<p><span style="color: #000000;">នារីម្នាក់រស់នៅក្នុងទីក្រុង Shenzhen ប្រទេសចិន បានក្លាយជាទីចំណាប់អារម្មណ៍របស់អ្នកលេង</span><br /><span style="color: #000000;">បណ្ដាញសង្គមនៃប្រទេសនេះ បន្ទាប់ពីរឿងរ៉ាវដែលនាងមានសង្សារ ២០នាក់ក្នុងពេលតែមួយ</span><br /><span style="color: #000000;">ដើម្បីរកប្រាក់ទិញផ្ទះ ត្រូវបានបែកធ្លាយ។</span></p>
<p><a class="thickbox" title="" href="/FileManager/Commons/2016/10/31/house-31-10-2016--11-46-07.jpg"><img src="/FileManager/Articles/mce/2016/10/31/house-31-10-2016--11-46-07.jpg" alt="" /></a></p>
<p><span style="color: #000000; font-size: 12px;">នារីដែលមានឈ្មោះថា Xiaoli បានធ្វើឱ្យបណ្ដាញសង្គម Sina Weibo (ចិន) មានភាពក្ដៅគគុក <br /></span><span style="color: #000000; font-size: 12px;">បន្ទាប់ពីរឿងរ៉ាវដែលនាងមានសង្សារម្ដង ២០នាក់ ត្រូវបានគេចែករំលែក។</span></p>
<p><span style="color: #000000;">Xiaoli បានស្នើឱ្យបុរស ២០នាក់ដែលនាងកំពុងទាក់ទង ទិញ iPhone 7 ម្នាក់មួយគ្រឿងឱ្យនាង</span><br /><span style="color: #000000;"> ក្រោយមក នាងក៏បានលក់ទូរស័ព្ទទាំងនេះ ដែលមានតម្លៃសរុប ១៧.០០០ដុល្លារអាមេរិក ហើយ</span><br /><span style="color: #000000;">បានប្រើប្រាស់ប្រាក់ទាំងនេះដើម្បីកក់ប្រាក់ទិញផ្ទះមួយខ្នងនៅជាយក្រុង។</span></p>
<p><span style="color: #000000;">ហេតុការណ៍នេះត្រូវបានគេយកមកបង្ហាញ ដោយមិត្តរួមការងារម្នាក់របស់ Xiaoli ដែលមានរហ័ស</span><br /><span style="color: #000000;">នាមថា Proud Qiaoba បានបង្ហោះព័ត៌មាននេះនៅលើ blog ដ៏ល្បីឈ្មោះរបស់ចិន ឈ្មោះ Tian </span><br /><span style="color: #000000;">Ya Yi Du ។</span></p>
<p><span style="color: #000000;">Proud Qiaoba បានសរសេរនៅក្នុងអត្ថបទរបស់ខ្លួនថា “អ្នកទាំងឡាយក្នុងការិយាល័យ កំពុងតែ</span><br /><span style="color: #000000;">ជជែកគ្នាអំពីរឿងនេះ។ តើមាននរណាដឹងបានថា សង្សារទាំងឡាយរបស់នាងគិតយ៉ាងណា នៅ</span><br /><span style="color: #000000;">ពេលព័ត៌មាននេះ ត្រូវបានបើកកកាយជាសាធារណៈ?”។</span></p>
<p><span style="color: #000000;">Proud Qiaoba បានឱ្យដឹងថា Xiaoli កើតនៅក្នុងគ្រួសារក្រីក្រមួយ ដែលមានម្ដាយជាមេផ្ទះ និង</span><br /><span style="color: #000000;">ឪពុកជាកម្មករ។</span></p>
<p><span style="color: #000000;">Proud Qiaoba បន្តថា “បច្ចុប្បន្ន ឪពុកម្ដាយរបស់ Xiaoli មានអាយុច្រើនណាស់ទៅហើយ។ ជាមួយ</span><br /><span style="color: #000000;">នឹងតួនាទីជាបងស្រី Xiaoli កំពុងរងសម្ពាធនៃក្ដីសង្ឃឹមថានឹងអាចទិញផ្ទះតូចមួយសម្រាប់គ្រួសារ</span><br /><span style="color: #000000;">។ល។ ប៉ុន្តែ គេស្ទើរតែមិនអាចជឿបានថា នាងប្រើប្រាស់វិធីសាស្ដ្រនេះ”។</span></p>
<p><span style="color: #000000;">នៅពេលរឿងរ៉ាវស្ដីអំពី Xiaoli ត្រូវបានចែករំលែក មនុស្សជាច្រើនបានសំដែងការមិនសប្បាយចិត្ត</span><br /><span style="color: #000000;">ទៅនឹងសកម្មភាពរបស់នាង ដោយយល់ថា ការមានសង្សារ ២០នាក់ក្នុងពេលតែមួយគឺជារឿង</span><br /><span style="color: #000000;">ដែលមិនអាចទទួលយកបាន។ មនុស្សមួយចំនួនគិតថា នេះគឺជាសកម្មភាពបើកប្រាស់។</span></p>
<p><span style="color: #000000;">ទោះជាយ៉ាងនេះក្ដី ក៏មានអ្នកខ្លះគាំទ្រទង្វើរបស់ Xiaoli ដោយយល់ថា នាងត្រូវរងសម្ពាធពីគ្រួសារ </span><br /><span style="color: #000000;">ទើបបង្ខំចិត្តធ្វើបែបនេះ។ ក្រៅពីនេះ ក៏មានអ្នកខ្លះយល់ថា នាងគឺជានារីស្រស់ស្អាត និងឆ្លាតវៃ</span><br /><span style="color: #000000;"> ទើបអាចមានសង្សារ២០នាក់ក្នុងពេលតែមួយ។</span></p>
<p><span style="color: #000000;">អ្នកលេងបណ្ដាញសង្គមចិនម្នាក់បានសរសេរថា “ខ្ញុំមិនអាចរកបានសង្សារសូម្បីតែម្នាក់ ចំណែក</span><br /><span style="color: #000000;">នាងមានសង្សារដល់ទៅ២០នាក់ក្នុងពេលតែមួយ ហើយជាងនេះនាងថែមទាំងអាចស្នើឱ្យពួកគេ</span><br /><span style="color: #000000;">ទិញ iPhone ឱ្យខ្លួនម្នាក់មួយគ្រឿង។ ខ្ញុំពិតជាចង់ពឹងនាងឱ្យបង្រៀនខ្ញុំអំពីជំនាញនេះ”។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ BBC</span></p>