<p><span style="color: #000000;"><strong>(ភ្នំពេញ)៖</strong> តារាចម្រៀង និងជាប្រធានសមាគមសិល្បករខ្មែរ លោក សុះ ម៉ាច និងក្រុមគ្រួសារ បច្ចុប្បន្ននេះកំពុងតែមានទុក្ខ ក្រៀមក្រំជាទម្ងន់ ខណៈអ្នកម្តាយធំរបស់ខ្លួនបានទទួលមរណភាព ដោយគ្មានពេលត្រឡប់ក្រោយ ជារៀងរហូត កាលពីរសៀលថ្ងៃទី ១៦ ខែមករា ឆ្នាំ២០១៦ម្សិលមិញនេះ។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាចម្រៀងប្រុស លោក សុះ ម៉ាច បានសរសេរថា «<strong>រូបំ ទុក្ខំ អនិច្ចំ អនត្តា។ រសៀលម្សិលមិញ ខ្ញុំមានទុក្ខជាទម្ងន់ ដោយអ្នកម្តាយធំរបស់ខ្ញុំ គឺអ្នកម្តាយ សាន ម៉ៃសាម៉ាស ជនជាតិឥស្លាម ដែលជាភរិយាដើមរបស់លោកប៉ា សុះ ម៉ាត់ បានទទួលមរណភាព នាវេលាម៉ោង៣រសៀល ដោយជរាពាធ ក្នុងព្រះជន្មាយុ៨៨ឆ្នាំ!»</strong>។</span></p>
<p><span style="color: #000000;">លោក សុះ ម៉ាច បានបញ្ជាក់ថា <strong>«សពបានតម្កល់នៅផ្ទះ ខាងត្បូងស្ពានជ្រោយចង្វារ ចម្ងាយ៩០ម៉ែត្រ ក្បែរវិហារអ៉ីស្លាមមុខដាច់នឹងបញ្ចុះនៅវេលាម៉ោង១១ព្រឹកថ្ងៃទី១៧ខែមករា ឆ្នាំ២០១៦។ ក្រៅពីអ្នកម្តាយ បង្កើតរបស់ខ្ញុំ គាត់ជាអ្នកម្តាយទីពីរ ដែលខ្ញុំតែងតែគោរពគាត់ដូចម្តាយ បង្កើតរបស់ខ្ញុំដែរ !»</strong>។</span></p>
<p><span style="color: #000000;">ប្រធានសមាគមសិល្បករកម្ពុជា លោក សុះ ម៉ាច បានលើកឡើងបន្ថែមថា <strong>«ពេលនេះគាត់លាខ្ញុំ និងក្រុមគ្រួសាររហូតហើយ លាដោយអាឡោះអាល័យ ក្រៃលែងគ្មានអ្វីនឹងថ្លែង បានឡើយ។ សូមវិញ្ញាណក្ខន្ធអ្នកម្តាយ បានទៅជួបលោកប៉ា និងបានដឹកដៃគ្នាទៅកាន់ឋានសុគតិភពកុំបីឃ្លាតឡើយ ជាតិក្រោយកូនសូមជួបលោកទាំងពីរ ជាថ្មីទៀត!»</strong>៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-17-15-00-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-17-15-00-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-17-15-00-10-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>