<p><span style="color: #000000;"><strong>ព្រះសីហនុ ៖</strong> អ្នកបើករថយន្ដកុងតឺន័រ របស់ក្រុមហ៊ុនលឹមហេងហ្វុង ដែលបានជេរ ប្រមាថកាតទាន និងចុះ ពីលើរថយន្ដទៅវាយ មន្ដ្រីនគរបាលចរាចរណ៍ម្នាក់ ពេលកំពុង ឈរបញ្ជាចរាចរណ៍តាមដងផ្លូវនោះ ត្រូវ បាន ចាប់ខ្លួនហើយ កាលពីរសៀលថ្ងៃទី៦ ខែមេសា ឆ្នាំ២០១៥ ក្រោយពីរត់គេចខ្លួន អស់រយៈពេល២ ថ្ងៃមកនេះ ។</span></p>
<p><span style="color: #000000;">ស្នងការរងនគរបាលនិងជាប្រធានការិ យាល័យកណ្ដាលសណ្ដាប់ធ្នាប់នៃស្នងការ ដ្ឋាននគរបាល ខេត្ដព្រះសីហនុ លោកអ៊ី សុខា បានបញ្ជាក់ថា អ្នកបើករថយន្ដរូបនេះត្រូវ បានចាប់ខ្លួននិង បញ្ជូន ទៅកាន់សាលាដំបូង ខេត្ដព្រះសីហនុ ដើម្បីបន្ដការសាកសួរចាត់ វិធានការតាមផ្លូវច្បាប់ ។</span></p>
<p><span style="color: #000000;">ជុំវិញការបង្កអំពើហិង្សាទៅលើមន្ដ្រីនគរ បាលចរាចរណ៍តូចតាច ដែលខំបញ្ជាចរាចរណ៍ តាមដងផ្លូវ សាធារណៈ ទាំងបែក ញើសជោគ នោះស្នងការនគរបាលខេត្ដព្រះសីហនុ ទើប ទទួលការតែងតាំង លោកឧត្ដមសេនីយ៍ ជួន ណារិន្ទ បាន បញ្ជាក់ថា លោកបានបញ្ជាឱ្យ ស្នងការរងទទួលផែន តាមចាប់ជន បង្កឱ្យ បានហើយបើចាប់មិនបានទេ ឈប់ធ្វើប៉ូលិស ទៅ ពីព្រោះធ្វើឱ្យមន្ដ្រី នគរបាលក្រោមឱវាទ បាក់ទឹកចិត្ដ នៅពេលមានរឿងអយុត្ដិធម៌ កើតឡើងមកលើខ្លួននោះ ។</span></p>
<p><span style="color: #000000;">សូមបញ្ជាក់ថា លោកវ៉ាយ លាភ ជាមន្ដ្រី នគរបាលចរាចរណ៍ម្នាក់ ពេលកំពុងសម្រួល ចរាចរណ៍ កាលពីព្រឹកថ្ងៃទី៤ ខែមេសា ឆ្នាំ ២០១៥ ស្ថិតនៅមុខស្ថានីយរថភ្លើង សង្កាត់ លេខ៣ ក្រុងព្រះសីហនុ ខណៈដែលរថយន្ដ កុងតឺន័រជាច្រើន គ្រឿង ចូលកំពង់ផែក្រុងព្រះ សីហនុនោះ ស្រាប់តែអ្នកបើករថយន្ដកុងតឺ ន័ររបស់ក្រុមហ៊ុនលឹមហេងហ្វុង ចុះពីលើ រថយន្ដជេរប្រមាថកាតទានយ៉ាងចាស់ដៃ រួចបានប្រើអំពើហិង្សាវាយទៅលើមន្ដ្រីនគរ បាលចរាចរណ៍រូបនេះ រងរបួសត្រង់ដៃនិង ខូចទូរស័ព្ទទៀតផង ។</span></p>
<p><span style="color: #000000;">ក្រោយពីបង្កហេតុ អ្នកបើករថយន្ដរូប នេះ បានរត់ឡើងទៅលើភ្នំពេញបាត់ស្រមោល រហូតត្រូវចាប់ខ្លួននៅរសៀលថ្ងៃទី៦ ខែមេសា ឆ្នាំ២០១៥នេះតែម្ដង ។</span></p>
<p><span style="color: #000000;">យ៉ាងណាក៏ដោយមិនទាន់ដឹងថា តើជន នេះ ត្រូវតុលាការចោទប្រកាន់យ៉ាងដូចម្ដេច នោះឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/6/4-6-2015-4-43-05-pm-06-04-2015--16-49-03.png"><img src="/FileManager/Articles/mce/2015/4/6/4-6-2015-4-43-05-pm-06-04-2015--16-49-03.png" alt="" /></a></span></p>
<p><a class="thickbox" title="" href="/FileManager/Commons/2015/4/6/4-6-2015-4-42-51-pm-06-04-2015--16-49-15.png"><img src="/FileManager/Articles/mce/2015/4/6/4-6-2015-4-42-51-pm-06-04-2015--16-49-15.png" alt="" /></a></p>
<p><a class="thickbox" title="" href="/FileManager/Commons/2015/4/6/4-6-2015-4-42-38-pm-06-04-2015--16-49-29.png"><img src="/FileManager/Articles/mce/2015/4/6/4-6-2015-4-42-38-pm-06-04-2015--16-49-29.png" alt="" /></a></p>
<p><a class="thickbox" title="" href="/FileManager/Commons/2015/4/6/4-6-2015-4-42-23-pm-06-04-2015--16-49-42.png"><img src="/FileManager/Articles/mce/2015/4/6/4-6-2015-4-42-23-pm-06-04-2015--16-49-42.png" alt="" /></a></p>
<p><a class="thickbox" title="" href="/FileManager/Commons/2015/4/6/4-6-2015-4-42-04-pm-06-04-2015--16-49-57.png"><img src="/FileManager/Articles/mce/2015/4/6/4-6-2015-4-42-04-pm-06-04-2015--16-49-57.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>