<div class="entry-content clearfix single-post-content">
<p><span style="color: #000000;"><strong>(ភ្នំពេញ)៖</strong> គ្រាប់បាល់ទី២ របស់កីឡាករឆ្នើមកម្ពុជា ចាន់ វឌ្ឍនាកា បានកើនឡើងហើយ អំឡុងពេលខ្សែប្រយុទ្ធជំនាញជើងឆ្វេងរូបនេះ ជួយក្លឹបថ្មី Fujieda MYFC របស់ជប៉ុន យកឈ្នះក្រុម Tokiwadai Hamamatsu ដោយលទ្ធផល ៣-០ ក្នុងជំនួបមិត្តភាពកាលពីម្សិល មុននឹងក្រុមលំដាប់លីគទី៣ (J-League 3) របស់ជប៉ុននេះ ត្រូវប្រកួតក្រៅទឹកដីបើកឆាករដូវកាលថ្មី ទល់នឹងម្ចាស់ផ្ទះ Kagoshima United នាថ្ងៃទី១១ ខែមីនាចុងសប្ដាហ៍នេះ។</span></p>
<p><span style="color: #000000;">គួរបញ្ជាក់ថា វឌ្ឍនាកា បានធ្វើដំណើរទៅដល់ជប៉ុន និងហ្វឹកហាត់ជាមួយក្លឹប Fujieda MYFC កាលពីថ្ងៃទី១៣ ខែកុម្ភៈកន្លងទៅ។ រហូតមកទល់បច្ចុប្បន្ន កូនប្រុសបង្កើតរបស់អភិបាលខេត្តកំពតរូបនេះ បានបង្ហាញវត្តមានក្នុងការប្រកួតលក្ខណៈមិត្តភាពដកស្រង់បច្ចេកទេសចំនួន ៦ដងមកហើយ ប៉ុន្ដែខ្សែប្រយុទ្ធវ័យ ២៣ឆ្នាំរូបនេះ ទើបរកបាន ២គ្រាប់ប៉ុណ្ណោះ បើគិតទាំងគ្រាប់បំប៉ោងសំណាញ់ទីគូប្រកួតកាលពីម្សិលមិញ។</span><br /><span style="color: #000000;">រីឯគ្រាប់បាល់ទី១ វឌ្ឍនាកា រកបានកាលពីជួយក្រុម Fujieda បំបាក់ក្រុម Meijo University ដោយលទ្ធផល ៦-១ កាលពីចុងខែកុម្ភៈកន្លងទៅ៕</span></p>
<p><span style="color: #000000;"><strong>សូមទស្សនាវីដេអូ Highlight បញ្ជាក់មានដូចខាងក្រោមនេះ៖</strong></span></p>
<p><span style="color: #000000;"><img class="spotlight" src="https://scontent-kut2-1.xx.fbcdn.net/v/t1.0-9/17022471_364408190625141_6761091151393296369_n.jpg?oh=101308290d721cba374f7e412e3a9a60&oe=593D5012" alt="Image may contain: 1 person, sitting and outdoor" /></span></p>
<p><span style="color: #000000;"><img class="spotlight" src="https://scontent-kut2-1.xx.fbcdn.net/v/t1.0-9/16997719_364408170625143_8186241884265262355_n.jpg?oh=b286072e4e4247dcf7720c9090617ab3&oe=592CE36E" alt="Image may contain: 1 person, grass and outdoor" /></span><br /><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F700135270158267%2F&show_text=0&width=730" frameborder="0" width="480" height="380"></iframe></span></p>
</div>
<div class="entry-terms post-tags clearfix"></div>
<div class="entry-terms post-tags clearfix" style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></div>