពត្រដាបត្រដួងជាខ្លាំងពេលក្នុងពាន Capital One Cup នេះ ដោយឡើងមកដល់វគ្គផ្តាច់ព្រ័ត្រនេះទាំងយ៉ាប់បំផុតឈ្នះគូប្រជែង ១-០ ស្ទើរតែគ្រប់ការប្រកួត គ្រាដែលគូប្រជែងដ៏តានតឹងបំផុតរាត្រីស្អែកនេះ Man City ស៊ីដាច់ៗគ្រាប់ជានិច្ចជាមួយនឹងលទ្ធផលយ៉ាងហោចណាស់ក៏ ២-០ ឡើងទៅផងដែរ ដែលមានកីឡាករគួរឲ្យព្រួយបារម្ភ David Silva, Yaya Toure, Kevin de Bruyne ជាពិសេស Sergio Aguero តែម្តង ៕</span></p>
<p style="text-align: center;"><span style="color: #000000;"><img src="http://e1.365dm.com/16/02/16-9/20/liverpool-capital-one-cup-manchester-city_3419738.jpg?20160222114621" alt="" width="730" /></span></p>
<p style="text-align: center;"><span style="color: #000000;"><img src="http://video.skysports.com/diZjhkMTE6J65gZH4jkWqyBFcmp4AoJJ/promo280757813" alt="" width="730" /></span></p>
<p style="text-align: center;"><span style="color: #000000;"><img src="http://media.gettyimages.com/photos/sergio-aguero-of-manchester-city-and-martin-skrtel-of-liverpool-for-picture-id498168088" alt="" width="730" /></span></p>
<p style="text-align: center;"><span style="color: #000000;">រូបភាពកាលពីប៉ះគ្នានៅ Premier League</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>