<p><span style="color: #000000;"><strong>(កំពង់ស្ពឺ)៖</strong> មន្ដ្រីយោធាម្នាក់ បម្រើការនៅអង្គភាព K៨២ បានបាញ់សម្លាប់ខ្លួនឯងក្រោយពេលមានទំនាស់ពាក្យសម្ដីជាមួយប្រពន្ធ ខណៈដែលកំពុងដេកជាមួយគ្នានៅលើគ្រែ។</span></p>
<p><span style="color: #000000;">ហេតុការណ៍បាញ់សម្លាប់ខ្លួនឯងនេះ កើតឡើងនៅវេលាម៉ោង៣៖៣០នាទី ទាបភ្លឺថ្ងៃទី២៨ ខែវិច្ឆិកា ឆ្នាំ២០១៦ នៅចំណុចរោងមាន់ ស្ថិតក្នុងភូមិវត្តភ្នំ ឃុំភ្នំតូច ស្រុកឧដុង្គ ខេត្តកំពង់ស្ពឺ។</span></p>
<p><span style="color: #000000;">មន្រ្តីនគរបាលមូលដ្ឋាន បានឲ្យដឹងថា ជនរងគ្រោះជាមន្ដ្រីយោធា ឈ្មោះ ម៉ាក់ គឹមហាក់ អាយុ៤៩ឆ្នាំ ឋានស័ក្ដិអនុសេនីយ៍ឯក អាវុធដែលបាញ់សម្លាប់ខ្លួន ចំក្រោយគុំត្រចៀកនោះ ម៉ាក K59 លេខ៥៥៥៥ មានលិខិតបញ្ជាបេសកកម្ម លេខ៨៥ ទ.ប.ទ ចុះថ្ងៃទី០១ ខែតុលា ឆ្នាំ២០១៦ និងមានប្រពន្ធឈ្មោះ ហេង គីមអេង អាយុ៤២ឆ្នាំ។</span></p>
<p><span style="color: #000000;">លោកឧត្តមសេនីយ៍ត្រី សំ សាមួន ស្នងការនគរបាលខេត្តកំពង់ស្ពឺ បានប្រាប់អង្គភាព Fresh News ដែរថា ក្រោយពីមានការសួរនាំពីមន្ដ្រីជំនាញ ម្ដាយក្មេក និងប្រពន្ធរបស់ជនរងគ្រោះ បានបញ្ជាក់ថា មុនពេលកើតហេតុ ជនរងគ្រោះបានទៅខេត្តសៀមរាប ស្រាប់តែជួបករណីគ្រោះថ្នាក់ចរាចរណ៍ ដោយបានចំណាយលុយច្រើន ហើយត្រឡប់មកវិញក៏មានទំនាស់ពាក្យសម្ដីគ្នាបន្ដិចបន្ដួចជាមួយប្រពន្ធ នៅម៉ោង៧យប់ លុះដល់ម៉ោងកើតហេតុ ប្រពន្ធគ្រាន់តែឭសំលេង អាមេកាំភ្លើងភ្លាម ក៏ផ្ទុះទើបភ្ញាក់ផ្អើលដឹងថាប្ដីសម្លាប់ខ្លួន។</span></p>
<p><span style="color: #000000;">ក្រោយពេលកើតហេតុ មន្ដ្រីនគរបាលជំនាញ បានចុះទៅដល់កន្លែងកើតហេតុភា្លមៗ ដើម្បីស្រាវជ្រាវបន្ថែម៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-11-26-47-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-11-26-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-11-26-51-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-11-26-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-11-26-56-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>