<div class="item-page">
<p><span style="color: #000000;"><strong>(ភ្នំពេញ)៖</strong> សិក្ខាកាមថ្នាក់នាយទាហានជើងគោកម្នាក់ នៅវិទ្យាស្ថានកងទ័ពជើងគោក-ថ្លុកតាសេក បានស្លាប់នៅព្រឹកថ្ងៃទី០៦ ខែមករា ឆ្នាំ២០១៧នេះ បន្ទាប់រូបគេលោតឆ័ត្រយោងពីលើឧទ្ធម្ភាគចក្រ ហើយធ្លាក់មកដីដោយសារឆ័ត្រយោងនោះមិនរលាស់។ នេះបើតាមការបញ្ជាក់ពី លោកនាយឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិ។</span></p>
<p><span style="color: #000000;">ហេតុការណ៍នេះ ត្រូវបានគេរាយការណ៍ថា បានកើតឡើងកាលពីវេលាម៉ោង៨៖៥០នាទីព្រឹក ថ្ងៃទី៦ ខែមករា ឆ្នាំ២០១៧ ចំណុចភូមិក្តាន់រយ ឃុំសំបូរ ស្រុកសំរោងទង ខេត្តកំពង់ស្ពឺ នាគ្រាដែលសិក្ខាកាមនាយឧត្តមសេនីយ៍ទាំងនោះ ឆ្លងកាត់វិញ្ញាសារលោតឆ័ត្រយោង ពេលបញ្ចប់កម្មសិក្សារបស់ខ្លួន។</span></p>
<p><span style="color: #000000;">លោក ឈុំ សុជាតិ បាននិយាយថា «ជាធម្មតាសិក្ខាកាមពេលដែលរៀនចំ គេមានកម្មវិធីលោតឆ័ត្រយោង ប៉ុន្តែគួរឱ្យស្តាយដោយសារតែឆ័ត្រយោងគាត់មិនរលាស់»។ ប៉ុន្តែលោកបានបន្ថែមថា ករណីនេះភាគីពាក់ព័ន្ធនៅក្នុងក្រសួងការពារជាតិ កំពុងពិនិត្យ និងស៊ើបសួរបន្ថែមទៀត។</span></p>
<p><span style="color: #000000;">លោកសុំបដិសេធមិនផ្តល់ព័ត៌មានអំពីឈ្មោះ និងអត្តសញ្ញាណជនរងគ្រោះ៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-06-11-31-17-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-06-11-31-17-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-06-11-31-17-2.jpg" alt="" width="730" /></span></p>
</div>
<div id="system-message-container">
<div id="system-message"></div>
</div>
<div class="span9" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>
<div class="custom"><a href="http://ads.freshnewsasia.com/sreyrathtravel" target="_blank"></a></div>