<p><span style="color: #000000;">ព័ត៌មានកីឡា៖ ក្លឹបជើងខ្លាំង Barcelona គ្រោងនឹងបង្កើតកិច្ចប្រជុំមួយ ដើម្បីពិភាក្សារឿង បន្ដកិច្ចកុងត្រាថ្មីជាមួយ ខ្សែប្រយុទ្ធវ័យក្មេង Neymar ដោយតម្លើងប្រាក់ប្រចាំឆ្នាំ ឲ្យមានកម្រិតស្មើនឹង Messi បន្ទាប់ពីមានការប៉ុនប៉ងពីក្លឹប Man United ដែលបង្ហើបដំណឹងថា ហ៊ានដេញថ្លៃទីផ្សាររហូតដល់ទៅ ២៤០លានផោន ។ </span></p>
<p><span style="color: #000000;">មួយរយៈមុនម្ចាស់ក្លឹប Barcelona ដូចជាមិនអើពើ និងរសើបជាមួយដំណឹងថា ក្លឹប Man United គ្រោងនឹង បោះទុនលើកកីឡាករ Neymar រហូតដល់ទៅ ២៤០ លានផោននោះទេ ក៏ព្រោះតែជឿជាក់ថា កីឡាករ មិនបានមានទំនាក់ទំនងអ្វី ជាមួយក្លឹបនោះដែរ ប៉ុន្ដែមកទល់ពេលនេះ ក៏ស្រាប់តែមានការ បង្ហើបសាជាថ្មីថា លោក Josep Bartomeu គ្រោងនឹងកោះប្រជុំគ្នា ថានឹងបន្ដកិច្ចកុងត្រាថ្មីដល់កីឡាករ ដែលមានរយៈពេល ៥ឆ្នាំបន្ដទៀត ព្រមទាំងតម្លើងប្រាក់ប្រចាំឆ្នាំឲ្យមាន កម្រិតស្មើនឹង Messi គឺ មានចំនួន ដល់ទៅ ១៤.៦ លានផោន ចំណែកប្រាក់ទទួលបានកន្លងមកត្រឹម ៦.៤ លានផោនតែប៉ុណ្ណោះ។ ប្រភពគេទំព័រដដែលបានឲ្យដឹងទៀតថា Barcelona ដូចជាមាន ការភ័យខ្លាចនឹងដំណឹង នេះផងដែរ ហេតុនេះហើយក៏សម្រេចគ្រោងនឹងបង្កើតកិច្ចកុងត្រាថ្មីឲ្យហើយ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/27/8-27-2015-4-08-33-pm-27-08-2015--16-14-36.png"><span style="color: #000000;"><img src="/FileManager/Articles/mce/2015/8/27/8-27-2015-4-08-33-pm-27-08-2015--16-14-36.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ caughtoffside</span></p>