<p><span style="color: #000000;">ភ្នំពេញ ៖ ក្រោយពីគណនីហឹង្សាជះស្រាបៀរទៅលើតារាចម្រៀង ទេព បូព្រឹក្ស ក៏មានតារាសម្តែងនិងតារាចម្រៀងជាច្រើនដួងបានចេញមុខទាមទាររកយុត្តិធម៌ឲ្យ ដោយធ្វើការបង្ហោះសារនៅលើបណ្តាញសង្គមផងដែរ ។ </span></p>
<p><a class="thickbox" title="" href="/FileManager/Commons/2018/12/28/1-28-12-2018--11-00-22.PNG"><img src="/FileManager/Articles/mce/2018/12/28/1-28-12-2018--11-00-22.PNG" alt="" /></a></p>
<p><span style="color: #000000;">ក្នុងនោះយើងក៏សង្កេតឃើញមានកំពូលតារាចម្រៀងប្រចាំផលិតកម្មថោន គឺតារាចម្រៀង មាស សុខសោភា បានទម្លាយថា ករណីស្រដៀងនឹង ទេព បូព្រឹក្ស ក៏ធ្លាប់កើតមានលើរូបខ្លួនដែរ ។ យោងតាមការបង្ហោះនៅលើគណនីអុិនស្រ្តាក្រាម ម្ចាស់បទ<strong> ម្នាក់ឯងមិនស្លាប់ទេ</strong> បានលើកឡើងថា "សួស្តី បងប្អូន ពូមីង និងមហាជនទាំងអស់។ ក្នុងនាមខ្ញុំជាអ្នកសិល្ប:មួយរូបអស់រយៈពេល១៥ឆ្នាំមកនេះ ខ្ញុំសូមបញ្ចេញមតិខ្លះៗ ទាក់ទងនិងរឿងដែលបានកើតទៅលើប្អូនស្រី ទេព បូព្រឹក្ស កាលពីយប់ម្សិលមិញនេះ ហើយនេះជាបញ្ហាមួយ ដែលតែងតែកើតមានមកលើសិល្បករ សិល្បការិនីយើងមួយចំនួន ទាំងរូបនាងខ្ញុំផ្ទាល់ ក៍ធ្លាប់ជួបរឿងស្រដៀងគ្នានេះដែរ មិនថានៅក្នុងប្រទេស រឺក៍ក្រៅប្រទេសឡើយ" ។</span></p>
<p><a class="thickbox" title="" href="/FileManager/Commons/2018/12/28/2-28-12-2018--11-00-30.PNG"><img src="/FileManager/Articles/mce/2018/12/28/2-28-12-2018--11-00-30.PNG" alt="" /></a></p>
<p><span style="color: #000000;">តារាចម្រៀងស្រីរូបនេះបានបន្ថែមទៀតថា "ដូចច្នេះខ្ញុំសូមឲ្យមហាជនទាំងអស់ មេត្តាជួយឲ្យតម្លៃសិល្បការិនីខ្មែរយើង ក៍ដូចជា លើកតម្កើង និងឲ្យតម្លៃដល់ស្រ្តីទាំងអស់ទូទាំងពិភពលោក មិនថាគាត់ជាអ្នកសិល្ប: រឺក៍ជាអ្នកធ្វើការអ្វីមួយក៍ដោយ ពួកគាត់សុទ្ធតែមានតម្លៃរបស់ពួកគាត់ ហើយស្រ្តីទាំងអស់ប្រៀបបានទៅ នឹងកូនស្រី បងស្រី ប្អូនស្រី ម្តាយ និងលោកយាយ របស់យើងដូចគ្នា។ ជាចុងក្រោយខ្ញុំសូមជូនពរអោយប្អូន ស្រី ទេព បូព្រឹក្ស ឆាប់រកឃើញដំណោះស្រាយក្នុងប្រការណាមួយ ហើយក៍សូមអោយប្អូន នៅតែមានកម្លាំងចិត្ត និងរឹងមាំ តស៊ូដើម្បីសិល្ប:ខ្មែរយើងតទៅមុខទៀត" ៕</span></p>
<p><a class="thickbox" title="" href="/FileManager/Commons/2018/12/28/3-28-12-2018--11-00-40.PNG"><img src="/FileManager/Articles/mce/2018/12/28/3-28-12-2018--11-00-40.PNG" alt="" /></a></p>
<p><br /><a class="c_tab" href="/News/Detail/50164/welcome-to-advertisement-page-of-camnews-with-price-discount-50-percent" target="_blank"><img src="/FileManager/Articles/mce/2018/12/27/camnews-banner-27-12-2018--16-36-15.gif" alt="" /></a><a class="thickbox" title="" href="/FileManager/Commons/2018/12/28/3-28-12-2018--11-00-40.PNG"></a></p>
<p style="text-align: right;"><span style="color: #000000;">ដោយ ៖ គន្ធា</span></p>