<p><span style="color: #000000;">ព័ត៌មានអន្តរជាតិ ៖ មន្រ្តីប៉ូលីស បានរកឃើញ វត្ថុធាតុ ដើម សម្រាប់ផលិតគ្រាប់បែក យ៉ាងច្រើន សន្ធឹក នៅសួនឧទ្យានជាតិ Carnfunnock Country Park ភាគខាងជើង ប្រទេស អៀរឡង់។ សេច ក្តីរាយការណ៍ បញ្ជាក់ឲ្យដឹងថា វត្ថុធាតុដើមសម្រាប់ផលិតគ្រាប់ បែក យ៉ាងច្រើន សន្ធឹក ត្រូវបាន ក្រុមមន្រ្តីជំនាញរកឃើញ ពីការកប់ក្រោមដី នៅតំបន់សួនឧទ្យាន ខាងលើ នេះបើយោងតាមសម្តី មន្រ្តីអនុវត្តន៍ច្បាប់ ។ </span></p>
<p><span style="color: #000000;"><a class="thickbox" title="" href="/FileManager/Commons/2016/3/7/01-07-03-2016--14-49-15.jpg"><img src="/FileManager/Articles/mce/2016/3/7/01-07-03-2016--14-49-15.jpg" alt="" /></a><br /></span></p>
<p><span style="color: #000000;">ប្រភពដដែលបន្តឲ្យដឹងថា មន្រ្តីជំនាញអាចរកឃើញវត្ថុធាតុដើមដ៏គ្រោះថ្នាក់ទាំងនេះបាន បន្ទាប់ ពីសាធារណៈជន ធ្វើសេចក្តីរាយការណ៍ ថាពួកគេបានប្រទះឃើញវត្ថុតាងគួរឲ្យសង្ស័យជាទីបំផុត កាលពីរសៀលថ្ងៃសៅរ៍កន្លងទៅនេះ ។ យោងតាមសម្តីមន្រ្តីផ្លូវការ ពីប្រទេស អៀរឡង់ ឲ្យដឹងថា បណ្តាវត្ថុធាតុដើម សម្រាប់ផលិតគ្រាប់បែក ដែលប៉ូលីសបានរកឃើញនោះ រួមមានដូចជា រំសេវ ដែលជាវត្ថុធាតុផ្សំក្នុងការផលិតគ្រាប់បែកបំផ្ទុះ ។ លោកស្រី Gillian Kearney ប្រធានមន្រ្តីស៊ើប អង្កេតឲ្យដឹងថា រាល់វត្ថុតាងទាំងអស់នេះស្ថិតនៅក្រោមការវិភាគជា មុន សិន ដរាបណា ការវិភាគ ត្រូវបានបញ្ចប់ នោះក្រុមការងារពុំទាន់ហ៊ានសន្មត់ថា វាមកពីក្រុមមួយណានៅឡើយទេ ដូច្នេះមាន តែធ្វើការតាមដាននិងស៊ើបអង្កេតជាមុនសិន។ របកគំហើញនៃ ការរកឃើញ គ្រឿងរំសេវទាំងនេះ កើតឡើង រយៈពេល ២៤ ម៉ោងក្រោយពីមានការបំផ្ទុះគ្រាប់បែកអត្តឃាត នៅពីក្រោមរថយន្តមន្រ្តី ឆ្មាំគុក នាទីក្រុង Belfast ។ ដោយឡែក ចុងសប្តាហ៍កន្លងទៅនេះ ក្រុម មន្រ្តីមានសមត្ថកិច្ច បាន ប្រទះឃើញ គ្រាប់បែកបំផ្ទុះដល់ទៅ ២ គ្រាប់ នៅក្បែរលំនៅស្ថានមួយកន្លែង ភាគខាងលិច ទីក្រុង Belfast ៕</span></p>
<p><a class="thickbox" title="" href="/FileManager/Commons/2016/3/7/01a-07-03-2016--14-49-28.jpg"><img src="/FileManager/Articles/mce/2016/3/7/01a-07-03-2016--14-49-28.jpg" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>