<div class="item-page">
<p><span style="color: #000000;"><strong>(កំពង់ស្ពឺ)៖</strong> បុរសទុរគតម្នាក់ បានស្លាប់ដោយសារត្រីក្រាញ់ ត្បុលចូលក្នុងមាត់ ក្នុងពេលដែលកំពុងចាប់ត្រី កណ្ដាលភ្លៀងធ្លាក់ នៅរសៀល ថ្ងៃទី២០ ខែឧសភា ឆ្នាំ២០១៦នេះ ត្រង់ចំណុចអូរសំបុកចាប ខាងកើតភូមិត្រពាំងគង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។</span></p>
<p><span style="color: #000000;">ប្រជាពលរដ្ឋមូលដ្ឋាន បានឱ្យដឹងថា ជនរងគ្រោះឈ្មោះ សែ គិន អាយុ៤៥ឆ្នាំ មានជីវភាពក្រីក្រ គ្មានប្រពន្ធកូន រស់នៅជាមួយបងប្អូន ភូមិត្រពាំងគង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ក្នុងពេលភ្លៀង គាត់បានទៅរកត្រី នៅចំណុចកើតហេតុខាងលើ ក៏ចាប់បានត្រីក្រាញ់មួយក្បាល យកមកខាំក្នុងមាត់ បណ្ដាលឱ្យត្រីក្រាញ់នោះ ត្បុលចូលក្នុងបំពង់ក ប្រកាច់ស្លាប់នៅនឹងកន្លែងភ្លាមៗ។</span></p>
<p><span style="color: #000000;">បច្ចុប្បន្នសព ត្រូវបានសាច់ញាតិ យកទៅធ្វើបុណ្យតាមប្រពៃណី ក្នុងភូមិត្រពាំងគង ឃុំសង្កែសាទប និងមានលោក សោម ពុទ្ធតារា មេបញ្ជាការអាវុធហត្ថស្រុកឱរ៉ាល់ មានចិត្តសប្បុរសជន បានចូលរួមបុណ្យសព នូវប្រាក់ចំនួន១០០,០០០រៀល៕</span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-20-16-47-59-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-20-16-48-00-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>