<p><strong>ព័ត៌មានអន្តរជាតិ ៖</strong> ទីភ្នាក់ងារសារព័ត៌មានបរទេស nbcnews កាលពីប៉ុន្មានម៉ោងមុននេះ<br />បានចេញផ្សាយអោយដឹងថា យ៉ាងហោចណាស់ មនុស្ស ២ នាក់ស្លាប់បាត់បង់ជីវិត ខណៈ<br />៧ នាក់ផ្សេងទៀតបានទទួលរងរបួស បន្ទាប់ពីមានករណីផ្ទុះអាវុធកាលពីល្ងាចថ្ងៃពុធម្សិល<br />មិញនេះ នៅឯហាងកាត់សក់មួយកន្លែង ភាគខាងកើតក្រុង Detroit នារដ្ឋ <span>Michigan សហ<br />រដ្ឋអាមេរិក។</span></p>
<p><span>ប្រភពសារព័ត៌មានដដែលបន្ថែមថាករណីផ្ទុះអាវុធវេលាល្ងាចម្សិលមិញនេះបានកើតឡើង<br />ពោលគឺម៉ោង ៦ និង ១៥ នាទី ល្ងាច ម៉ោងក្នុងស្រុក សហរដ្ឋអាមេរិក ។ ដោយឡែក បើនិ<br />យាយពីស្ថានភាពជម្ងឺ ក៏ដូចជាមុខរបួសជនរងគ្រោះទាំង ៧ នាក់ ដែលកំពុងតែសម្រាក<br />ព្យាបាលនៅឯមន្ទីរពេទ្យនោះ ពុំទាន់បានដឹងច្បាស់នៅឡើយនោះទេ។</span></p>
<p><span><span><span><a class="thickbox" title="" href="/FileManager/Commons/2013/11/7/131106-detroit-hmed-935pphotoblog600-07-11-2013--10-35-32.jpg"><img src="/FileManager/Articles/mce/2013/11/7/131106-detroit-hmed-935pphotoblog600-07-11-2013--10-35-32.jpg" alt="" width="442" height="277" /></a></span></span><br /></span></p>
<p>ទីភ្នាក់ងារសារព័ត៌មានក្នុងស្រុក បានចេញផ្សាយបន្ថែមអោយដឹងថា បុរសជាខ្មាន់កាំភ្លើង<br />មានគ្នាលើសពីមួយនាក់នោះ បន្ទាប់ពីមានការបាញ់វាយប្រហារ ក្រុមមនុស្សនៅក្នុងហាង<br />កាត់សក់ហើយនោះ ពួកគេបានរង់ចាំអោយមនុស្សមួយចំនួនផ្សេងទៀត រត់គេចខ្លួនចេញ<br />មកក្រៅសិន ទើបធ្វើការបាញ់រះឡើងលើបន្ថែមទៀត។</p>
<p> </p>
<p>លោក James Craig ជាមេបញ្ជាការមា្នក់អះអាងអោយដឹងថា តំបន់នេះ គឺពោរពេញទៅ<br />ដោយការលេងល្បែងស៊ីសង ។ ពួកយើងមិនទាន់បានដឹងច្បាស់នៅឡើយនោះទេ ថាតើ<br />ករណីផ្ទុះអាវុធលើកនេះ អាចកើតចេញពីបញ្ហាទារបំណុលឬក៏យ៉ាងណា នោះគឺ ស្ថិតនៅ<br />ក្រោមការតាមដានស៊ើបអង្កេតនៅឡើយ។</p>
<p>ក្រុមមន្រ្តីប៉ូលីស ក៏កំពុងតែតាមប្រមាញ់រថយន្តពីរគ្រឿងម៉ាក់ 2004 Chevrolet Impala<br />ដែលជាយានជំនិះរបស់ជនដៃដល់ចេញធ្វើសកម្មភាព ដើម្បីឈានទៅដល់ការចាប់ឃាត់<br />ខ្លួនពួកគេ និងយកមកផ្តន្ទាទោសទៅតាមផ្លូវច្បាប់របស់ប្រទេសនេះ៕</p>
<p><span lang="km"><span class="hps"><span><span><span><span class="bai14"><span><span><span><span><span><span><span><span><span><span><span><span style="color: #000000;">ព័ត៌មានអន្តរជាតិ ដ៏គួរអោយចាប់អារម្មណ៍ផ្សេងទៀត មាននៅខាងក្រោម ៖</span></span></span></span></span></span></span></span></span></span></span></span></span></span></span></span></span></span></p>
<p><a href="/News/Detail/98752/blasts-at-china-regional-communist-party-office-kill-one" target="_blank"><span style="color: #0000ff;">- ស្លាប់ម្នាក់ ក្រោយមានការបំផ្ទុះ គ្រាប់បែកច្នៃ ពីមុខការិយាល័យ គណបក្ស</span></a><br /><a href="/News/Detail/47805/ton-of-dead-fish-over-china-lake" target="_blank"><span style="color: #0000ff;">- ត្រីជិត ៨ តោន ងាប់អណ្តែតត្រា ពេញផ្ទៃទឹកទន្លេ បង្កជាភាព ភ្ញាក់ផ្អើលទូទាំងប្រទេស</span></a><br /><span lang="km"><span class="hps"><a href="/News/Detail/25160/video-shows-jet-passengers-fleeing-fire" target="_blank"><span style="color: #0000ff;">- ផ្អើលជម្លៀសខ្លួន ចេញពីយន្តហោះ ខណៈមានអគ្គីភ័យ ឆាបឆេះយ៉ាងសន្ធោសន្ធៅ</span></a><br /><a href="/News/Detail/8653/platypus-zilla-fossil-found" target="_blank"><span style="color: #0000ff;">- រកឃើញផូស៊ីល សត្វចម្លែក មានអាយុកាលរស់នៅ ១៥ លានឆ្នាំមុន</span></a><a href="/News/Detail/67102/georgia-father-points-out-daughters-burned-body-in-trash-can" target="_blank"><span style="color: #0000ff;"><br />- ដុតសម្លាប់កូនស្រីតូច ចោលក្នុងធុងសម្រាម រួចប៉ុនប៉ងធ្វើអត្តឃាត</span></a></span></span></p>
<p style="text-align: right;">ប្រែសម្រួល ៖ កុសល<br />ប្រភព ៖ nbcnews</p>