<p>Nokia ទើបតែធ្វើការបង្ហាញណែនាំនូវស្មាតហ្វូន Lumia 1020 នៅព្រឹត្តិការណ៍មួយ ឯទីក្រុង New<br /> York ហើយត្រូវបានចាត់ទុកថាជា កូនសោរគន្លឹះថ្មីមួយរបស់ក្រុមហ៊ុន ក្នុងប្រភេទស្មាតហ្វូនដែល<br />សង្កត់ធ្ងន់ទៅលើកាមេរ៉ា ឬហៅម៉្យាងទៀតថា Camera Phone។</p>
<p>នេះគឺជាស្មាតហ្វូនទីពីររបស់ Nokia ដែលបានបំពាក់កាមេរ៉ាមាន Sensor 41MP កាណុងមាន 6<br /> Lens របស់ Carl Zeiss រួមជាមួយសមត្ថភាពការពារនូវរំញ័រពេលថតរូប អំពូល Xenon flash និង<br />Software <span class="Tinhte_XenTag_TagLink">ថតរូប Nokia Pro Cam</span> ។</p>
<p>បើទោះបីជាបានបំពាក់នូវ Features ជាច្រើនដោយផ្តោតលើកាមេរ៉ា ក៏ប៉ុន្តែ Lumia 1020 មិនមែន<br />ជាទូរស័ព្ទដំបូងគេរបស់ Nokia ដែលផ្តោតទៅលើការអភិវឌ្ឍន៍កាមេរ៉ា នោះឡើយ។ ខាងក្រោម<br />នេះ គឺជា Camera Phone មួយចំនួន ដែលត្រូវបានគេចាប់អារម្មណ៍ក្នុងប្រវត្តិសាស្រ្ត កាមេរ៉ាទូរស័ព្ទ<br />របស់ Nokia ក្នុងរយះពេល 10 ឆ្នាំកន្លងមកហើយនេះ ដែលបានប្រមូលផ្តុំដោយគេហទំព័របច្ចេកវិទ្យា<br />Cnet។ ទស្សនាដូចតទៅ៖</p>
<p><strong>ជំហានដំបូងគឺ Nokia 7650</strong></p>
<p style="text-align: left;"><a class="thickbox" title="" href="/FileManager/Commons/2013/7/15/611851-15-07-2013--15-46-43.jpg"><img src="/FileManager/Articles/mce/2013/7/15/611851-15-07-2013--15-46-43.jpg" alt="" /></a></p>
<p style="text-align: left;">Nokia 7650 គឺទូរស័ព្ទដំបូងគេរបស់ Nokia ដែលបានបំពាក់នូវកាមេរ៉ា ដែលពេលនោះមានទំហំ<br />តែVGA (640x480 px) និងមានមេម៉ូរីក្នុងតែ 4MB ក៏គ្រប់គ្រាន់នឹងប្រើដែរ។ Nokia 7650 ត្រូវបាន<br />បង្ហាញណែនាំខ្លួននៅឆ្នាំ 2002។</p>
<p style="text-align: left;"><strong>អភិវឌ្ឍដល់ megapixel: Nokia 7610</strong></p>
<p style="text-align: left;"><a class="thickbox" title="" href="/FileManager/Commons/2013/7/15/611847jpg-15-07-2013--15-50-35.gif"><img src="/FileManager/Articles/mce/2013/7/15/611847jpg-15-07-2013--15-50-35.gif" alt="" /></a></p>
<p style="text-align: left;">Nokia 7610 មានកាមេរ៉ាទំហំ 1MP និងបានបង្ហាញខ្លួនកាលពីឆ្នាំ 2004 ។</p>
<p><strong>ឡើងដល់ 2MP: Nokia N90</strong></p>
<p><strong><a class="thickbox" title="" href="/FileManager/Commons/2013/7/15/611843-15-07-2013--15-52-23.jpg"><img src="/FileManager/Articles/mce/2013/7/15/611843-15-07-2013--15-52-23.jpg" alt="" /></a></strong></p>
<p>Nokia N90 គឺជាទូរស័ព្ទដែលបានបំពាក់កាមេរ៉ា 2MP ដំបូងគេរបស់ Nokia ហើយក៏ជាទូរស័ព្ទ <br />Nokia ដែលបានបំពាក់នូវកាណុង Carl Zeiss ដំបូងគេផងដែរ។ វាត្រូវបានបង្ហាញខ្លួន កាលពី<br />ឆ្នាំ 2005 ។<strong></strong></p>
<p><strong>ឡើងដល់ 5MP: Nokia N95</strong><strong></strong></p>
<p><a class="thickbox" title="" href="/FileManager/Commons/2013/7/15/611839-15-07-2013--15-55-37.jpg"><img src="/FileManager/Articles/mce/2013/7/15/611839-15-07-2013--15-55-37.jpg" alt="" /></a><strong></strong></p>
<p>Nokia N95 បានបំពាក់កាមេរ៉ាទំហំ 5 MP និងបានបង្ហាញខ្លួនកាលពីឆ្នាំ 2006 ។</p>
<p><strong style="line-height: 1.5;">Flash Xenon បង្ហាញខ្លួន: Nokia N82</strong><strong></strong></p>
<p><a class="thickbox" title="" href="/FileManager/Commons/2013/7/15/611835-15-07-2013--15-57-36.jpg"><img src="/FileManager/Articles/mce/2013/7/15/611835-15-07-2013--15-57-36.jpg" alt="" /></a><strong></strong></p>
<p>Nokia N82 បំពាក់នូវកាមេរ៉ាទំហំ 5MP ប៉ុន្តែវាត្រូវបានបំពាក់បន្ថែមនូវអំពូល flash Xenon ជាមួយ<br />កាណុង Carl Zeiss, zoom 10x, បង្ហាញខ្លួនឆ្នាំ 2007 ។</p>
<p><strong style="line-height: 1.5;">ឡើងដល់ 8MP: Nokia N86</strong><strong></strong></p>
<p><a class="thickbox" title="" href="/FileManager/Commons/2013/7/15/611831-15-07-2013--16-00-19.jpg"><img src="/FileManager/Articles/mce/2013/7/15/611831-15-07-2013--16-00-19.jpg" alt="" width="503" height="377" /></a><strong></strong></p>
<p>Nokia N86 ជាទូរស័ព្ទដំបូងគេរបស់ Nokia ដែលបានបំពាក់កាមេរ៉ា 8MP និងបង្ហាញខ្លួនកាលពី<br />ឆ្នាំ 2009។</p>
<p><strong style="line-height: 1.5;">ឡើងដល់ 12MP: Nokia N8</strong><strong></strong></p>
<p><a class="thickbox" title="" href="/FileManager/Commons/2013/7/15/611859-15-07-2013--16-02-39.jpg"><img src="/FileManager/Articles/mce/2013/7/15/611859-15-07-2013--16-02-39.jpg" alt="" /></a><strong></strong></p>
<p>Nokia N8 បំពាក់នូវកាមេរ៉ាទំហំ 12 MP និងបានបង្ហាញខ្លួនកាលពីឆ្នាំ 2010 ។</p>
<p><strong style="line-height: 1.5;">ឡើងដល់ចំនុចកំពូល ពេលបច្ចុប្បន្ន 41MP: Nokia PureView 808</strong></p>
<p><a class="thickbox" title="" href="/FileManager/Commons/2013/7/15/611863-15-07-2013--16-05-44.jpg"><img src="/FileManager/Articles/mce/2013/7/15/611863-15-07-2013--16-05-44.jpg" alt="" /></a><strong style="line-height: 1.5;"></strong><strong></strong></p>
<p>Nokia PureView 808 ជាស្មាតហ្វូន Nokia ដំបូងគេដែលបានបំពាក់ កាមេរ៉ាយក្ស ទំហំធំគឺ 41 MP<br />ដែលបានបង្ហាញខ្លួនកាលពីឆ្នាំ 2012 កន្លងទៅនេះ។</p>
<p><strong style="line-height: 1.5;">Nokia Lumia 920</strong></p>
<p><a class="thickbox" title="" href="/FileManager/Commons/2013/7/15/611867-15-07-2013--16-07-59.jpg"><img src="/FileManager/Articles/mce/2013/7/15/611867-15-07-2013--16-07-59.jpg" alt="" /></a></p>
<p>គ្រួសារស្មាតហ្វូន Nokia ត្រកូល Lumia បានធ្វើការផ្តោតទៅលើកាមេរ៉ា យ៉ាងឆាប់រហ័ស។ បើ<br />ទោះជាគុណភាពនៃរូបភាព មិនមែនពេលណាក៏ភ្លឺច្បាស់ល្អ អស្ចារ្យ ប៉ុន្តែជាមួយកាមេរ៉ា 8.7MP<br /> របស់ Lumia 920 បណ្តារូបភាពរបស់វា ក៏ត្រូវបានអ្នកប្រើប្រាស់វាយតំលៃខ្ពស់ផងដែរ ជាពិសេស<br />ថតក្នុងលក្ខខណ្ឌខ្វះពន្លឺ។ Lumia 920 បានបង្ហាញខ្លួនកាលពីខែកញ្ញា ឆ្នាំ 2012 កន្លងទៅនេះ៕<strong></strong></p>
<p style="text-align: right;">ដោយ៖ សិលា<br />ប្រភព៖ VReview<strong><br /></strong></p>