<div class="article-content">
<p><strong>ភ្នំពេញ ៖</strong> ភ្ញៀវវ័យក្មេងមួយក្រុម ជា ប្រភេទយុវវ័យ បានរិះគន់បុគ្គលិកទាំងស្រីទាំងប្រុស ដែល<br />បម្រើការងារនៅក្នុងហាងតែគុជយីហោ “ធី អេន ថក” មានទីតាំង ស្ថតិនៅជាប់របង វិទ្យាល័យ<br />ទួលទំពូងប៉ែក ខាងលិច ក្នុងទឹកដីខណ្ឌចំការមន ដោយសារ តែបុគ្គលិកទាំងនេះ បានប្រើសំដី<br />ឈ្លើយដាក់ពួកគេជាភ្ញៀវ និងញុះឱ្យពួកគេចេញពី ហាងទៀតផង ដោយគ្រាន់តែលេងហ្គីតា <br />និងជជែកគ្នាលេង មិនទាន់ដល់ ១៥នាទី ផង ។</p>
<p>នារីម្នាក់ ដែលសូមមិនបញ្ចេញឈ្មោះ បានប្រាប់មជ្ឈមណ្ឌលព័ត៌មានដើមអម្ពិល ឱ្យដឹងថា រូប<br />គេ និងមិត្ដភ័ក្ដិ បងប្អូន៤-៥ នាក់ បាននាំគ្នាចូលទៅហាងតែគុជខាងលើ ដើម្បីជជែករឿងការ<br />ងារមួយចំនួន ហើយ នៅពេលចូលទៅដល់ក្នុងហាងភ្លាម ក៏បាន កុម្មង់ភេសជ្ជៈហូប ហើយក៏<br />ចាប់ផ្ដើមជជែកគ្នា អមដោយការលេងហ្គីតាក្នុងសំឡេង តិចៗ ដោយគិតថា បើលេងខ្លាំងវានាំ<br />ឱ្យប៉ះ ពាល់អារម្មណ៍ដល់ភ្ញៀវដទៃទៀត ។</p>
<p>កញ្ញារូបនេះ បានបន្ដទៀតថា ពេល ដែលពួកគេជជែកគ្នាបណ្ដើរ និងលេងហ្គីតាបណ្ដើរនោះ ក៏បានសួរទៅបុគ្គលិកដែលបម្រើការងារនៅក្នុងហាង ដោយខ្លាចថា ប៉ះពាល់ហាងរបស់ពួក<br />គេ។ កញ្ញាក៏បានសួរ ទៅបុគ្គលិកនោះថា តើពួកខ្ញុំលេងហ្គីតាមាន ការរំខាន ឬមួយយ៉ាងណា<br />នោះទេ បើរំខាន ពួកខ្ញុំនឹងត្រឡប់ចេញទៅវិញ ។ ពេលនោះ ស្រាប់តែបុគ្គលិកស្រីម្នាក់អាយុ<br />ជាង ២០ឆ្នាំ បានឆ្លើយឌឺថា បើចេញវាល្អធ្វើឱ្យហាងរបស់ គេមានភាពស្ងាត់ស្ងៀម ។ គ្រាន់តែ<br />ឮពាក្យ សំដីមួយម៉ាត់នេះ ពួកគេទាំង ៤-៥នាក់ក៏ បានគិតលុយ ហើយនាំគ្នាចាកចេញទាំង<br /> ហួសចិត្ដ មិនទាន់ដល់១៥នាទីផង នៅពេល ដែលពួកគេចូលទៅក្នុងហាង នៅ វេលាម៉ោង<br />ប្រមាណ ៣រសៀល ថ្ងៃទី៣០ ខែ សីហា ឆ្នាំ២០១៣ នេះ ។</p>
<p>បើយោងតាមកញ្ញាខាងលើ បានឱ្យដឹង ថា នៅក្នុងហាងមិនសូវមានភ្ញៀវចូលនោះឡើយ <br />ហើយបុគ្គលិក ស្រីក្នុងចំណោម ៤-៥ នាក់ បាននិយាយដោយមុខមាំថា រូបគេជិត ឈប់ធ្វើ<br />ការនៅកន្លែងនេះហើយ ដូច្នេះ មិន ខ្វាយខ្វល់នឹងការរិះគន់របស់ភ្ញៀវឡើយ ។</p>
<p>សកម្មភាព និងពាក្យសំដីមិនចង់ទទួល ភ្ញៀវ និងមិនប្រើពាក្យសំដីឱ្យបានសមរម្យខាងលើ<br />នេះ ត្រូវបានពួក គេរិះគន់ថា ជាការធ្វើឱ្យបាត់អតិថិជនចូលទៅក្នុងហាង មិន ដឹងថា តើថៅ<br />កែហាងបានដឹងពីអាកប្បកិរិយា និងទង្វើរបស់បុគ្គលិកខ្លួនយ៉ាងណានោះ បើដូច្នេះមែន សូម<br />អប់រំឱ្យបានល្អផង ជៀស វាងការបាត់បង់ភ្ញៀវ នាំឱ្យដួលហាងនៅថ្ងៃ ណាមួយជាក់ជាមិន<br />ខាន។ យ៉ាងណាក៏ដោយ មជ្ឈមណ្ឌលព័ត៌មានដើមអម្ពិល មិន ទាន់អាចសុំការបកស្រាយ<br />ពីបុគ្គលិក និងថៅកែ ហាងតែគុជនេះនៅឡើយទេ ជុំវិញការរិះគន់របស់ក្រុមភ្ញៀវ ខាងលើ<br />នេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0557.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0558.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>