<div class="article-content">
<p><strong>ភ្នំពេញ</strong><strong>៖</strong> មន្ត្រីយោធាម្នាក់បន្ទាប់ពីស៊ីផឹកស្រវឹងជោក ហើយនោះ មិនហ៊ានជិះម៉ូតូវិលត្រឡប់<br />ទៅផ្ទះវិញទេ ខ្លាច គ្រោះថ្នាក់ ក៏បានទូរស័ព្ទហៅមិត្តភក្តិឲ្យមកឌុបខ្លួនទៅផ្ទះ ប៉ុន្តែបែរជាមិត្តិ<br />ភក្តិ ឌុបទៅចូលរថយន្តទាំងកំរោលធ្វើឲ្យ រងរបួសធ្ងន់ស្រាលទាំងពីរនាក់ កាលពីម៉ោង៨ និង<br />៥០នាទីយប់ថ្ងៃទី២៩ ខែមិថុនា ឆ្នាំ២០១៣ ស្ថិតនៅតាម បណ្តោយផ្លូវសហព័ន្ធរុស្ស៊ីមុខព្រលាន<br />យន្តហោះ ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ។</p>
<p>សាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូមួយគ្រឿងម៉ាកហុង<br />ដាសេ១២៥ ស៊េរី ឆ្នាំ២០១០ ពណ៌ខ្មៅ ពាក់ស្លាកលេខកណ្តាល 1J-5561 បើកបរដោយឈ្មោះ<br /> ជ័យ វាសនា ភេទប្រុស អាយុ ២១ ឆ្នាំ មានមុខរបរជាមន្ត្រីយោធា និងអ្នករួមដំណើរពីក្រោយ<br />ឈ្មោះ អ៊ុំ សុខកេវ ភេទប្រុស អាយុ ៣១ឆ្នាំ មុខរបរជា មន្ត្រីយោធារស់នៅភូមិចំបក ឃុំព្រៃខ្លា<br /> ស្រុកគីរីវង ខេត្តតាកែវក្នុងទិសដៅពីលិចទៅកើត។</p>
<p>លុះឌុបគ្នាដល់កន្លែងកើតហេតុ ក៏មានរថយន្តកូរ៉េមួយគ្រឿង ម៉ាកហ៊ីយ៉ានដាយ ពណ៌ខៀវ ពាក់<br />ស្លាកលេខភ្នំពេញ 2K-4108 បត់ឆ្លងផ្លូវធ្វើអ្នកបើកបរចាប់ប្រាំងមិនទាន់ ក៏ជ្រុលទៅបុកយ៉ាងពេញ<br />ទំហឹងបណ្តាលឲ្យរងរបួសទាំងពីរ នាក់។ ទោះជាយ៉ាង ជនរងគ្រោះទាំងពីរ ត្រូវបានក្រុមរថយន្ត<br />សង្គ្រោះ នៃកងពលតូចលេខ៧០ ដឹកយកទៅកាន់ មន្ទីរពេទ្យកាល់ម៉ែត ដើម្បីជួយសង្រ្គោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-289.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-290.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>