<p><span style="color: #000000;"><strong>(នីហ្សេរីយ៉ា)៖</strong> បុរសនីហ្សេរីយ៉ាម្នាក់ ជាប់ចោទពីបទបង្កអសន្តិសុខ បន្ទាប់ពីដាក់ឈ្មោះឲ្យសុនខ របស់ខ្លួនដូចឈ្មោះ ប្រធានាធិបតី។ Joe Fortemose Chinakwe អាយុ៣០ឆ្នាំ ត្រូវបានប៉ូលិសនៅ Ogun ចាប់ខ្លួន បន្ទាប់ពីដាក់ឈ្មោះឆ្កែចិញ្ចឹម ដូចឈ្មោះប្រធានាធិបតី Muhammadu Buhari ប៉ុន្តែនៅក្នុងតុលាការ Chinakwe មិនជាប់ពិរុទ្ធ ពាក់ព័ន្ធនឹងការបង្កអសន្តិសុខ ដល់ស្រុកទេសទេ តែយ៉ាងណា ទោះបីមិនជាប់ឃុំ ក៏គេត្រូវបង់ប្រាក់ធានាខ្លួន ចំនួន ប្រមាណ១៦០ដុល្លារ។</span></p>
<p><span style="color: #000000;">Chinakwe និយាយថា គាត់ភ្ញាក់ផ្អើលណាស់ ដែលខ្លួនត្រូវគេចាប់ ដោយគ្រាន់តែដាក់ឈ្មោះ សុនខថា Buhari ព្រោះតែគាត់ពេញចិត្តឈ្មោះ ប្រធានាធិបតីរបស់ខ្លួន ដែលប្រយុទ្ធប្រឆាំងនឹងអំពើពុករលួយ ហើយ Chinakwe ក៏បានបន្ទោសជនអគតិ មួយចំនួន ដែលយករឿងនេះទៅប្តឹងប៉ូលិសផងដែរ។</span></p>
<p><span style="color: #000000;">សមត្ថកិច្ចអះអាងថា មនុស្សជាច្រើន ខឹងដែល Chinakwe យកឈ្មោះប្រធានាធិបតី ទៅដាក់ឲ្យឆ្កែហើយថែមទាំងសរសេរឈ្មោះ នៅលើខ្លួនវាបណ្តើរតាមផ្លូវ សាធារណៈទៀត។</span></p>
<p><span style="color: #000000;"><a class="thickbox" title="" href="/FileManager/Commons/2016/8/31/12b-31-08-2016--14-19-53.jpg"><img src="/FileManager/Articles/mce/2016/8/31/12b-31-08-2016--14-19-53.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>