<div class="article-content">
<p><strong>ភ្នំពេញ</strong> ៖ បុរសម្នាក់ពិការ ជើងម្ខាង បីកូនតូចដើរ សុំទាន បានដើរឆ្លងផ្លូវ ត្រូវរថយន្ត មួយគ្រឿង <br />មកមើល មិនទាន់ ជ្រុលចង្កូត មកបុកយ៉ាងពេញទំហឹង បណ្តាលឲ្យរងរបួស បាក់ជើងម្ខាងទៀត<br /> ចំណែកកូន តូច រងរបួស បែកក្បាល ពីខាងក្រោយធ្ងន់ កាលវេលាម៉ោង ៨និង៤០នាទីយប់ថ្ងៃទី<br /> ២៤ ខែ កក្កដា ឆ្នាំ២០១៣ តាម បណ្តោយមហាវិថី សហព័ន្ធរុស្សី មុខបុរីអាកាសចរណ៍ ស្ថិតក្នុង<br />ភូមិប៉ប៉្រកខាងត្បូង សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។</p>
<p>ប្រជាពលរដ្ឋនៅ កន្លែងកើតហេតុ បានឲ្យដឹងថា បុរសខាងលើដើរ សុំទានតាមដងផ្លូវ សហព័ន្ធ<br />រុស្ស៊ី ដោយមាន បីកូនតូច នៅនឹងដៃផងដែរ លុះដល់ចំណុចកើត ហេតុ ស្រាប់តែដើរឆ្លងផ្លូវក្នុង<br />ស្ថានភាពស្រវឹងផងដែរ បន្តិចក្រោយ មកមានរថយន្តមួយគ្រឿងម៉ាកឆារ៉ូឡែតពុំមានស្លាកលេខ<br /> បើកមកមើលមិន ទាន់ក៏ជ្រុល ចង្កូតទៅបុកយ៉ាងពេញទំហឹងបណ្តាលឲ្យជនរងគ្រោះដួលបោក<br />ទៅនឹងថ្នល់ រងរបួសបាក់ជើងម្ខាងទៀត ចំណែកឯ កូនតូច វិញខ្ទាតរបូតពីដៃឪពុក ធ្លាក់ទៅលើ <br />ថ្នល់រងរបួសបែកក្បាលខាងក្រោយយ៉ាងធ្ងន់ធ្ងរភ្លាមៗត្រូវ នគរបាលមូលដ្ឋានចុះទៅដល់កន្លែង <br />កើតហេតុ ដើម្បីជួយអន្តរាគមន៍ ហៅរថយន្តសង្គ្រោះរ បស់អង្គ ភាពសង្គ្រោះ៧១១ កងពលតូច<br />លេខ៧០មកដឹកយកទៅសង្គ្រោះជាបន្ទាន់ដោយឪពុកដឹកយកទៅសង្គ្រោះនៅមន្ទីរពេទ្យលោក<br />សង្ឃ និងកូនតូចយកទៅសង្គ្រោះ នៅមន្ទីរពេទ្យកុមារជាតិ។</p>
<p>ប្រភពបានបន្តថា ជនរងគ្រោះពុំត្រូវបានគេស្គាល់អត្តសញ្ញាណនោះទេ អាយុប្រហែល ជាង៤០<br />ឆ្នាំ សម្បុរខ្មៅ កំពស់ប្រហែល ១ម៉ែត្រ៦០ ជាង និងកូនប្រុសតូច អាយុប្រហែលជា២ឆ្នាំម្នាក់ផង <br />ធ្វើដំណើរ ឆ្លងផ្លូវពីត្បូង ទៅខាង ជើង ចំណែកឯរថយន្ត ដែលបើកមកបុកនោះម៉ាក ឆារ៉ូឡែតពុំ<br />មានពាក់ស្លាកលេខ បើកពីលិចទៅកើត អ្នកបើកបរពុំត្រូវបាន គេស្គាល់អត្តសញ្ញាណនោះទេ។<br /> រថយន្តនិងអ្នកបើកបរ បន្ទាប់ពីកើតហេតុ ត្រូវបានសមត្ថកិច្ច នាំយកទៅកាន់អធិការដ្ឋាននគរ<br />បាល ដើម្បីដោះស្រាយគ្នា ទៅតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0652.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0651.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>