<p><span style="color: #000000;"><strong>(បាងកក)៖</strong> ព្រះមហាក្សត្រថៃ ព្រះបាទ ភូមិបុល អាប់ឌុលយ៉ាដេត ដែលមានព្រះជន្មាយុ ៨៨វស្សាទៅហើយនោះ ត្រូវបានក្រុមគ្រូពេទ្យធ្វើការព្យាបាលអាការៈរោគ គ្រុនក្តៅ និង អាចមានមេរោគក្នុងឈាមព្រះអង្គថែមទៀតផង។ នេះបើយោងតាមសេចក្តីថ្លែងការណ៍ របស់រាជវាំងថៃ ដែល Channel News Asia ដកស្រង់នាព្រឹកថ្ងៃអង្គារ ទី០២ ខែសីហា ឆ្នាំ២០១៦។</span></p>
<p><span style="color: #000000;">ក្រុមគ្រូពេទ្យថៃ តែងតែធ្វើការត្រួតពិនិត្យព្រះរាជសុខភាព របស់ព្រះមហាក្សត្រ ជារៀងរាល់ខែហើយកាលពីខែមុននេះ ព្រះបាទ ភូមិបុល បានទទួលការព្យាបាលនៅផ្នែកឆ្អឹងខ្នង។ ព័ត៌មានស្តីសុខភាពរបស់ព្រះមហាក្សត្រថៃ ត្រូវបានប្រជាជនថៃទាំងអស់ ធ្វើការតាមដានយ៉ាងលម្អិតបំផុត ក៏ព្រោះតែពួកគេគោរពស្រឡាញ់ព្រះមហាក្សត្រស្មើនឹងជីវិត។</span></p>
<p><span style="color: #000000;">គួរបញ្ជាក់ថា រយៈពេលជាងមួយឆ្នាំចុងក្រោយនេះ ព្រះមហាក្សត្រថៃបានយាងចូលមន្ទីរពេទ្យទីក្រុងបាងកក ជាញឹកញាប់ ហើយពេលចុងក្រោយ ដែលប្រជានុរាស្ត្រទូទាំងប្រទេសបានឃើញព្រះអង្គ ជាសាធារណនោះគឺនៅថ្ងៃទី១១ ខែមករា ឆ្នាំ២០១៦ ដោយព្រះអង្គបានចំណាយពេល បំពេញព្រះរាជទស្សនកិច្ចនៅជុំវិញរាជវាំង ក្នុងរាជធានីបាងកក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/2/12-02-08-2016--10-47-30.jpg"><img src="/FileManager/Articles/mce/2016/8/2/12-02-08-2016--10-47-30.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>