<p><span style="color: #000000;"><strong>កណ្ដាល ៖</strong> ក្រុមចោរប្លន់បិទមុខ ស្ពាយ កាំភ្លើងអាកា ចំនួន៥នាក់ បានធ្វើសកម្មភាព ចូលភ្ជង់និងបាញ់ជិត១០គ្រាប់ នៅក្នុងផ្ទះជន រងគ្រោះមួយគ្រួសារ ស្ថិតនៅភូមិថ្កុល ឃុំ ត្រើយស្លា ស្រុកស្អាង ខេត្ដកណ្ដាល កាលពី យប់ថ្ងៃទី១០ ខែវិច្ឆិកា ឆ្នាំ២០១៥ ដោយ យកគ្រឿងអលង្កា និងលុយខ្មែរអស់ជាច្រើន មុនពេលដែលពួកគេរត់គេចខ្លួន ។</span></p>
<p><span style="color: #000000;">យោងតាមរបាយការណ៍របស់សមត្ថកិច្ច មូលដ្ឋានបានឱ្យដឹងថា ជនសង្ស័យមានគ្នា៥ នាក់ បិទមុខជិត និងមិនស្គាល់អត្ដសញ្ញាណ ស្ពាយកាំភ្លើងអាកាពីរដើម ដោយពួកគេខ្លះ បានចូលពីក្រោយផ្ទះ និងខ្លះទៀតចាំនៅមុខ ផ្ទះ មើលសភាពការណ៍ដោយភ្ជង់និងបាញ់ ឡើងលើជាការគំរាមចំនួន៦គ្រាប់ បង្ខំឱ្យ ម្ចាស់ផ្ទះជាជនរងគ្រោះប្រមូលគ្រឿងអលង្កា និងលុយកាក់ឱ្យពួកគេ ។</span></p>
<p><span style="color: #000000;">សមត្ថកិច្ចបានបញ្ជាក់ថា ជនរងគ្រោះក្នុង អំពើប្លន់នេះ ទី១ឈ្មោះចេក ប្រាំង អាយុ៥៨ ឆ្នាំ ជាប្ដី ទី២ឈ្មោះអ៊ីង សុន អាយុ៥៨ឆ្នាំជា ប្រពន្ធ ទី៣ ឈ្មោះជី លឹម អាយុ២៧ឆ្នាំ មុខ របរជាងមាស ជាកូនប្រសារប្រុស និងទី៤ ឈ្មោះគា ចន្ធូរ អាយុ២៤ឆ្នាំ ជាកូនស្រី ។</span></p>
<p><span style="color: #000000;">ជនរងគ្រោះបានប្រាប់សមត្ថកិច្ចថា នៅ វេលាម៉ោងប្រមាណ៩និង១០នាទីយប់ថ្ងៃទី ១០ ខែវិច្ឆិកា ឆ្នាំ២០១៥ ខណៈដែលពួកគេ កំពុងជជែកគ្នានៅខាងក្នុងផ្ទះ ស្ដីពីពិធីរៀប មង្គការឱ្យកូនស្រីឈ្មោះស៊ីម សំណាង នោះ ស្រាប់តែស្ដ្រីជាប្រពន្ធបានដើរចេញតាមទ្វារ ក្រោយ ប្រហែល១០ម៉ែត្រក៏ឃើញជនល្មើស ៣នាក់ ស្ពាយកាំភ្លើងអាកាមួយដើម ចូល តាមក្រោយ រួចគំរាមឱ្យពួកគេក្រាបចុះក្រោម ហើយបាញ់ចំនួន៣គ្រាប់ឡើងទៅលើ ពេល នោះជនល្មើសពីរនាក់ កាំភ្លើងអាកាមួយដើម នៅពីមុខផ្ទះ ក៏បាញ់គំរាម៣គ្រាប់ទៀតផង ដែរ ។</span></p>
<p><span style="color: #000000;">សមត្ថកិច្ចបានបន្ដថា ក្រោយពីបាញ់ប្រ ហាររួចក្រុមជនល្មើសបានយកខ្សែគោ ចង លោកចេក ប្រាំង និងកូនប្រសារ ជី លឹម រួច វាយតប់ជនរងគ្រោះដោយដំបង ហើយធាក់ គំរាមរកទ្រព្យសម្បត្ដិបណ្ដើរ រើកកាយក្នុង ផ្ទះបណ្ដើរបានខ្សែកមាស ៥ជី កងជើងបា្លទីន ២ខ្សែ ខ្សែកបា្លទីន២ខ្សែ គ្រឿងអលង្កាមួយ ចំនួននិងលុយខ្មែរ១៧ម៉ឺនរៀល ទើបពួកវា បានរត់គេចខ្លួនអស់ ។</span></p>
<p><span style="color: #000000;">បើតាមការបញ្ជាក់ពីសមត្ថកិច្ច ក្រោយ មានអំពើប្លន់ប្រដាប់អាវុធនេះកើតឡើងមាន អ្នកជិតខាងដែលដឹងហេតុការណ៍បានរត់ឆ្លង ថ្នល់ ស្រែកថា ចោរៗទើបពួកវាយបាញ់បន្ដ ទៀត ពេលនោះឮដល់សមត្ថកិច្ចមូលដ្ឋានមក ជួយអន្ដរាគមន៍ តែក្រុមចោរបាញ់ស្កាត់មុខ ទៀតផង ។</span></p>
<p><span style="color: #000000;">សូមបញ្ជាក់ថា ផ្ទះជនរងគ្រោះមានចម្ងាយ ជាង៣០០ម៉ែត្រពីប៉ុស្ដិ៍រដ្ឋបាល ហើយសកម្ម ភាពក្រុមចោរ ធ្វើឡើងប្រហែល១៥នាទី ប៉ុណ្ណោះ ។</span></p>
<p><span style="color: #000000;">បច្ចុប្បន្នកម្លាំងសមត្ថកិច្ចជំនាញបាននឹង កំពុងធ្វើការស្រាវជ្រាវ ចំពោះករណីមួយនេះ ដើម្បីតាមចាប់ក្រុមចោរប្លន់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-03-28-pm-11-11-2015--15-12-16.png"><span style="color: #000000;"><img src="/FileManager/Articles/mce/2015/11/11/11-11-2015-3-03-28-pm-11-11-2015--15-12-16.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-03-44-pm-11-11-2015--15-12-30.png"><span style="color: #000000;"><img src="/FileManager/Articles/mce/2015/11/11/11-11-2015-3-03-44-pm-11-11-2015--15-12-30.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-03-59-pm-11-11-2015--15-12-43.png"><span style="color: #000000;"><img src="/FileManager/Articles/mce/2015/11/11/11-11-2015-3-03-59-pm-11-11-2015--15-12-43.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-04-20-pm-11-11-2015--15-12-56.png"><span style="color: #000000;"><img src="/FileManager/Articles/mce/2015/11/11/11-11-2015-3-04-20-pm-11-11-2015--15-12-56.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-04-32-pm-11-11-2015--15-13-07.png"><span style="color: #000000;"><img src="/FileManager/Articles/mce/2015/11/11/11-11-2015-3-04-32-pm-11-11-2015--15-13-07.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-04-45-pm-11-11-2015--15-13-17.png"><span style="color: #000000;"><img src="/FileManager/Articles/mce/2015/11/11/11-11-2015-3-04-45-pm-11-11-2015--15-13-17.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-3-05-01-pm-11-11-2015--15-13-28.png"><span style="color: #000000;"><img src="/FileManager/Articles/mce/2015/11/11/11-11-2015-3-05-01-pm-11-11-2015--15-13-28.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>