<p><span style="color: #000000;"><strong>(ក្រុងរីយ៉ូ)៖</strong> សំបុត្រសម្រាប់ចូលទស្សនាព្រឹត្តិការណ៍កីឡាអូឡាំពិក Rio 2016 នៅប្រទេសប្រេស៊ីល ជិត២លានសន្លឹក មិនទាន់លក់អស់នៅឡើយទេ ខណៈដែលការប្រកួតនៅសល់តែ ២សប្តាហ៍ទៀតប៉ុណ្ណោះ នឹងចាប់ផ្តើមហើយ ដែលជាការព្រួយបារម្ភយ៉ាងខ្លាំងសម្រាប់អ្នករៀបចំ។</span></p>
<p><span style="color: #000000;">សារព័ត៌មាន Sportskeeda បានផ្សាយឲ្យដឹងថ្ងៃពុធ ទី២១ ខែកក្កដា ឆ្នាំ២០១៦ នេះថា ចំនួនសំបុត្រ ៤.៤លានសន្លឹក ក្នុងចំណោមសំបុត្រសរុប ៦.១លានសន្លឹក ត្រូវបានលក់ចេញហើយ នៅសល់តែជិត ២លានសន្លឹកទៀតប៉ុណ្ណោះ ក្នុងការចូលទស្សនាពហុកីឡា ក្នុងឱកាស Olympic Games 2016 ដែលចាប់ផ្តើមចេញដំណើរពីក្រុង Rio de Janeiro នៃប្រទេសប្រេស៊ីលថ្ងៃទី០៥ រហូតដល់ថ្ងៃទី២១ ខែសីហា។</span></p>
<p><span style="color: #000000;">ប្រធានទីផ្សារផ្នែកលក់សំបុត្រក្នុង Rio លោក Donovan Ferreti បានថ្លែងប្រាប់ AP កាលពីថ្ងៃអង្គារម្សិលមិញថា <strong>«ព្រឹត្តិការណ៍ Rio 2016 ជាឱកាសដ៏ល្អមួយសម្រាប់អ្នករាល់គ្នាមកកាន់ប្រេស៊ីល តែក៏អាស្រ័យទៅតាមចំណង់ចំណូលចិត្តរបស់ពួកគេដែរ។ យើងអាចនឹងទម្លាក់ថ្លៃសំបុត្រ ប្រសិនបើនៅតែលក់មិនដាច់ទៀត តែវាអាចធ្វើឲ្យអ្នកគាំទ្រអាមេរិកអន់ចិត្ត ដោយសារតែពួកគេបានបានទិញសំបុត្ររួចហើយ ក្នុងចំណោមបារាំង អាល្លឺម៉ង់ អាហ្សង់ទីន និងជប៉ុន ដែលបានទិញសំបុត្រច្រើនជាងគេ»</strong>។</span></p>
<p><span style="color: #000000;">មន្រ្តីទីផ្សារប្រេស៊ីលខាងលើបានធ្វើការព្យាករណ៍ថា ចំនួនទឹកប្រាក់ ៣២០លានដុល្លារ នឹងទទួលបានពីការលក់សំបុត្រ ចូលទស្សនាការប្រកួតកីឡាដែលមានរយៈពេល ៤ឆ្នាំម្តង លើកទី៣១នេះ ដោយពុំបានបញ្ជាក់ពីតម្លៃសំបុត្រឡើយ ហើយរហូតមកទល់នឹងពេលនេះ សំបុត្រគឺនៅសល់ច្រើននៅឡើយ តែលោក Ferreti បានធ្វើការច្រានចោលមិនមែន ជាប់ទាក់ទងនឹងការភ័យខ្លាចនៃវីរ៉ុស Zika ឡើយ ប៉ុន្តែគ្រាន់តែមិនចង់មកកាន់ទីកន្លែង ដែលជាប្រភពដែលកើតឡើង តែប៉ុណ្ណោះ៕</span></p>
<p><span style="color: #000000;"><img src="http://static.sportskeeda.com/wp-content/uploads/2016/07/541755128-1469014704-800.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/13781874_1754322618140589_8509323919551096030_n.jpg?oh=d2fd44c9a3c62ff4bc45ea86d484ee73&oe=581B3291" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13710584_1754322628140588_3712056939052132671_o.jpg" alt="" width="730" /></span></p>
<p><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>